Vikan - 08.02.1979, Qupperneq 6

Svipmyndir frá Kitzbúhel.
alveg ókeypis, en það er hjá honum Heinz,
er leigir út skíði í Graggaugasse. Hann
hefur útbúið hlýlegt herbergi inn af
versluninni, þar sem hann veitir viðskipta-
vinum sínum eplasnafs við snarkandi arin-
eld, enda eru Austurríkismenn þekktir fyrir
elskulegt viðmót og gestrisni. Hann hefur
um áraraðir safnað gömlum, sögulegum
munum í sveitunum umhverfis, sem gefa
„veitingastofunni” alveg ógleymanlegan
blæ.
Og kannski ertu líka svo heppinn að
rekast þar á hann Lutz ljósmyndara. Hann
er borinn og barnfæddur í Kitzbúhel og
kann hafsjó af sögum frá þeim tímum, er
aðalsmenn gerðu garðinn frægan og
prinsinn af Wales laumaðist til stefnumóta
við frú Simpson í Kitzbúhel. Hann minnist
með söknuði skíðakennara prinsins, Billy
Bracken.
— Sá maður kunni að snúa öllu upp í
ævintýri, segir hann. — Þá var nú ekki
hikað við að skemmta sér til morguns eftir
erfiðan dag. Fólk skemmtir sér ekki þannig
lengur.
— Kannski á það ekki eins mikla
peninga, segi ég.
— Nei, segir hann. — Fólk á meiri
peninga núna. En það hefur glatað
hugmyndafluginu.
Kannski er nokkuð til í því.
Líf í tuskunum
Trans Alp gengst fyrir tveimur skemmti-
kvöldum fyrir gesti sína, og fórum við á
Týrólakvöld í Gasthaus Neuwirt í Obern-
dorf. Þar voru sýndir fjörugir, austurrískir
þjóðdansar og jóðlað af hjartans lyst. Að
lokum hrifust gestir svo mjög með, að þeir
þyrptust sjálfir upp á sviðið til að dansa.
Hitt skemmtikvöldið nefnist Fonduekvöld
og er haldið i gömlum og skemmtilegum
kastala, Schloss Múnichau.
Trans Alp býður einnig upp á sleðaferðir
fyrir alla fjölskylduna og tvær dagsferðir.
Önnur ferðin er til Innsbruck, höfuðstaðar
Týról, og Vipiteno á Ítalíu, en þar er hægt
að kaupa leðurvörur við vægu verði, t.d.
skíðaskó. Hin ferðin er til Salzburg, og
völdum við hana.
Á leiðinni er farið yfir Berchtesgadener
6 Vikan 6. tbl.