Vikan - 16.04.1970, Síða 27

Frestur til að skila myndum í Ljósmyndakeppni Vikunnar rann út 12. marz síðastliðinn. Þátttaka varð miklu
betri en við höfðum þorað að vona og bárust alls 320 myndir. Dómnefnd hefur nú lokið
störfum og eru úrslitin birt á þessum síðum. Fyrstu verðlaunin, sem eru 5000 krónur í peningum,
hlaut ung stúlka, Jóhanna Ólafsdóttir. Önnur verðlaun, 3000 króna úttekt á Agfa-ljósmyndavörum hjá Týli hf.,
hlaut Björn Björnsson, leikmyndateiknari og þriðju verðlaun, 2000 króna úttekt á ljósmynda-
vörum hjá Týli, Leó Jóhannsson. Verðlaunamyndirnar þrjár birtum við á þessari opnu, en á næstu
opnu birtum við sjö myndir til viðbótar, sem hlutu viðurkenningu dómnefndar.
í dómnefndinni áttu sæti: Óli Páll Kristjánsson, ljósmyndari, Rúnar Gunnarsson, ljósmyndari, Otti Petersen,
frá Félagi áhugaljósmyndara og Sigurgeir Sigurjónsson, ljósmyndari Vikunnar. — VIKAN þakkar
öllum þeim mörgu, sem tóku þátt í þessari keppni og óskar sigurvegurunum til hamingju.
Önnur verðlaun hlaut Björn Björns-
son fyrir þessa mynd. Nafn hans er
mörgum kunnugt. Hann var í Savann-
ahtríóinu fræga hér um árið, en gerð-
ist síðan leikmyndasmiður sjónvarps-
ins, strax og það tók til starfa. Um
langt skeið var hann eini leikmynda-
smiður stofnunarinnar og gat sér gott
orð fyrir leikmyndir sínar. Hann er
nú við nám í leikmyndagerð í Kaup-
mannahöfn, en fer væntanlega aftur
að vinna hjá sjónvarpinu að því loknu.
Björn hefur lengi tekið myndir í tóm-
stundum sínum og hafa myndir eftir
hann nokkrum sinnum birzt hér í Vik-
unni.

Leó Jóhannsson sem hlaut 3. verðlaun
er frá ísafirði og stundar nám í ljós-
myndun hjá Stúdíói Guðmundar í
eitt ár. Hann hefur haft áhuga á
ljósmyndun í þrjú ár og finnst gaman
að mynda allt og alla. Eftirlætisljós-
myndarar hans eru Cartiér Bresson og
Yousuf Karsh. Verðlaunamynd sína
tók Leó á Pentax Sla, 105 mm. linsu,
filma HP 4, ljósop 5.6 og framkallari
ID—11, pappír Agfa Brovira 112. Leó
lýkur prófi í ljósmyndun eftir þrjú
ár, en hefur hug á að afla sér frekari
menntunar erlendis að því loknu.

i6. tw. viIvAN 27