Vikan - 28.05.1964, Blaðsíða 27

18 ÞUSUND KRONUR
Tökum einfalda ferð: Við getum
skroppið í Péturskirkjuna á mánudags-
morgni klukkan níu og skoðað hana
í þrjá tíma. Um hádegið fara allir í
mat, sumir fá sér lúr á eftir, og
aðrir skoða Vatikanið síðari hluta dags.
Dagskránni sjálfri er lokið á hádegi,
og hver maður er frjáls að því að
eyða deginum og kvöldinu eins og
hann vill. Enginn er skyldugur að
fylgja fararstjóranum í kirkjuna, þótt
flestir óski væntanlega eftir því, og
þegar engin kvöð er á mönnum og
ekkert rekur á eftir, þreytist ferða-
fólkið aldrei. Eitt af því skemmtileg-
asta við utanferðir er að ganga um
göturnar og hitta fólkið, sjá hvernig
það býr og hvernig það lifir, og helzti
gallinn við hröðu ferðirnar er einmitt
sá, að þessi hlið málsins verður út-
undan. Frjáls ferð — í hlýju landi —
gefur ótakmarkaða möguleika hvað
þetta snertir. Þriðjudaginn klukkan
níu getum við skroppið í katakomb-
urnar, miðvikudaginn í Colosseum og
svo framvegis, en þarna yrði enginn
til að ýta hópnum áfram, menn gætu
setzt og hvílt sig þegar þeir vildu,
jafnvel orðið eftir, ef það dytti í þá.
Og alltaf yrði eftirmiðdagurinn og
kvöldið frjálst. Enginn asi, ró og
kyrrð, svaladrykkur á götuhorni, hver
maður sinn eigin herra. Ég minntist
á fornminjar og sól, ekki ber síður
að geta óperunnar og konsertanna,
engin borg í víðri veröld sameinar
þetta allt í jafn ríkum mæli og Róm.
Og því fer víðs fjarri að þeir sem
ekki hafa áhuga á óperu þurfi að
sækja hana, þeir labba út á næsta
götuhorn og fá sér Cinzano eða dansa
undir beru lofti, og kannski þykir
ýmsum gott að lesa bók lieima á
hóteli. Hver sem er, getur fylgt hópn-
um til Rómar og verið algerlega einn
á báti allan tímann, þótt flestum þyki
hins vegar gott að vita af hópnum
og fararstjóranum, ef einhver sér-
stök ferð vekur forvitni þeirra, eða
leysa þarf fyrir þá sérstök vandamál.
Algengt er að unga fólkið sækji mjög
1 sólbað, í slíkri ferð er ekkert auð-
veldara. Sólin bregzt aldrei í Róm á
þessum árstíma og ekki er erfitt að
komast á baðstaðina. Meginatriði er
það p.ð eiga sér fastan samastað í
langan tíma, því að ekkert er eins
þreytandi í utanferðum og að skipta
um hótel. Ef þú átt þér fastan sama-
stað geturðu alltaf gengið um létt-
klæddur, fötin þín vöðlast ekki og
krumpast í töskunum, þú ert ekki
alltaf sveittur af töskuburði og þú
getur hagað seglum eftir vindi. Þú
losnar við alla taugaspennu, OG ÞÁ
FYRST ÁTTU SUMARFRÍ.
Það er augljóst, að þetta er aðeins
ein tegund óskaferðar. Ef þú ert
þreyttur eftir annir vetrarins velurðu
kyrrlátt þorp einhvers staðar á sól-
baðstað, sumir kjósa skíðaferðir að
vetri. Ég held, að fyrir flesta menn,
sem eru líkt settir og ég sjálfur,
yrði Rómarferðin skemmtilegt ævin-
týri. Þótt við höfum unnið mikið að
vetrinum viljum við gjarna kynnast
nýju umhverfi og sjá merka hluti,
og — fá um leið rólegt og eftirminni-
legt sumarfrí.
Eftir slíka ferð er gott að koma
endurnærður á sál og brenndur af
sól í bjarta sumarið hér heima.
Einar Pálsson,
Lönd og leiðir.
«Jón Helgason
fararstjóri hjá Sunnu
PARÍS — RÍÍDESHEIM
— LUZERN
Af þeim ferðum, sem ég hef farið
sem fararstjóri fyrir Ferðaskrifstofuna
Sunnu hlýt ég að mæla með ferðinni
París — Rínarlönd — Sviss sem óska-
ferð fyrir 18.000 krónur.
Þessi ferð er góð hvíldarferð, jafn-
fram því að bjóða upp á mjög mikla
og skemmtilega tilbreytingu og fróð-
leik.
Flogið er á milli helztu staðanna,
svo aðal vegalengdirnar þreyta ekki.
Miðvikudaginn 26. ágúst verður flog-
ið frá Reykjavík til Parísar, með við-
komu í London.
í París verður dvalið í eina viku.
Sá tími nægir til þess að skoða allt
hið markverðasta, sem þessi glæsi-
lega heimsborg býður ferðamanninum.
Á hverjum degi er farið í eitthvert
ákveðið hverfi og gengið þar um, en
einmitt á þann hátt kynnast menn
borginni bezt.
Öllum sem kynnzt hafa ber saman
um, að París sé einhver fegursta
borg sem þeir hafi séð, — en töfrar
hennar liggja ekki hvað sízt í and-
rúmsloftinu sjálfu.
2. september verður flogið til Frank-
furt í Þýzkalandi með Caravelleþotu,
og ekið þaðan til Rudesheim við Rín,
þar sem stanzað verður í fjóra daga.
Þar kynnist ferðafólkið þýzkri glað-
værð á skemmtistöðunum í Drossel-
gasse, sem hvergi á sinn líka og reyn-
ist mjög frábrugðið því, sem forvitni-
legast var í París.
Um Rínarfljót er endalaus straumur
skipa og hlíðarnar ofan við bæinn
eru samfelldar vínekrur. Laugardaginn
5. september fer fram mikill fagnaður
á aðaltorgi bæjarins, Vínhátíðin. Þar
verður kjörin víndrottning Rudes-
heimer til næsta árs, úr hópi þeirra
stúlkna, sem vinna að vínræktinni.
Ef þátttakendur hópferðarinnar óska,
veröur farið í eins dags ferð til Frank-
furt eða Heidelberg, en báðar þessar
borgir liggja nokkuð fyrir austan
Rudesheim.
Sunnudaginn 6. september verður
flogið frá Frankfurt til Zúrich en
ekið þaðan um gróðursælar sveitir
Svisslands til ævintýraborgarinnnar
Luzern, þar sem dvalið verður í níu
daga. Borgin hefur íbúafjölda á borð
við Reykjavík og liggur við norðvestur-
enda Vierwaldtsáttervatns, þar sem áin
Reuss fellur úr því.
Sjálft borgarstæðið er með afbrigð-
um tilbreytingarríkt og hlýlegt. Gamli
bæjarhlutinn er í kvosinni við vatnið,
þar sem lokkandi sölubúðir eru í
hverju húsi við þröngar og skemmti-
legar götur, en lúxushótelin í röðum
við strandgötuna. Síðan teygja íbúð-
arhverfin sig upp um hæðirnar á þrjá
vegu, en að baki gnæfir Pilatus í suðri
og Rigi handan vatnsins, í austri.
Þessi tvö fjöll þykja með tignarlegri
fjöllum Svisslands, þótt þau engan
veginn eigi hæðarmetið, en á milli
þeirra blasir við óslitin Alpakeðjan í
fjarska.
Hverjum sem til Luzern kemur,
finnst hann strax vera þar eins og
heima hjá sér. Luzernbúar eru vanir
að umgangast ferðamenn, framkoma
þeirra er mótuð hlýju og kurteisi. í
bænum verður hver spölur skemmti-
ganga. Á vatninu má fá leigðar ýms-
ar tegundir báta eða vatnareiðhjól, —
með strætisvagni þarf ekki nema fáar
mínútur til þess að vera kominn upp
í blómlega sveit eða að unaðslegri
baðströnd.
Þeir sem óska taka þátt í dags-
ferð upp á fjallið Pilatus. Þá er siglt
hálfan annan tíma á vatninu til
Alpnachstad, en farið þaðan með tann-
hjólabraut upp á tindinn og síðan aðra
leið niður í svifbraut.
Reynslan hefur orðið sú, að flestir
þátttakendur hópferðarinnar hafa far-
ið í tveggja daga ferð með langferða-
bíl yfir St. Gotthard til Comovatnsins
í Norður-Ítalíu, og síðan aðra leið
yfir Alpafjöllin til baka. Þessi hríf-
andi ferð líður engum úr minni.
Þriðjudaginn 15. september verður
haldið heim á leið, fyrst í bíl til
Zúrich, en þaðan með flugvél til
London, Reykjavíkur eða Kaupmanna-
hafnar eftir því sem fólkið óskar.
Ferð SUNNU til Parísar ■— Rínar-
landa — Sviss er sannkölluð óskaferð.
Það er sannfæring mín og allra þeirra,
sem liafa veitt mér þá ánægju undan-
farin ár að slást með í hópinn.
Jón Helgason,
Ferðaskrifstofunni SUNNU.
þér upplýsinga. Þjónustan er mismunandi,
ferðir farnar á vissa staði eftir mismun-
andi leiðum, ferðatími misjafn og ýmislegt
annað. Til dæmis má nefna það, að í það
minnsta ein skrifstofan hefur þá reglu, að
láta farþega greiða allt nema flugfargjöldin
sjálf i gjaldeyri, sem þá verður að takast
af þessuin 100 pundum, sem hver ferðamaður
fær hjá bönkunum. En þess í stað virðast
ferðirnar vera ýfið ódýrari þar, þótt erfitt
sé að bera slikt saman, vegna þess að engar
tvær ferðir eru alveg eins.
Til þess að fara sem bezt með peningana,
eru margar leiðir, sem ógerningur er að telja
upp hér. Sumir gætu t. d. sem bezt hugsað
sér að fara fyrst til meginlandsins með skipi.
Það er hægt að komast að betri kjörum •—
fargjöldin eru lægri — en sumir vilja það
heldur en flugvél. Sumurn er það hvíld og
nautn að dvelja um borð í góðu farþega-
skipi og njóta tímans þar, láta stjana við
sig á liverjum fingri og lifa lúxuslífi um
borð i nokkra daga. Aðrir gera það vegna
peningana, sem sparast, og fara þá á öðru
plássi báðar leiðir. Þegar út kemur, geta
ferðaskrifstofurnar hér séð um ferð til suð-
rænna landa með bilum, járnbrautarlestum,
skipum eða flugvélum. Valið er ótakmark-
að. í apríl, maí, september og október eru
flugfargjöld á mörgum leiðum mun ódýrari.
Til Parísar sparast t. d. kr. 2163 krónur
(fram og til baka) ef farið er á þessum tima
... og svona mætti lengi telja.
En ein regla ferðamanns á að vera ófrá-
víkjanleg:
Hafið ávallt samband við ferðaskrifstofu
áður en þér ákveðið kaup farmiða.
VIKAN 22. tbl.
27