Vikan - 19.12.1968, Side 11

Sú söngkona, sem mest hefur látið að
sér kveða í Bretlandi í seinni tíð, er Julie
Driscoll. Julie varð fyrst þekkt, þegar hún
söng „This wheel's on fire“ á hljómplötu.
Þetta lag, sem er eftir Bob Dylan hefur
merkilegt nokk lítið sem ekkert heyrzt
hér, en í Bretlandi komst það í efsta sæti
vinsældalistans á sínum tíma.
Julie er mikill styrkur að því að hafa
tríóið Trinity sér til aðstoðar. Þar er
fremstur í flokki orgelleikarinn Brian
Auger. Brian var áður fyrr píanóleikari
og vann sér inn nokkra skildinga á hverju
kvöldi með því að leika jazz. Lék hann í
þann tíð með ýmsum þekktum jazzleikur-
um, og má nefna m. a. Ronnie Scott.
Síðar sneri Brian sér að orgelinu, og
hefur hann náð ótrúlegum tökum á því
hljóðfæri, eins og heyra má af plötum
Julie Driscoll. Er leikur hans slíkur, að
við liggur, að sjálf prímadonnan falli í
skuggann. Ásamt með Brian leika gítar-
leikarinn Dave Ambrose og trymbillinn
Clice Tracker. Þeir stofnuðu tríóið Trini-
ty, sem merkir þrenning, fyrir þremur
árum, og ásamt Julie Driscoll léku þeir
einkum í þekktustu diskótekum í Lond-
on, svo og í Frakklandi, áður en „This
wheel's on fire“ kom út á plötu.
Julie Driscoll — eða Jools, eins og hún
er kölluð í vinahópi — er tuttugu og eins
árs. Hún er ekki einasta afburða góð söng-
kona (hún var kjörin bezta söngkona í
Bretlandi 1968) heldur og mjög sérkenni-
leg og skemmtileg týpa. Myndir af henni
hafa birzt í þekktustu tízkublöðum heims,
m. a. Vogue og Elle. Hún segist aldrei
nota andlitsfarða, en setur í þess stað
nokkur útspekúleruð strik í kringum aug-
Framhald á bls. 28.
MED
GULRÆTUR
UPP Á
1IASANN

50. tbi. VIKAN 11