Vikan - 16.04.1970, Side 3

16. tölublað — 16. apríl 1970 — 32. árgangur
FORSlÐAN Á forsíðunni er sigurvegarinn i Ijósmyndakeppni VIKUNNAR. Sjá
nánar um hana inni í blaðinu. (Ljósm. Sigurgeir).
Róbert Arnfinnsson er með beztu
skapgerðarleikurum, sem við eigum.
Hann hefur eins og kunnugt er leikið
hvert stórhlutverkið á fætur
öðru í Þjóðleikhúsinu undanfarin ár
og hlotið frábæra dóma og miklar vinsældir.
I þessari viku birtum við ítarlegt viðtal
við Róbert ásamt myndum af honum
í nokkrum helztu hlutverkunum, sem hann
hefur leikið ( á listferli sínum.
Ljósmyndakeppni Vikunnar er lokið og
hefur dómnefnd lokið störfum slnum.
Keppnin heppnaðist með mikilli prýði. Alls
bárust rösklega 300 myndir frá 80
Ijósmyndurum. í þessari viku eru
úrslitin kunngerð og birtar þrjár myndir,
sem verðlaun hlutu og sjö að auki,
sem hljóta viðurkenningu. Myndirnar
eru prentaðar á sérstakan myndapappír.
Táningaþátturinn Heyra má, sem
verið hefur I umsjá Ómars Valdimarssonar
að undanförnu, nýtur mikilla vinsælda,
enda jafnan skýrt frá því allranýjasta
sem er að gerast í poppheiminum. I þetta
sinn er meðal annars viðtal við
Gunnar Jökul, trommuleikara Trúbrots.
„Mér er sagt, að þér hafið góða rödd"
nefnist viðtal við Stefán íslandi,
óperusöngvara. Fáir hafa borið hróður
landsins víðar en hann. í viðtalinu rekur hann
þó ekki hinn glæsilega söngferil sinn,
heldur rifjar upp minningar frá
bernskuárum sínum í Skagafirði og segir
frá því, hvernig það atvikaðist, að hann fór
út í heim til að syngja og sigra.
„Það var glatt á hjalla i Vínarborg árið 1880.
Aðalsmenn og fyrirfólk sveiflaði sér eftir
valsatónum og skartgripirnir Ijómuðu
á hefðarfrúnum." Þetta er upphaf nýrrar
framhaldsögu, sem hefst í næsta blaði og
nefnist HENNAR KEISARALEGA TIGN
eftir Hugo M. Kritz. Hún byggir á
sannsögulegum atburðum og er spennandi
frá upphafi til enda.
Um siðustu páska efndi Æskulýðssamband
íslands til hungurvöku. Um tvö hundruð
manns, mest unglingar, en einnig ýmsir aðrir,
svo sem biskupinn yfir íslandi, séra
Jóhann Hannessson og fleiri, föstuðu ( 31
klukkustund. Blaðamaður Vikunnar
tók þátt í hungurvökunni og segir frá
reynslu sinni í næsta blaði.
í ÞESSARI VIKU
I NÆSTU VIKU
I FULLRI ALVÖRU
BIBLfAN SEM B0GGLAÐ R0Ð
Talsverða athygli vakti um páskahelgina það
tiltæki útvarpsmanna að hringja í nokkra hlust-
endur og spyrja þá út úr fræðum þeim, er
við þá daga eiga. Báru svörin vitni um heldur
slaka kunnáttu, og hvað minnsta hjá þeim, er
mestir virtust trúmenn. Skrifað stendur: Sælir
eru fátækir i anda, því að þeirra er himnaríki.
En kannski gætu þeir, sem urðu útvarpsmönn-
um að bráð að þessu sinni, tekið undir með
þeim sem kvað:
Biblían er sem bögglað roð fyrir brjósti mínu;
gleypti ég hana alla í einu,
en ekki kom að gagni neinu.
Atvik sem þessi vekja ósjálfrátt þá spurn-
ingu, hvort kirkjuskipan og kristnifræðsla
sé ekki meðal þess, sem meira en mál
væri að taka til endurskoðunar i samræmi
við breytta tíma. Samkvæmt stjórnarskránni ríkir
trúfrelsi á landi hér, en sá bókstafur verður
hlægilegur þegar höfð eru ( huga þau sérréttindi,
sem Lútherskristni hefur hérlendis framyfir önnur
trúarbrögð. Þorri barna er skirður og fermdur inn
í þjóðkirkjuna áður en þau eru orðin sjálfráða
og þess umkomin að ákveða sjálf hvort þau vilji
tilheyra einhverjum trúarflokki eða engum. Og
segi maður sig úr þjóðkirkjunni, er hann sekt-
aður með því að láta gjald það, er hann áður
reiddi af höndum tíl kirkjunnar, ganga til Há-
skólans, sem meðal annars hefur deild til að sjá
þeirri sömu kirkju fyrir embættismönnum. Og i
skólum landsins verður trúarbragðafræðslan (
reynd einhliða áróður fyrir kristindómnum eins
og íslenzka þjóðkirkjan túlkar hann.
Spurning væri hvort að á þessum tímum and-
legrar upplýsingar og lýðræðis væri ekki mál til
komið hjá sæmilega siðmenntuðum þjóðum að
breyta kristnidómskennslunni í skólmu þannig
að í stað þess að verða einhliða lestur á bibKu-
sögum yrði hún alhliða fræðsla um trúarbrögð
mannkyns yfirleitt, og yrði þá í meginatriðum
gerð grein fyrir viðhorfum helstu trúarbragð-
anna, kristni, búddisma, múhameðsku o.s.frv.
Þesskonar kennsluform væri til þess fallið að
gefa nemendum aukna innsýn í gildi trúarbragða
almennt, fyrir utan að það ætti að verða ólíkt
skemmtilegra og fjölbreytilegra en það sem nú
tíðkast. Væri það upptekið, gæti skeð að bibKan
bögglaðist ekki fyrir brjósti jafnmargra landsins
barna og hún nú gerrr. dþ.
VIKAN Útgefandi: Hllmir hf. Ritstjóri: Gylfl
Gröndal. Blaöamenn: Dagur Þorieifsson, Matthlldur
Edwald og Ómar Valdimarsson. Útlitsteiknlng: Hall-
dóra Halidórsdóttir. Auglýsingastjóri: Sigriöur Þor-
valdsdóttir. — Ritstjóm, auglýsingar, afgreiösla og
dreifing: Skipholti 33. Símar 35320 - 35323. PósthóU
533. Verö í lausasölu kr. 50,00. Áskriftarverð er 475
kr. fyrir 13 tölublöö árafjóröungslega, 900 kr. fyrir
26 tölublöö misserlslega. — ÁskriftargjaldiÖ grelðlst
fyrirfram. Gjaldd. eru: N6v.t febrúar, mai og ágúst
16. tbi. VIKAN 8