Vikan - 24.03.1977, Side 22

þeim út, þegar ég fer að verða var
við dýrið i þeim, og bráðlega ráfa
þeir þangað. Þeir óttast allir þetta
hús og mig. Þarna út frá lifir eins
konar skopstæling á mannkyninu.
Montgomery veit um það, því að
hann skiptir sér af málum þeirra.
Hann hefur þjáifað einn eða tvo af
þeim til þjónustu í okkar þágu.
Hann hálfskammast sín fyrir það,
en ég held, að honurr liki ekki illa
við sum af þessum kvikindum. Það
er hans mál, en ekki mitt. Þeir gera
mig bara leiðan yfir misheppnan.
Ég hef engan áhuga á þeim. Ég
imynda mér, að þeir hagi sér í
samræmi við reglur þær, sem
trúboðinn frá Suðurhafseyjum boð-
aði, og líf þeirra er eins konar
skopstæling skynsamiegs lífs —
vesalings greyin! Til er nokkuð,
sem þeir kalla Lögmálið. Þeir
syngja sálma um „allt þitt”. Þeir
byggja sér grenin sjálfir, safna
ávöxtum og slíta upp grös —
kvænast jafnvel. En ég get séð í
gegnum það allt, get skyggnst
alveg inn í sálir þeirra og sé þar
ekkert annað en sálir dýra, dýra
sem deyja — reiði og lostann af
lífinu og fullnægingu sinni....
Samt eru þeir einkennilegir. Flókn-
ir, eins og allt annað, sem lifir. Þeir
hafa til að bera eins konar viðleitni
fram á við, sem er sumpart
hégómagirni, sumpart ónýt kyn-
hvöt og sumpart fánýt forvitni. Það
er einungis eins og verið sé að
hæðast að mér... Ég hef dálitla
von með þessa púmu; ég hefi unnið
af kappi við höfuð hennar og
heila....”
,,Og nú,” sagði hann og stóð upp
eftir langa þögn, sem ríkt hafði,
meðan hvor um sig var sokkinn
niður í sínar eigin hugsanir; „Hvað
finnst þér núna’ Ertu ennþá
hræddur við mig?”
Ég leit á hann og sá ekki annað en
hvíthærðan mann með hvítt andlit
og róleg augu. Að undanskilinni
rósemi hans og þeirri fegurð, sem
stafaði af settleika hans og ró og
hinum glæsilega líkamsvexti, hefði
honum engin sérstök athygli verið
veitt í hópi hundrað annarra
rólegra, gamalla manna. Svo fékk
ég skjálfta. Sem svar við annarri
spumingu hans rétti ég honum sína
skammbyssuna með hvorri hendi.
„Haltu þeim,” sagði hann og
geispaði. „Þú hefur nú átt tvo
viðburðarríka daga,” sagði hann.
„Ég mundi ráðleggja dálítinn
svefn. Mér þykir vænt um, að allt
liggur ljóst fyrir. Góða nótt.”
Hann virti mig fyrir sér augna-
blik og fór svo út um innri dyrnar.
Ég sneri strax lyklinum í ytri
hurðinni.
Ég settist niður aftur, sat um
stund 1 daufu skapi, svo uppgefinn
tilfinningalega, andlega og likam-
lega, að ég gat ekki tekið upp
hugsanaþráðinn, þar sem hann
hafði slitnað. Svartur glugginn
starði á mig eins og auga. Að
síðustu slökkti ég á lampanum með
erfiðismunum og fór upp i hengi-
rúmið.
Um manndýra-
þjóðina
Ég vaknaði snemma. Útskýring-
ar Moreaus stóðu mér fyrir hug-
skotssjónum, skýrar og ákveðnar,
frá því augnabliki, er ég vaknaði.
Ég fór niður úr hengirúminu og fór
fram að dyrunum til að fullvissa
mig um, að lyklinum hefði verið
snúið. Svo prófaði ég gluggaslána,
og reyndist hún vera vel föst. Það,
að þessar mönnum líku verur væru í
raun og veru aðeins dýrslegar
ófreskjur, aðeins afkáraleg stæling
á mönnum, fyllti mig óljósri óvissu
um möguleika þeirra, og var þetta
miklu verra en nokkur ákveðinn
ótti. Barið var laust á hurðina, og
ég heyrði hinn loðna málblæ
þjónsins, sem var að tala. Ég setti
aðra skammbyssuna i vasann (og
hélt annarri hendinni á henni) og
opnaði fyrir honum.
„Góðan dag, herra,” sagði hann
og færði mér illa soðna kanínu auk
hins venjulega morgunverðargræn-
metis. Montgomery kom á eftir
honum. Hin reikulu augu hans sáu,
hvernig ég hélt handleggnum og
hann brosti skáhallt.
Púman hvíldi sig þennan dag, því
að hún var að gróa saman; en
Moreau, sem var einstaklega ein-
manalegur í venjum sínum, kom
ekki í félagsskap okkar. Ég ræddi
við Montgomery til þess að losa
sjálfan mig við hugmyndir um
lifnaðarhætti manndýraþjóðar-
innar. Einkum var ég ákafur í að fá
að vita, hvernig þessar ómennsku
ófreskjur væru hindraðar í að ráðast
á Moreau og Montgomery og í að
rifa hver aðra i sundur.
Framhald í naesta blaði.
Hiísgagnaverzlun

Reykjavíkur hf.
Fjölbreytt húsgagnaiírval á tveimur hæðum
[•;!
URVAL AF
skattholum, kommóðum,
skrífborðum og svefnbekkjum
Kaupiö fermingargjöfina
tímanlega
Kynnið ykkur
verð hjá okkur
Húsgagnaverzlun
Reykjavíkur hf.
Brautarholti 2 — Símar 11940 -12691
22 VIKAN 12. TBL.