Vikan - 18.06.1964, Blaðsíða 14

Það eru tíu ár síðan hinn auð-
ugi læknir Samuel Sheepard
var dæmdur fyrir að hafa rot-
að hina fögru konu sína með
því að slá hana tuttugu og sjö
högg með golfkylfu. Á þessu
ári verður honum sleppt úr
ríkisfangelsinu í Ohio, þar sem
hann hefur bjargað fjölda
mannlífa með því að stunda
áfram læknisstarfið í fangels-
inu. Hann fer aftur heim í fæð-
ingarbæ sinn, þar sem fólkið
trúir á sakleysi hans — þótt
sjálfur höfundur Perry Mason
hafi orðið að viðurkenna hið
gagnstæða.
Árið 1954 lokuðst fangelsishliðin í ríkis-
fangelsinu í Ohio að baki dr. Samuel Shepp-
ard, og þann dag hélt hann að lífið hefði
ekki framar upp á neitt að bjóða. Hann var
dæmdur i lífstíðar fangelsi fyrir morðið á
hinni fögru, þrjátíu og eins árs gömlu eigin-
konu sinni, Marilyn. Eftir óvenjulanga ráð-
stefnu, 102 klukkutíma, sakfelldu kviðdóm-
endur hann, þó með því að hann hefði rétt
til náðunar eftir tíu ára refsivist.
Nú eru þessi tíu ár liðin og dr. Sheppard
er að verða frjáls. Stundirnar bak við fang-
elsismúrana, sem virtust ætla að verða þær
ömurlegustu og mest niðurlægjandi í lífi
hins færa og dugandi hjarta- og heilasér-
fræðings, urðu hins vegar mikilvægur tími
af ævi hans. Hann hefur orðið til þess að
bjarga ótal mannslifum í fangelsinu, þar
sem hann hélt læknisstarfi sínu áfram.
Það var nokkrum mánuðum eftir að hann
kom í fangelsið, að hann var beðinn um
aðstoð. Annar fangi, að nafni John McCorm-
ick, sem var milljónaerfingi, var í ævilöngu
fangelsi, dæmdur fyrir morð. Hann hafði
drepið mann „að gamni sínu“. Nú þjáðist
hann af hjartasjúkdómi, sem virtist óviðráð-
anlegur, og fangelsislæknarnir höfðu gefið
upp alla von við að bjarga lífi hans.
Þá datt einum þeirra í hug að senda eftir
Sheppard, sem á læknisferli sínum hafði
náð athyglisverðum árangri með hjarta-
nuddi. Dr. Sheppard sá strax að hver sekúnda
var dýrmæt. Hann fór að nudda hjartað eft-
ir kenningu sjálfs síns, og eftir nokkrar
mínútur fór McCormick að anda og hjartað
byrjaði aftur að slá. Lífi hans var bjargað.
Síðan hefur dr. Sheppard unnið 60 tíma
vikulega á fangelsisspítalanum og bjargað
mörgum mannslífum. Hve mörgum er ekki
hægt að fá uppgefið, því, að fangelsisyfir-
völdin halda vörð um það leyndarmál. En
það er vitað, að meðal sjúklinga hans hafa
verið bæði fangar og fangaverðir. Mánað-
arlaun hans fyrir þetta starf hafa verið rúm-
ar 100 krónur . . .
Þegar dr. Sheppard hefúr nú afplánað
dóm sinn, er gert ráð fyrir að hann fari aftur heim í fæðingarbæ sinn, Bay Village, sem
hefur 11.000 íbúa og stendur á strönd Erie-vatnsins. Þar mun hann sjálfsagt hefja aftur
læknisstörf með tveimur bræðrum sínum, og þar getur hann vænzt góðs stuðnings, því að
fólkið í Bay Village hefur í öll þau tíu ár síðan morðið var framið, trúað því að dr. Shepp-
ard væri saklaus.
Var það Samuel Sheppard, sem myrti konuna sína aðfaranótt 4. júlí — þjóðhátíðardags
Bandaríkjanna — árið 1954?
Málsatvik voru þessi:
Snemma morguns hringdi síminn hjá borgarstjóranum, Spencer Houk, og þegar tólið var
tekið af, heyrðist æst rödd segja með andköfum: — Spencer, flýttu þér að koma hingað.
Ég held að þeir séu búnir að myrða Marilyn!
Tíu mínútum stóð borgarstjórinn og kona hans og störðu á lík Marilyn Sheppard. Hún
hafði verið myrt á svívirðilegan hátt. Tuttugu og sjö högg höfðu marið hauskúpuna eins og
eggjaskurn. Höggin voru að öllum líkindum greidd með golfkylfu sem hin myrta átti sjálf.
Þegar Marilyn Sheppard var myrt var hún komin fjóra mánuði á leið.
Innst í herberginu, þar sem morðið var framið, sat dr. Sheppard. Hann virtist viti sínu
fjær af sorg. Hann hélt krampakenndu taki um höfuð sitt með báðum höndum, meðan hann
stundi aftur og aftur: Marilyn, Marilyn, guð minn góður, Marilyn!
— Hvað hefur komið fyrir? spurði borgarstjórinn skelfdur. Eina svarið sem hann fékk
var: — Hún er dáin. Góði guð, hún er dáin.
Það leið meira en klukkustund, þar til dr. Sheppard gat sagt borgarstjóranum og lög-
reglumönnunum, sem náð hafði verið í, frá því í samhengi, sem fyrir hafði komið.
— Ég vaknaði, þegar líða tók á nóttina, sagði hann — við eitthvert þrusk í húsinu. Ég
ætlaði a ðrannsaka, hvað væri á ferðum og þá rakst ég á ókunnan mann. Ég réðist á hann,
en hann sló mig niður. Þegar ég rankaði við mér, var fyrsta hugsun mín, hvar Marilyn
væri. Og ég fann hana — þannig.
Dr. Sheppard var á þessum tíma einn þekktasti skurðlæknir í austurríkjum Bandaríkjanna
og einhver ríkasti læknir í landinu. Velgengni hans hafði vakið öfund margra. Árið 1945
kvæntist hann bernsku- og æskuástvinu sinni, og þau áttu einn son, hinn 7 ára Samuel yngra,
og hjónin höfðu vonað að seinna barnið yrði telpa.
Aðalpersónurnar í harmleiknura — t. v. Marilyn, sem tannst myrt með mölbrotna hötuð-
skel af 27 höggum mcð golfkylfu — t.h. hinn frœgi og ríki læknir, dr.. Samuel Sheppard, sem dæmdur var
í ævilangt fangelsi fyrir morðið . . . .
Dr. Samuel Sheppard leiddur í handjárnum i réttarsalinn í Clevcland, Oliio, þar sem þetta margrædda morð-
mál var tekið fyrir. Það var ekkl fyrr en eftir hundrað og tveggja tíma ráðstefnu, sem kvið-
dómendur kváðu upp dóminn um sckt hans . . . .
•J^ — VXKAN 25. tbl.