Vikan - 18.09.1980, Blaðsíða 62

Pósturinn
Hún vill fara
með einum
einmana í bíó!
Kæri Póstur!
Ég ætla nú ekki að taka
mikið af plássinu þínu í þetta
sinn (þ.e.a.s. ef bréfið verður
birt). / 32. tölublaði sem kom
út þann 7. ágúst var á síðu
Póstsins birt bréf sem var frá
„einum einmana". Varþetta
bréf í rammanum undir fyrir-
sögninni, „alltaf einmana og
vinirnir farnir”. Mig langar að
skrifa nokkrar línur til þessa
stráks: Ég á við sama vandamál
að stríða. Ef þessi strákur vildi
fara með mér í bíó og svoleiðis
mundi ég gjarnan þiggja það.
ÞAÐ SAKAR EKKIAÐ
PRÓEA ÞETTA! Nafnið getur
hann fehgið á afgreiðslu
Vikunnar. Vonandi rætist úr
þessu.
Ein sem vantar bíófélaga.
Og við vonum að einn einmana
láti heyra frá sér sem allra fyrst.
Ef hann er hins vegar of feiminn
til þess að hafa samband við
ritstjórn Vikunnar eða hefur á
ný náð tengslum við félagana er
ekki loku fyrir það skotið að úti í
bæ sitji einn enn, sem berst við
þetta sama gamla, . . hrikalega
feimni. Þá ætti hann að hafa
samband við ritstjórn Vikunn-
ar án tafar og athuga hvort
þessi ágæta stúlka lætur ekki til
leiðast að fara með honum í bíó
og fleira. Eins og hún segir sjálf
. .. það sakar ekki að reyna!
Pennavinir
Katrín Albertsdóttir, Smáratúni 12, 800
Selfossi, óskar eftir aö skrifast á við
stráka á aldrinum 13-15 ára. Áhugamál:
strákar, sund, hestar, ferðalög, dans,
íþróttir og fleira. Svarar öllum bréfum.
Mynd fylgi fyrsta bréfi ef hægt er.
Guörún Guðmundsdóttir, Hóimaseli,
801 Selfossi, óskar eftir að skrifast á við
krakka á aldrinum 15-17 ára (er sjálf 16
ára). Áhugamál hennar eru hestar,
poppmúsik, skemmtanir o.m.fl.
Halla Sigtryggsdóttir, Hólum, Hjalta-
dal, 551 Sauðárkróki, óskar eftir að
skrifast á við krakka á aldrinum 14-15
ára. Áhugamál margvísleg.
Halla Gylfadóttir, Heiðarbraut 51, 300
Akranesi, óskar eftir að skrifast á við
krakka á aldrinum 14-16 ára.
Áhugamál: strákar, böll, bíó, sund,
frimerki og margt fleira. Mynd fylgi
fyrsta bréfi. Svarar öllum bréfum.
Sesselja Ingimundardóttir, Brekkubraut
17, 300 Akranesi, óskar eftir að skrifast
á við stráka og stelpur á aldrinum 14-16
ára. Áhugamál: strákar, böll, bíó, sund
og margt fleira. Mynd fylgi fyrsta bréfi.
Svarar öllum bréfum.
„Ég hef lært af reynslunni. . ."
Hæ Póstur!
Ég hef aldrei skrifað þér áður en datt í hug að gera það
núna því mér finnst þægilegra að leita upplýsinga hjá þér
heldur en hjá lækni, þannig að þú verður eins konar milli-
göngumaður. í raun og veru hef ég heldur enga hugmynd
um við hvaða lœkni ég œtti að tala. Ég er búin að vera
með strák í 2 ár og ég elska hann mjög heitt og get ekki
hugsað mér að missa hann. En núna er hann að vinna I
öðrum landshluta heldur en ég. Hann er fyrsti og eini
strákurinn sem ég hafði lifað með kynferðislega og kynlíf
okkar er mjög gott. Samt sem áður verð ég að játa að ég
hef stundum staðið mig að því að vera að hugsa um
hvernig það væri að liggja undir öðrum karlmanni, en þó
hefur aldrei hvarflað að mér að prófa það. En núna fyrir
stuttu gerði ég mesta glappaskot í lífl mínu hingað til. Ég
var full og fór í rúmið með strák sem ég hafði aldrei séð
áður og býst ekki við að flnna hann aftur þótt ég leitaði. Ég
er á pillunni, vissi að strákurinn hyrfi úr lífl mínu eftir þessa
nótt, já, þetta átti að vera mitt innsta leyndarmál. Ég var
auðvitað mjög spennt, en guð minn góður, ég fékk ekki
einu sinni fullnægingu! Ég sá eftir þessu um leið og núna er
ég ófrísk! Get ég fengið fóstureyðingu án þess að for-
eldrarnir fái nokkuð um það að vita, aðeins ég sjálf og þeir
sem framkvæma aðgerðina? Éger. . . ára. Er hætta á því
að ég geti aldrei eignast börn ef égfer í fóstureyðingu?
Hvenær er best að framkvæma aðgerðina? Hvað tekur hún
langan tíma? Þarf maður að leggjast á sjúkrahús? Eru
einhver eftirköst? Viltu svo benda mér á lækni sem ég get
snúið mér til, þegar þú ert sjálfur búinn að svara spurning-
unum að ofan. Ekki segja: „ Talaðu sjálf við lækni og fáðu
upplýsingar hjá honum. ” Ég vil ekki að neinn viti af þessu
og þá allra síst strákurinn minn. Þó að hann mundi fyrir-
gefa mér mundi það sœra hann svo mikið að samband
okkar yrði aldrei eins og áður. Ég hef lært af reynslunni en
ég vil að þessi atburður afmáist úr lífi mínu. Hvað flinnst
Póstinum að ég ætti að gera? Hvað lestu úr skriftinni?
Með von um góð svör.
Tóta
Það eiga allir sínar slæmu stundir og fæstir komast í gegnum
lífið án þess að gera mismunandi slæm mistök stöku sinnum.
Þín mistök þarna eru i stærra lagi og því getur tekið þig og
aðra, sem málinu tengjast, nokkurn tima að láta verstu sárin
gróa.
Þar sem vinnslutími Vikunnar er um það bil fjórar vikur er
nokkuð öruggt að þegar þetta birtist veistu fyrir víst hvort þú
átt von á barni. í tilviki sem þessu er alltaf mögulegt að sektar-
kennd og hræðsla framkalli svipaðar verkanir og ef um getnað
hefði verið að ræða þótt svo sé ekki í reynd og vonandi er að
svo hafi verið í þetta skiptið. Hafi raunverulega verið um
getnað að ræða skaltu hugsa þig vel um áður en þú
framkvæmir eitthvað óhugsað. Á Landspítalanum í Reykja-
vik er starfandi félagsráðgjafi og hann ætti að geta aðstoðað
þig við ákvörðun í þessu máli. Þótt þú sækir um fóstur-
eyðingu er alltaf nokkur bið þar til aðgerðin er framkvæmd og
því gefst þér tækifæri til að hætta við allt saman ef þú skiptir
um skoðun á þvi tímabili. Allt viðkomandi aðgerðinni færðu
einnig fræðslu um hjá þessum sama félagsráðgjafa. Fóstur-
eyðingu getur þú fengið án samþykkis foreldra og ekkert sem
beinlínis skyldar þig til þess að skýra þeim eða öðrum frá gangi
mála. Til þess að fá fóstureyðingu þarftu að leggjast inn á
sjúkrahús í nokkra daga og því ósennilegt i svo fámennu
þjóðfélagi að þér tækist að halda þessu algerlega leyndu fyrir
þínum nánustu.
Hugsanir þínar um aðra karlmenn eru fullkomlega eðlilegar
og þeim fylgja ekki nein svik í garð vinar þíns. Flestir á þínum
aldri velta slíkum hlutum fyrir sér og í fæstum tilvikum eru
þeir framkvæmdir. Einnig er mannlegt að verða á einhver
mistök og hafa ber í huga að þið eruð ennþá mjög ung og enn
að mótast. Hins vegar er Pósturinn ragur við að ráðleggja þér
að byggja samband ykkar á ósannindum, því það getur ekki
aðeins skaðað þig sjálfa að berjast ein við slæma samvisku og
sektarkennd heldur er hætta á að upp komist svik um síðir og
þá er erfiðara að koma sambandi ykkar á réttan kjöl á ný.
Sannleikurinn er því miður sagna bestur þó óþægilegur geti
verið á stundum og því er næstum óhjákvæmilegt að þú
horfist í augu við raunveruleikann og takir afleiðingum gerða
þinna. Þú lærir einnig af þeirri reynslu og stendur því styrkari
en áður.
62 Vikan 38. tbl.