Vikan - 02.11.1978, Blaðsíða 35

Brauðtertur
í erfídrykkju
Draumráðandi ródur!
Viltu ráða þennan draum fyrir mig,
því hann veldur mér hugarangri: Mér
fannst eiga að Jara að jarða móður
mína (en hún er dáin fyrir einu og hálfu
ári), en í draumnum fannst mér hún
samt ekki vera dáin. Égfór í kirkju og
settist á sama bekk og ég var vön að
sitja á, þegar ég var krakki ogfór í kirkju
með mömmu og pabba. Ekki var nein
kista, en preslur fór í stólinn og var í
svartri hempu. Þá tók ég eftir því að
þetta var ekki okkar prestur, en hann
var dálítið siór vexti þessi, og svo/ítið
svakalegur að mérfannst. Nú, þá tók
ég eftir því að þarna voru nokkrir í
hvítum kuflum eða kyrtlum, og man ég
sérstaklega eftir konu, sem heitir S.
Hún sat ekki I sömu bekkjarröð og ég,
ég sat hægra megin, en það var eins og
hún sæti eiginlega á milli bekkja-
raðanna. Það varnæstum alvegfull
kirkja, enginn sálmur var sunginn, en
þessi kona talaði voða mikið, og
svolítið hátt. Prestur heyrði þetta, og
spurði hvort hann ætti að leggja útfrá
því ístólnum, sem hún varað
segja. Hún játaði því, því hún hefði
eiginlega aldrei almennilega skilið
þetta. Ekki man ég hvað það var. Nú,
næst tók ég eftir því að það sat kona
fyrir framan mig, og brosti til mín, en
þessi kona dófyrir ári, en ég var
ekkert hissa á að hún væri þarna.
Næst var ég á leið heim, eða þar sem
ég ólst upp sem barn og 'unglingur. Ég
var á gömlum Willys jeppa, sem faðir
minn á, en ekkert af mínu nánasta
fólki var þarna. Ekki var ég alveg
komin heim, eða að þessum bæ, þegar
ég var að tala við tvo eða þrjá
karlmenn, sem voru að spyrja mig
hvort það ætti ekki að fara að
jarðsyngja móður mína. Játaði ég því,
(en í veruleikanum er hún ekki jörðuð
þarna). Nœst fór ég upp brekku, því
það er ansi brött brekka upp að
bænum. Svo fór ég inn á baðherbergi.
Þar var móðir mín að baða vngri
systur mína, en hún var I öllum fötum
Ekki fannst mér hún vera neitt blaut.
Þá tók égeftir því að það voru tvær
bleikar brauðtertur á borði þarna inni
á baði, og þykknaði þá svolítið I mér,
því mér fannst við hafa ákveðið að
hafa ekki brauðtertur í erfidrykkjunni,
og var búið að taka smá sneið af einni
þeirra. Næst fannst mér móðir min
labba inn I stofu, og fannst mér hún
Mig
dreymdi
alveg vera að skilja við, því hún var
orðin .s vo þróttlítU. Kyssti ég hana þá
á ennið, og fannst mér hún þá gefa
eftir, eins og það væru engin bein.
Hún var eitthvað si o mjúk. Eannst
mér hún þá setjast við gluggann, en
hann snýr í suður, og man ég eftir að I
glugganum stóð blóm, sem heitir
Aspatistía, en rétt við gluggann á borði
stóð rós, og var hún augsýnilega búin
að blómstra og klippt höfðu verið af
henni fjögur blóm. Þessi draumur varð
ekki lengri. Efþað hjálpar nokkuð þá
hef ég misst fjögur skyldmenni frá
/973-1976, og dó móðir mín síðust af
þeim. Nú, syo er hér annar draumur,
sem mig langarað látafylgja, því mig
er alltaf að dreyma, en hef aldrei skrifað
þér áður eða sent þá. Mér fannst ég
vera á fug\>eUi og ég held í Reykjavík.
Þá fannst mér mágur minn koma, en
hunn vinnur hjá flugfélaginu, og er
flugvirki. Var ég samt dálítið hissa, því
hann átti auðvitað ekkert að vera I
flugafgreiðslunni og sagði ég við hann
svona: „Nei, nú er ég hissa. Ert þú
hér?" „Já, ’’ svaraði hann, „þvi þú
bjargaðir mér einu sinni, svo ég ætla
að borga þér fyrir það. ” Fannst mér ég
sitja þannig að ég sneri baki að
salnum, og fólkinu, en sat við borð
með einhverjufólki, ogfannst mérég
þekkja það eitthvað. En um leið og
hann sagði þetta við mig, sagði hann
mér líka að hreyfa mig ekki, og hlýddi
ég því, en einhvern veginn fannst mér
þetta vera eitthvað óhreint, sem œtlaði
að ná tökum á mér og gera mér
mein. Og var þá þessi draumur á
enda. Nú langar mig til þess að þú
birtir ekki nöfnin.
Austflrðingur
Fyrri draumurinn er þér að flestu leyti
fyrir mjög góðu. Að dreyma sig
viðstaddan jarðarför boðar yfirleitt
giftum breytingu á lífskjörum, til hins
betra, en ógiftum boðar það skjóta
giftingu. Þér verður trúað fyrir
mikilvægu leyndarmáli, og muntu
aðstoða þá persónu, sem það varðar,
mikið. Þér er óhætt að halda stefnu
þinni óhikað, þar sem hulin öfl verða
þér til verndar. Þú færð svar við bréfi,
og veldur það þér mikilli undrun. Systir
þín mun að öllum líkindum breyta um
dvalarstað, og fylgir henni mikil gæfa.
Þú verður fyrir einhverjum ávinningi og
fjárhagslegum gróða, og þér mun fylgja
gæfa og gengi. Síðari hluti draumsins er
þó ekki eins góður, en þar koma inn í
mörg tákn, sem boða alvarleg veikindi.
Hvort þau verða hjá sjálfri þér eða ein-
hverjum þér nákomnum, skal ósagt
látið, en þú mátt búast við að mæta
einhverjum erfiðleikum, og gæfan mun
snúa við þér baki um tíma. Rósin er þó
heillaboði, og blöðin, sem klippt höfðu
verið af, eru aðeins tákn ástvinamiss-
anna, sem þú hefur þegar orðið fyrir.
Síðari draumurinn er þér fyrir óvæntum
og góðum fréttum, sem þú færð innan
tíðar, og munu þessar fréttir hafa mjög
jákvæð áhrif á líf þitt. Þú ættir þó að
varast að fara að ráðum vina þinna, þar
sem þau verða þér ekki til farsældar, en
mágur þinn mun aðstoða þig við
mikilvægt mál, sem skiptir þig miklu.
Kominn í kirkju
Kæri draumráðningarmaður.
Mig langar að biðja þig um að ráða
draum, sem ungan mann dreymdi, en
hann er úti í Noregi. Hann dreymdi,
að hann væri kominn heim, og var I
kirkju. Ekki vissi hann hvaða kirkja
það var. Það var sungið mikið og allur
söfnuðurinn söng. Þegar búið var að
syngja kom móðir hans fram og
byrjaði að tóna og var það mjög líkt
söngnum. Hún stóð rétt hjá honum,
og þegar hún hætti, þá tók hún með
báðum höndum um höfuðið á honum,
kyssti hann á ennið og sagði:
„Blessaður drengurinn, ” en
draumurinn varð ekki lengri. Með
fyrirfram þakklæti. Kær kveðja,
Draumspakur.
Draumur þessi er að öllu leyti unga
manninum mjög hagstæður. Hann
boðar honum frið og ánægju, og hans
bíða aukin þægindi, sem honum munu
hlotnast á skjótan og óvæntan hátt.
Kossinn boðar ávinning, og kirkjan er
lánsmerki.
44. tbl. Vikan 35
/