Vikan - 12.07.1979, Side 10

árás en fylgdarskip skutu út djúpsprengjum
svo eitthvað hafa þeir orðið varir við kaf-
báta. Radarkerfið var þá komið til
sögunnar en það var algjört hernaðar-
leyndarmál.
— Hernám Breta þýddi auðvitað gífur-
lega breytingu fyrir landið okkar jafnt í
utanríkismálum og öðru. Því var mótmælt
kröftuglega sem broti á okkar hlutleysis-
stefnu. Howard Smith, sendiherra Breta,
korn með hernum til að tilkynna að Bretar
hygðust halda áfram að viðurkenna okkar
sjálfstæði og mundu ekki skipta sér af
innanríkismálum íslendinga nema
hernaðarlega nauðsyn bæri til. Þá sat hér
við völd þjóðstjórnin svokallaða og
Hermann Jónasson forsætisráðherra hélt
ræðu í útvarpinu þennan sama dag. Þar
skýrði hann frá hernáminu, bað landsmenn
að taka því með stillingu og sagði það
æskilegast að farið væri með hina erlendu
hermenn sem gesti í landinu. Enda segir sig
sjálft að það þýddi lítið fyrir ríkisstjórnina
að mótmæla hernáminu.
Ástæðan fyrir hernáminu var talin sú að
breska upplýsinga- og leyniþjónustan taldi
sig hafa komist að því að ísland væri næst á
lista hjá Hitler. Churchill sagði síðar að
bækistöðvar á íslandi væru svo mikilvægar
vegna siglinga um Atlantshafið að það
mætti líkja því við að beina hlaðinni
skammbyssu að höfði óvinarins.
Eftir heinrkonuna tek ég strax til starfa í
hinu nýja utanríkisráðuneyti og starfa þar
til 1951. Þá er ég skipaður sendiherra í
London.
Ást
á Rússagilli
Blm.: — Og þá er Ólöf komin til sög-
unnar?
Ólöf: — Já, löngu áður. Við hjónin
kynntumst á Rússagilli 1942 og gengum í
hjónaband í ársbyrjun 1944. Hvort ég bjóst
við öllu þessu flakki? Ég vissi að starf
Agnars gat haft í för með sér tíða flutninga
á milli landa en hugsaði lítið um það. Ég
hafði litið sem ekkert ferðast áður en við
flytjum til London. Bara komið einu sinni
til Kaupmannahafnar eftir stúdentspróf. Á
stríðstímum gefast ekki mörg tækifæri til
að ferðast.
Á þessu tímabili áttum við þegar tvær
dætur og soninn eignumst við svo í
London. Eitt aðaláhyggjuefni fólks í utan-
ríkisþjónustunni er vissulega skólaganga
barna. Þar verður hver að bjargast eins og
best gengur miðað við þann stað sem hann
erá.
Þegar við komum til London var enn
mikill stríðsblær á borginni. Það var verið
að reisa við rústir og niikil skömmtun á
öllum matvælum.
HÓTEL AKRANES
Njótið sœlunnar og hvílist í kyrrlátu
notalegu umh verfi.
FYRSTA FLOKKS HÓTEL- OG MATSÖLU-
STAÐUR — VlNSTUKA — LAX- OG
SILUNGSVEIÐILEYFI
Munið daglegar ferðir Akraborgar
HÓTEL AKRANES
Bárugötu 15 — Akranesi — Sími 2020
10 Vikan 28. tbl.