Vikan - 09.11.1978, Blaðsíða 42

þar sem hitaelementin eru tvö er
hins vegar alltaf eitthvert vatn
afgangs. Það gerir ekkert til.
Magnið má samt ekki verða of
mikið þvi þetta vatn fer með í
næstu lögun og er ekki eins gott
ogferskt vatn.
Hæg uppáhelling: Til þess að
nýta kaffið sem allra best er best
að vélin helli hægt upp á. Vatnið
á heldur ekki að fara allt í
miðjan kaffipokann heldur líka
til hliðanna.
Hávaði: Hávaði skiptir miklu
máli fyrir þá sem ætla að laga sér
kaffi inni í stofu. Engar kaffi-
vélar eru hljóðlausar með öllu
en hávaðinn er misjafn. Sumar
suða jafnt og þétt á meðan aðrar
gutla hressilega af og til.
Leiðarvísir: Leiðarvísir ætti að
fylgja hverri kaffivél. Líklega
eru engir íslenskir leiðarvísar til
en útlendir eru betri en engir. I
þessum leiðarvísum á að standa
hvernig fara á með kaffivélina
og hvernig á að þrífa hana.
Varahlutir: Gallinn við kaffi-
vélar, sem eru eingöngu úr gleri
og plasti, er sá að þær vilja
brotna og skemmast. í öllum
þeim búðum sem við fórum í var
okkur sagt að hægt væri að fá
alla varahluti í kaffivélarnar og
er það til mikilla bóta. Slíkir
varahlutir eru samt oft talsvert
dýrir þannig að mönnum er
eindregið ráðlagt að fara vel
með þessa hluti. Betra er að
Vörumatkaðurinn er mefl umboð fyrir
Rowenta kaffivélar. Þessi kostar
29.300 og lagar 10 bolla. Í henni er
mjúkt plast og gler.
Bauknecht kaffivél frá SÍS á 25.192.
Vélin er ætluð fyrir 8 bolla af kaffi og
er úr gleri og plasti.
Þessi kaffivél er sú eina sem við
fundum sem er ekki eingöngu úr
plasti og gleri. Þessi er úr áli og
plasti, plastið er i algjörum minni-
hluta. Vélin kostar 36.030 og iagar 10
bolla. Hún ber nafnið Aromatic og
fæst m.a. í Dómus. Allt vatnið sem
fer i kaffið er soðið i einu í
geyminum ofan á vélinni og siðan
rennur það yfir kaffið i einni bunu.
Aðrar kaffivélar hita hins vegar litla
vatnsskammta i einu og hella þeim á
jafnóðum.
plastið í kaffivélunum sé mjúkt,
þá springur það síður. Málmur
er langbestur að þessu leyti og er
furðulegt að ekki skuli vera
framleitt meira af kaffivélum úr
málmi.
Kaffivél, algengasta
brúðargjöfin
Kaffivél er á Islandi sá hlutur
sem nær öllum brúðhjónum er
gefinn, jafnvel þó þau drekki
aldrei kaffi. Einnig eru kaffivélar
algengar gjafir í merkis-
afmælum. Ég veit um mann sem
varð fimmtugur fyrir nokkrum
árum og hafði lifað þessi
fimmtíu ár án þess að drekka
meira en svo sem tvo bolla af
kaffi og þótti honum það lítt
góður drykkur. Ættingjarnir
sáu samt sem áður ástæðu til
þess að gefa manninum kaffivél,
líklega til þess að öruggt væri nú
að þeir fengju kaffi er þeir
kærnu í heimsókn. Auðvitað
geta flestir notað kaffivélar ein-
hvern tíma. En fólk ætti að
hugsa pínulítið út í það áður en
það gefur öðrum kaffivél hvort
áhugi á að eignast slika vél er
fyrir hendi og hvort hennar er
þörf.
DS
42 Vikan 45. tbl.