Vikan - 09.11.1978, Síða 31
„Ljósin í bænum":
ALLIR VALINKUNNIR
TÓNLISTARMENN
Stefán S. Stefánsson blásari og
tónskáld, Hlöðver Smári Haralds-
son hljómborðsleikari, Vilhjálmur
Guðjónsson gítarleikari, Gunnar
Hrafnsson bassaleikari, Már Elísson
trommuleikari, Ellen Kristjánsdóttir
söngkona og Guðmundur „Papa Jass”
Steingrimsson trommuleikari. Þetta eru
listamennirnir sem skipa hljómsveitina
„Ljósin í bænum”. Flokkurinn hefur
nýverið sent frá sér sína fyrstu hljóm-
plötu og af því tilefni birtir VIKAN
plakatmynd af þeim félögum. Því miður
náðist ekki til Ellenar söngkonu og
verður mynd af henni því að bíða betri
tíma.
En allt um það, hljómsveitina skipa
þessir kunnu listamenn, öll menniuð á
sínu sviði og hafa starfað lengi með
hinum og þessum hljómsveitum.
Stefán S. Stefánsson er skrifaður
höfuðpaur hljómsveitarinnar og hann
hefur auk þess samið öll lögin á
áðurnefndri plötu.
Lagasmíðar Stefáns eru jasskenndar
enda beinist áhugi hans greinilega í þá
átt. Hann lék með hljómsveitinni
Sextettinum á skólaárum sínum í
Menntaskólanum við Tjörnina. Hann
leikur listavel á saxófón og flautur og
hefur gefið tónsmiðum sínum sérstakan
blæ með þeim.
Önnu jasskempa í sveitinni er
Gunnar Hrafnsson bassaleikari. Hann
lék einnig með Sextettinum og er
mönnum jafnframt kunnur fyrir leik
sinn með söngsveitinni Melchior sem nú
hefur lagt upp laupana. Gunnar er einn
af forvígismönnum Jazzvakningar og
hefur leikið á samkomum hennar.
Vilhjálmur Guðjónsson er fjölhæfur
tónlistarmaður. Hann er þó talinn hvað
lagnastur á gítarinn og hefur leikið lengi
á hann auk blásturshljóðfæra. Hann lék
eitt sinn með hljómsveitinni Gaddavír
en er nú starfandi með hljómsveitinni
Galdrakörlum.
Hlöðver Smári Haraldsson hljóm-
borðsleikari er talinn vel liðtækur sem
slíkur og lék með hljómsveitinni
íslandiu á sínum tíma. Þá lék hann með
hljómsveitinni Pelican en yfirgaf hana
og var einn stofnenda Galdrakarla.
Félagi Hlöðvers og samstarfsmaður í
Galdrakörlum er Már Elísson trommu-
leikari. Hann hefur leikið með þeirri
hljómsveit frá upphafi, og í þeim lögum
á nýju hljómplötunni þar sem rokk-
þunginn er hvað mestur sér Már um
trommuleikinn.
Guðmundur „Papa Jass”
Steingrímsson er sennilega sá eini þeirra
félaga sem ekki þarf á neinni sérstakri
kynningu að halda. Hann þekkja
langflestir landsmenn af tónlistar-
störfum um langt árabil og allir segja
„Papa Jass” síungan. Hann lék með
KK-sextettinum þegar hann var við lýði
og hefur starfað með flestum þekktari
dans- og jasshljómsveitum hérlendis.
Að lokum skal getið söngkonunnar
Ellenar Kristjánsdóttur. Hún var við
tónlistarnám í Bandaríkjunum síðast-
liðinn vetur og hefur getið sér gott orð
fyrir söng sinn með hljómsveitinni
Tívólí. HP.
45. tbl. Vikan 31