Vikan - 05.01.1984, Side 25

Umsjón: Jón Ásgeir
m
Eldhús Vikunnar
Baskar eru sérstakur þjóð-
flokkur sem lengi hefur lagt
áherslu á sjálfstæða menningu og
arfleifð. Þetta er upp til hópa
gestrisið fólk og kann því vel að
handfjatla eldhústólin. Þjóðremba
Baskanna lýsir sár meðal annars
í sérviskulegri litadýrkun þeirra,
raunar eru þjóðarlitirnir rauður,
grænn og hvítur.
Hús Baskanna eru hvít með
rauðu skrauti og þau standa á
grasgrænu undirlagi. Þjóð-
búningurinn er hvítur með
grænum mittislinda og rauðri
baskahúfu. Og í matinn nota
Baskar rauða og græna papriku,
rauða tómata og hvítan lauk.
Baska, Baska, bamba
Eggjahræra að hætti Baska
(Tekur 25 mínútur að laga fyrir 4)
3 stórar grænar eða rauðar paprikur
1/2 lítill rauður pipar
4 matskeiðar ólífuolía
1 stór laukur
1 hvítlauksrif
4 stórir tómatar
1 teskeið thymian
1 lárviðarlauf
6 egg, salt
1—2 matskeiðar steinselja
Hitið paprikumar undir ofngrillinu og veltið þeim oft, þar til húðin
dökknar og hægt er að rífa hana af. Fjarlægið kjarnana og skerið
paprikurnar í lengjur. Hitið þær á pönnu í olíunni. Smásaxið lauk og
hvítlauk og bætið saman við. Sjóðið tómatana áður, flysjið þá, sneiðið og
bætið saman við grænmetið á pönnunni, ennfremur thymian, lár-
viðarlaufi og salti. Látið allt krauma í 5 mínútur — helst ekki lengur svo
að það verði ekki að mauki. Þeytið saman egg, salt og steinselju, þar til
myndast hefur fínleg froða, og hellið svo yfir grænmetið á pönnunni.
Þegar eggin fara að steikjast skal hræra lauslega í þeim meö tréspaða.
Takið síðan strax af hellunni og berið á borð.
Fjórar íslenskar skinkusneiðar, hitaðar í smjöri, hæfa vel sem
meölæti. Einnig franskbrauö. Og hófsamir dreypa kannski á rósavíni.
1. tbl. Vikan 25