Vikan - 01.11.1979, Blaðsíða 62

póSTimw
Islenskur stjörnu-
spámaður
Heill og sœll, góöi Póstur!
Ég er fædd með ólæknandi
dellu (reyndar stjörnudellu) og
þarsem þú leysir úrspurn-
ingum fólks, datt mér í hug
að skrifa þér.
Er enginn stjörnuspámaður
hér á íslandi sem les í
fæðingarkort manns?
Er hægt að læra um stjörnu-
speki hér á landi? Ef ekki, hvar
er þá hægt að læra það? Vertu
svo góður að svara mér. Með
þökk fyrir svörin. Helga
Því miður, Póstinum er ekki
kunnugt um neinn stjörnu-
spámann á íslandi, en ef til vill
getur einhver lesandinn hlaupið
undir bagga. Stjörnuspeki sem
slíka er ekki hægt að læra hér á
landi, en í gamla daga sagði
ólyginn Póstinum að slíkt væri
hægt að nema í hinum franska
Svartaskóla. En áður en þú ferð
eitthvað út á þessa braut ættirðu
að hugsa þig vel um, því þú
myndir varla hafa nema
takmarkað gagn af slíku námi í
nútímaþjóðfélagi.
Draumurinn
minn var
í Vikubásnum!
Hæ, hæ, þið!
Þið eruð sko aldeilis sniðugir.
Ég lá sko vel í súpunni í
Laugardalshöllinni á vöru-
sýningunni. Ég fór auðvitað i
básinn hjá Vikunni og þurfti
þá minn elskulegi draumur að
vera á stóru spjaldi uppi á
vegg. Ja, þið!! Vinkona mín sá
hann fyrst og benti mér á
hann. Ég marðist saman, mér
brá svo!! Ég labbaði nær
draumaspjaldinu og byrjaði að
lesa. Allt I einu fann ég hvað
ég hitnaði óstjórnlega mikið.
Egspurði vinkonu mína hvort
ég væri rauð — og vitið, hún
sagði JÁ! Ég engdist sundur og
saman við orð hennar. Ég
vona bara að enginn hafi tekið
eftir viðbrögðum mínum.
Ég má til með að hæla
ykkur, því ég skammaði ykkur
svo mikið (reyndar sagði ég
bara frá raunum mínum). Mér
fannst klefinn ykkar snilldar-
lega gerður. Það varfrábæri
fyrir dyrunum, sérstaklega
Ijósasjónin, hún fannst mér
fiott. Jæja, takk fyrir allt.
Miss „sexý"
Við þökkum kærlega hrósið um
Vikubásinn og vonum að þú
hafir jafnað þig að fullu eftir
áfalliðásýningunni!
Við erum svo-
lítið feimnar
Elsku Póstur!
Við erum hérna tvœr
vinkonur og alveg að drepast
úr ást. Hvernig getum við
kynnst honum nánar, við erum
svolítið feimnar? Hvað er
Alexander í Teens gamall?
Hvað er Leif Garrett gamall og
hvert er heimilisfang hans?
Tvær að drepast úr ást.
Þetta er fremur erfitt úrlausn-
ar, meira að segja fyrir Póstinn.
Hverjum viljið þið kynnast
nánar? Einhverjum sem þið
eruð báðar hrifnar af? Ef svo
er skuluð þið gleyma þvi snar-
lega. Það er erfitt að skipta
einum manni á milli tveggja
kvenna og slíkt gæti valdið
vinslitum ykkar. Reynið að
finna ykkur sinn hvor til að dást
að.
Alexander í Teens er
Póstinum alveg ókunnur. Um
Leif Garrett veit Pósturinn
álíka lítið, heldur þó að hann
sé ennþá vel innan við tvitugt
og heimilisfangið er: Leif
Garrett, c/o Scotti Bros.
Entertainment, 9229 Sunset
Blvd. Los Angeles, California
90069 USA.
Pennavinir
Ingunn Sigurðardóttir, Frcmristekk 15,
109 Reykjavík, óskar eftir að skrifast á
viðstráka á aldrinum 15-17 ára. Hún er
sjálf 15 ára. Hún biður um að mynd
fylgi fyrsta bréfi ef hægt er.
Ráð til að hætta
að roðna
Elsku Póstur góður!
Ég hef einu sinni skrifað þér
áður en þá fékk ég ekkert svar.
Nú ætla ég að prófa aftur og
ég vona að þú svarir mér núna.
Ég er stelpa og er sextán
ára og vandamál mitt er að ég
roðna svo hryllilega að ég ræð
ekkert við það. í skólanum má
kennarinn ekki tala við mig, þá
roðna ég og stama svo allur
bekkurinn fer að hlæja. Þá
langar mig mest til að gráta, en
ég hef nú samt aldrei gert það.
Ég þori ekki að fara í
bekkjarpartí eða neitt af því að
ég veit að ég bara roðna og
geri mig að fifii ef einhver talar
við mig og hver heldur þú að
vilji vera með svoleiðis
manneskju í partíi.
Ekki hlæja að mér, Póstur
minn, því ég veit ekki hvað ég
get gert til að hætta að roðna.
Getur þú hjálpað mér og gefið
mér gott ráð? £//7 / vanda
Dúkkur, sem ganga, tala,
pissa og . . . .
Kæri Póstur!
Ég á við svo/ítið sérstætt vandamál að stríða, sem ég
vona að þú getir ef til vill hjálpað mér að leysa.
Við hjónin erum frekar ung og eigum eina litla dóttur. í
ætt mannsins míns eru börnin ekki mörg og nú hugsa ég
með hryllingi til þess að jólin eru að nálgast. Þá kaffœra
mörg þúsund föðursystur og bræður, afar og ömmur,
frænkur og frændur okkur í yndislega vönduðum, stórum
og dýrum gjöfum, dúkkum sem ganga, tala, pissa og hlœja,
dúkkuvögnum, dúkkukerrum, dúkkurúmum, dúkkuhúsum
og bollasettum fyrir dúkkur. Allir keppast um að gefa henni
sem stærstar og dýrastar gjafir, en hugsa ekkert út í að það
rúmast ekki meira dót og drasl í íbúðinni. Hitt og þetta dót
sem litla dóttir mín hefur aðeins stundaránægju af.
Við erum nýbúin að festa kaup á þessari íbúð og eins og
gefur að skilja er hún afskaplega tóm og aumingjaleg sem
stendur. Dóttir okkar sefur í rúmi, sem við erfðum eftir
frænku hennar, og hana vantar bæði borð og hillur og
fleira fallegt í herbergið. Og nú kem ég loksins að því sem
ég ætlaði að spyrja um. Finnst þér mjög dónalegt ef ég nú
tek mig til og hringi í nánustu ættingjana og bið þá um að
slá saman í eitthvert fallegt húsgagn eða eitthvað sem hún
hefur virkilega þörf fyrir, en ekki alltaf þetta endalausa
í dúkkudrasl? Ég hef margsinnis tekið upp tólið og ætlað að
hringja, áður en það verður of seint, en tilhugsunin um að
ég sé að móðga þau stoppar mig alltaf.
Gefðu mér nú gott ráð, Póstur góður.
D.S.
Það er ólíklegt að nokkur taki það nærri sér ef þú færir
vandann i tal við þann úr frændliðinu, sem þú treystir best.
Notaðu tækifærið þegar þú nærð samtali undir fjögur augu
og útskýrðu þann vanda, sem fylgir þessum óskipulögðu
gjafakaupum. Það gæti einnig verið gefendum til mikils
hagræðis, því oft á tíðum er einmitt vandamál hvað á að
kaupa og því fara leikar svo að keypt er í hasti það sem hendi
er næst. Ef þér finnst erfitt að færa þetta í tal við ættingjana,
ef þú þekkir þá til dæmis lítið, sér Pósturinn ekki hvers
vegna maðurinn þinn ætti ekki að geta leyst málið. Hann er
líklega sá sem þekkir þetta fólk best, því þetta eru hans
ættingjar en ekki þínir. Umfram allt skaltu framkvæma
eitthvað hið skjótasta svo næstu jólagjafir verði ekki að
óleysanlegum höfuðverk.
62 Vikan 44. tbl.