Vikan - 01.02.1979, Page 29

Ljósm.: Árni PáH.
þarf ekki að koma á óvart, að í
þeirra hlut kom lag ársins, Ég er
á leiðinni eftir Magnús Eiríks-
son, Mannakornaforingja og
Brunaliðsmann, en útsetn-
inguna gerði nafni hans
Kjartansson. Þá fékk Brunaliðið
einnig aukaverðlaun þau, sem
veitt eru fyrir söluhæstu plötu
ársins.
Silfurtunglið hlaut titilinn
sjónvarpsþáttur ársins 1978 og
bjargaði þar með heiðri íslenskra
sjónvarpsmanna, því íslenskur
þáttur sést svo ekki fyrr en í 6.
sæti. Heiðurinn fellur þeim
Hrafni Gunnlaugssyni, Agli
Eðvarðssyni og Birni Björnssyni
í skaut, en þeir áttu einmitt
einnig heiðurinn af sjónvarps-
þætti ársins 1977, svo að þeir
mega vel við una.
Útvarpsþátturinn Á tíunda
tímanum er . áberandi
vinsælastur þeirra þátta, sem á
blað komast, og þarf það ekki að
vekja neina furðu. Þeim
félögum, Guðmundi Árna
Stefánssyni og Hjálmari Árna-
syni, hefur tekist að skapa
verulega líflegan þátt, sem
höfðar til hlustenda. Lög unga
fólksins urðu að víkja niður í 2.
sæti, en í 3. sæti er þátturinn
Áfangar, sem virðist njóta
mikilla vinsælda, þrátt fyrir
slæman hlustunartíma.
í erlenda hluta Vinsælda-
valsins kom mest á óvart, að
hljómsveitin Queen var valin
hljómsveit ársins ’78. Hún lét
lítið á sér bera, allt þar til hún
sendi frá sér plötuna Jazz síðast
á árinu. Eðlilegra hefði verið, að
hljómsveitin Bee Gees, sem lenti
í 2. sæti, hefði sigrað. Hún kom
víða við sögu, en þó fyrst og
fremst í kvikmyndunum
Saturday Night Fever og Sgt.
Peppers. Sjá nánar um hljóm-
sveitina í plakatágripi á bls. 31.
Sigurvegari erlenda hlutans
telst þó greinilega sá þéttvaxni
og fjallmyndarlegi Meat Loaf.
Hann vann yfirburðasigur sem
söngvari ársins með meira en
helmingi fleiri stig heldur en
Billy Joel, sem varð í 2. sæti.
Meat Loaf á einnig vinsælustu
plötu ársins, Bat Out Of Hell,
sem samkvæmt stigagjöfinni á
greinilega miklum vinsældum að
fagna.
Linda Ronstadt varði titil sinn
frá í fyrra með sóma, og þarf
e.t.v. ekki að koma á óvart, enda
er hún vinsælasta söngkona
Bandaríkjanna. Kate Bush, sem
er í öðru sæti, er tvítug, ensk
læknisdóttir, sem kom fram á
sjónarsviðið í fyrra með
allóvenjulega plötu, The Kick
Inside.
Carlos Santana, sem varð
hljóðfæraleikari ársins, er
höfuðpaur hljómsveitarinnar
Santana. Hann varð í 3. sæti í
fyrra á eftir hljómborðsleikurun-
um Rick Wakeman og Keith
Emerson. Þeir urðu nú að víkja
úr sæti fyrir Billy Joel og Brian
May.
Nafnið BillyJoel kemur
að vonum viða fyrir í
S.tbl. VIKan 29