Vikan - 04.09.1969, Page 4

Það eru ekki állt hrafnar, sem
krókinn hafa á nefinu.
íslenzkur málsháttur.
í fréttunum
Hin gullfallega sópran stjarna Metropoli-
tan óperunnar í New York, Anna Moffo,
hefur um dagana fengið aragrúa tilboða
um að leika í kvikmynd. En flest hlut-
verkin voru ekki fyrir hana, hefur hún
haldið fram, vegna þess að þau voru klúr.
Nú lítur samt sem áður út fyrir að Anna
hafi rekizt á hlutverk sem hæfir henni;
hlutverkið sem hún hefur verið að bíða
eftir. Sem stendur er hún í Róm, þar
sem hún leikur aðalhlutverkið í myndinni
Una Storia d’Amore. Þar er hún í gervi
marehrjáðrar frillu ungs glansgæja, sem
eiskar hana og tekur kvikmyndir af öllu saman. Síðan sparkar
elskhuginn henni út á götu.
Anna var spurð að því, hvort hún teldi ekki að allar nektar-
senurnar og rúmfangabrögðin gætu skoðast klúr: — Alls ekki,
svaraði hún einarðlega. — Það er ekki hægt á nokkurn hátt að
blanda þessari mynd við eitthvað saurugt, því konan fer á endanum
til eiginmanns síns. Hún er því alls ekki að ginna mann sinn fyrir
einhverjar sápukúlutilfinningar. í öllum aðalatriðum er hún nú-
tímakona. Mjög heiðarleg kona, sem tekur þátt í sorgarleik.
Síðan Dr. Christian Barnard fyrstur
manna skipti um hjarta í lifandi manni,
hafa verið teknar milljónir mynda af
honum með fallegum stúlkum og konum.
Má þar til dæmis nefna Ginu Lollobri-
gidu, Soffíu Loren og Grace Kelly. En í
síðust viku sást hann með þeirri al-faU-
egustu. Barnard, sem er nýskilinn, lenti
á flugvellinum í Nice, í Frakklandi, en
þaðan kom hann frá kóngsins Kaupin-
höfn. Eftir mikið stímabrak komust frétta-
menn að því, að stúlkan var þar ein-
vörðungu til að taka á móti goðinu fyrir
hönd föður síns, amerísks byggingaverkfræðings, sem hafði boðið
Barnard að dvelja fjóra daga með sér í St. Tropez. Þaðan hélt
Barnard til Róm (syrgjandi Blaiberg) og stúlkan, hin átján ára
gamla Shoanna Ryan, í sólina á ströndinni.
Hugh Hefner, eigandi hins stórkostlega
Playboy tímarits, kvað einhverntíma hafa
sagt, að hann vildi heldur verða ást-
fanginn og vera elskaður en að græða
100.000.000 dollara í viðbót. Og nú virð-
ist þetta ætla að verða að veruleika.
,,Ég held ég geti fullyrt, að nú sé ég
orðinn ástfanginn í fyrsta skipti," sagði
hann nýlega, er hann kynnti konuefni
sitt á blaðamannafundi í Róm, en þar
vinnur hann að kvikmynd. Á leið tU
Evrópu kom Hefner við á íslandi, og
dvaldi hér yfir nótt, sem hann hefm
gert þrisvar til fjórum sinnum, en alltaf með mikiUi leynd. Og
konuefni Hefner’s, sem er 43 ára og fráskilinn, heitir Barbi Benton
(áður Barbara Klein) og var á forsíðu (alklædd) júlíheftis Playboy.
„Hann hefur ekki beðið mín enn, svo ég bara bíð,“ sagði hún. „En
mikið skolli væri gaman að segja neL“
EFTIRLEIKUR EFTIR TVÖ ÞÚSUND ÁR
Klettaborgin Masada við
Dauðahafið var vettvangur eins
merkasta atburðar í sögu Gyð-
inga. Atburður þessi varð árið
73 og nú, 1896 árum síðar, kemur
eftirleikurinn.
Árið 66 gerðu Gyðingar upp-
reisn gegn Rómverjum, og árið
70 var Jerúsalem skipt og upp-
reisnin bæld niður. En hópur
seláta þrjóskaðist við að gefast
upp, og komu sér fyrir í kletta-
r >.
STUTT
OG
LAG-
GOTT
Konum nœgir ekki að gift-
ast ríkum mönnum til þess
að verða fínar. Þœr verða
líka að kunna listina að
bera minkapels hirðuleys-
islega á öxlunum, rétt eins
og hann vœri baðkápa —
og öfugt.
V______________________________/
borginni sem síðan var umkringd
af 15000 rómverzkum hermönn-
um. í stað þess að láta að vilja
yfirboðara sinna, kusu Gyðing-
arnir dauðann. 967 manns létu
þarna lífið.
Eftir sigur ísraelsmanna í
júnístríðinu 1967 hafa verið gerð-
ar miklar rannsóknir og upp-
greftir á svæðinu í kringum
klettaborgina. Fundust þá meðal
annars steinvölur sem þykja
sanna, að nokkurskonar happ-
drætti hafi ráðið því hver ætti
að deyða félaga sína — og taka
síðan sjálfur eigið líf. Samkvæmt
þjóðtrúnni skeði þetta þann 14.
apríl, árið 73, svo þessir þraut-
seigu Gyðingar héldu út í þrjú
ár eftir að uppreisn þeirra var
bæld niður.
Einnig fundust 27 beinaerind-
ur, sem eru álitnar vera af hinum
allra síðustu. Þeim var komið
fyrir í kistum og síðan grafnar
með virðingu — og hervernd.
☆
4 VIKAN 36- «*■