Vikan - 11.12.1980, Síða 35
Kvikmyndir um hátíðarnar
*■
NÝJA BÍÓ
STJÖRNUBÍÓ
Óvætturinn
Áætlað er að frumsýna í Nýja biói
helgina fyrir jól kvikmyndina Óvættur-
inn. Mynd þessi er sennilega þekktari
undir heiti sinu á frummálinu sem er
Alien. Myndin er frá árinu 1979, fram-
leidd af Twentieth Century Fox.
Leikstjóri er Ridley Scott. Myndin er
framtíðarsýn. Hún fjallar um geimfara,
fimm karla og tvær konur á geimstöð
langt út í geimnum. Þau verða fyrir
ágangi geimskrimslis eins ógurlegs og
berjast örvæntingarfullri baráttu gegn
óvættinum. Hlutverkin eru I höndum
Tom Skerritt, Sigourney Weaver, Ver-
onica Cartwright. Harry Dean Stanton.
John Hurt. Ian Holm og Yaphet Kotto.
Mikinn og flókinn tækniútbúnað þurfti
við gerð myndarinnar þar sem hún
gerist eingöngu úti I geimnum og fjallar
um hluti sem eru lítt þekktir hér á jörðu
niðri. Hún er sögð vera ein áhrifamesta
hrollvekja sem gerð hefur verið. Hárin
rísa á höfðum áhorfenda og kaldur
hrollur hríslast niðurbakiðá þieim. Hita-
stigið I salnum lækkar — og svo er æpt.
En úti I geimnum heyrirenginn ópin.
Óhætt er að segja að þessi kvikmynd
er ekki ætluð börnum og viðkvæmu
fólki. Þeir sem hafa hins vegar gaman af
að láta hræða sig ættu að fá eitthvað
fyrir snúðsinn í Nýja bíói.
Trinity-
bræður
enn í fullu
fjöri
Jólamyndin i Stjörnubíói er að þessu
sinni Trinitybræðra hrakfarasaga og
eins og búast má við sýna þeir „bræður"
hina mestu hreysti og hugvitsemi á
ýmsum sviðum. Sannkölluð jólagjöf til
handa aðdáendum þeirra bræðra
hérlendis.
Geysispennandi og bráðskemmtileg
itölsk-amerísk mynd I litum með hinum
frábæru Bud Spencer og Terence Hill í
aðalhlutverkum. Mynd. sem kemur
öllum I gott skap.
Aukahlutverk: Kim McKay, Jerry
Lester, Woody Woodbury og Carlo
Reali.
Handrit skrifað af Bruno Corbucci,
Mario Amendola, Sabatino Ciuffini og
Sergio Corbucci. — Tónlist samin af
Guido og Maurizio de Angelis. —
Kvikmyndun annaðist Luigi Kuweiller.
Búningar hannaðir af Franco Carretti.
Framleiðandi er Vittorio Galliano. —
Leikstjóri er Sergio Corbucci.
AUSTURBÆJARBÍÓ
„10"
Jólamyndin i Austurbæjarbíói heitir
., 10” og kom út á siðasta ári. H ún fjallar
um tónskáld sem semur tónlist við kvik-
myndir I Hollywood. Tónlistarmanninn
George leikur grínistinn Dudley Moore.
en George verður skyndilega ástfanginn
af konu (Bo Derekl sem honum finnst
vera fullkomnun kvenlegrar fegurðar.
Hann segir skilið við kærustu sína
„Sam”, sem Julie Andrews leikur, og
leggur land undir fót.
Blake Edwards stjórnaði töku
myndarinnar og hann samdi einnig
handritið. Henry Mancini samdi
tónlistina og kvikmyndatökumaðurinn
heitir FrankStanley. .
c>
George (Dudley Moore) uppsker
árangur eltingaleiksins og kemst i
nömunda við Jenny (Bo Derek), sem
hefur gengið i það heilaga — með
öðrum.
SO. tbl. Vlkan 35