Vikan - 12.04.1984, Blaðsíða 35

~\s Draumar
Tákn á
himnum
Kæri draumráðandi.
Þennan skrýtna draum
dreymdi mig fyrir nokkru og þar
sem mér fannst hann skrýtinn
skrifaði ég hann niður því mig
hefur aðeins einu sinni áður
dreymt svona skýran draum.
Núna, tæpu ári seinna, þegar ég
var að skrifa þér þennan draum,
var hann ennþá svo í skýr í huga
mér að ég þurfti ekki að nota
minnisblöðin en gat skrifað
beint eftir minni og blöðunum
bar saman við það á eftir. Nú
langar mig að vita hvort þú getur
ráðið drauminn fyrir mig. Fyrir
utan drauminn sem ég minntist
á hér að ofan hef ég ekki get-
að munað drauma mína og
hugsa ekki svo um þá.
Mér fannst ég vera stödd rétt
fyrir hádegi inni í eldhúsi hjá mér
og svo kallaði S á mig og sagði
mér að sjá svolítið. Við fórum
saman út t garð og horfðum í
vestur og það voru MJÖG sér-
kennileg ský á himninum,
rauður bjarmi ískýjunum og eins
og kviknað vceri íþeim. S bendir
og spyr mig hvort ég sjái andlitið
sem sé að myndast í skýjunum.
Já, segi ég. I því raðast andlitið
saman og verðurskýrt og sést vel.
Rauði bjarminn var mjög ein-
kennilegur. Við vissum báðar að
þetta var tákn og var Guð
almáttugur og hann fór að tala
til okkar um illsku mannanna og
við frusum alveg niður. Eg stóð
eins og myndastytta og var mjög
hrædd en var eins og dáleidd.
Svo fór ég að gráta og féll á kné
og grét °i irét þegar sýnin eða
skýið leystist í sundur og hvarf.
Þá sný ég mér í austur, að
tröppunum að húsinu. Fyrir
neðan tröppurnar voru maður og
kona sem virtust vera að bíða
eftir mér. Maðurinn brosti hugg-
andi til mín. Eg vissi ekki hver
konan var en um leið og ég sá
manninn (sem var klæddur í
venjulegar buxur, jakka og peysu
— ekki jakkaföt en föt úr
terylene-efm) þá vissi ég að þetta
var Jesús Kristur. Eg hljóþ grát-
andi til hans og hann tók utan
um hendurnar á mér og huggaði
mig. Síðan leiddu þau mig á
milli sín suður götuna. Jesús spyr
mig að einhverju, sem ég man
ekki, en ég svara honum að það
geti aðeins tveir, guð og hann.
Hann brosti lítið eitt og sagði:
Já, það mun sennilega vera rétt
hjá þér. Mér leið mjög vel í ná-
vist hans. Konuna vissi ég ekkert
um annað en að hún gekk við
hlið mér en sagði ekkert (Jesús
gekk hinum megin við mig).
Endir.
Kona að norðan.
PS. Hvaðþýðir að dreyma nafnið
X.?
Draumanafnið fyrst, þetta
nafn merkir í draumi merkan
viðburð og farsælan fyrir þig.
Þessi draumur er einstaklega
góður, en það er í rauninni lítið
um hann að segja. Öll tákn
draumsins eru mjög heillarík og
ekkert skyggir þar á, þetta er
mikill gæfudraumur sem
tæplega er ætlast til að maður
skýri nokkuð frekar.
Hestur
og eiturslanga
Kæri draumráðandil
Eg hef aldrei áður sent þér
draum og vonast eftir svari. Eg
segi hér tvo drauma sem ég tel að
séu eitthvað tengdir saman.
Eyrri draumurinn erþannig að
mér fannst að ég og allir þar sem
ég bý, eða að minnsta kosti allt
heimilisfólk, eiga t vændum árás
býflugna. Við vorum alltaf að
bíða eftir stóru, svörtu skýi sem
myndi vera býflugur. Eg man
ekki eftir neinu fólki í kringum
mig meðan við biðum en mér
fannst það vera þarna. Við
biðum og biðum og ég var orðin
alveg óð af hræðslu. Allt í einu er
ég komin uþþ á þak í fjárhúsum
og er að hugsa um að fela mig í
snjónum milli risanna (fynr
býflugunum). En svo hugsaði ég
sem svo að ég gæti ekki svikið
hitt fólkið, ég yrði að þola það
sama og það. Eg fór þess vegna
aftur heim. Það var langt liðið á
kvöld þegar ég var komin út á
tún og alltaf hugsaði ég um
hvenœr býflugurnar kæmu. Þá
allt í einu kemur hestur til mín
og segist heita Sörli Nóason og
hann spyr hvort hann eigi að
hjálpa mér. Eg var að deyja úr
hrœðslu. Ég fer heim og segi frá
þessu. Svo er orðið aldimmt og
ég fer að hugsa út í það hvernig
hestur geti hjálpað mér. Þá allt í
einu sjáum við Ijós af kyndli
uppi ífjalli (við vorum alltaf úti i
eldhúsglugga til að athuga hvort
við sœjum býflugurnar) og svo
fleiri og fleiri. Kyndlarnir fóru
allir skáhallt niður eftir fjallinu.
Þá vissum við að Sörli og dýrin
hans (ég vissi bara að hann hafði
dýr til hjálpar) höfðu bjargað
okkur frá býflugunum og allir
voru glaðir.
Seinni draumurinn erþannig:
Mig langaði svo í eiturslöngu,
gula, hún mátti baravera gul. Eg
var alltaf að tala um að mig
langaði í gula eiturslöngu. Svo
gaf pabbi mér gula eiturslöngu.
En ég varð svo hrœdd við hana að
ég þorði ekki að snerta hana og
óskaði þess að ég hefði aldrei
fengið hana. Mér fannst hún
ógeðsleg.
I báðum þessum draumum var
ég mjög hrædd. Eg var til dæmis
hálfsmeyk þegar ég vaknaði af
seinni draumnum þvímér fannst
slangan vera á gólfinu.
Með fyrirfram þökk,
Magga.
Eins og þú getur réttilega til
eru þessir draumar samofnir og á
hvern veg sem þeir eru ráðnir
fara ráðningar þeirra saman.
Þessa drauma má taka á tvo
vegu: sem tákndrauma og er þá
merking þeirra ráðin eftir tákn-
unum beint, eða að þeir endur-
spegli einhverjar sviptingar í
einkalífinu hjá þér, kvíða og
vonir. Hér á eftir fer ráðningin út
frá hvoru um sig.
Táknrænt séð eru draumarnir
fyrirboði einhverra umskipta og
sviptinga í fjármálum hjá þér og
fjölskyldu þinni. Ýmislegt, ef til
vill utanaðkomandi aðstæður svo
sem veðrátta, ef til vill einhver
tímamót, gifting, ferming, skirn
eða jafnvel jarðarför (í
draumunum eru ekki sorgar-
tákn), veldur miklum útgjöldum
og sveiflum á fjárhag fjölskyld-
unnar. Þarna getur komið inn
viss áhætta og jafnvel að einhver
í fjölskyldunni sé ekki eins
heiðarlegur í peningamálum og
æskilegt væri.
Draumráðandi telur draum-
ana hins vegar mjög lík-
lega endurspegla ákveðna þætti
í lífi þínu um þessar mund-
ir og þá sérstaklega miklar
hugleiðingar um strákamál, kyn-
líf og ástir. Það er eins og I þér sé
viss beygur út af þessum málum
en á milli takist þér að herða þig
upp og vera ófeimin og eðlileg í
framkomu við fólk. Sé hugmynd
draumráðanda rétt hugsarðu
mjög mikið um þessi mál um
þessar mundir og draumar í
þessum dúr gætu haldið áfram á
næstunni. Ef þér er ami að
þessum draumum væri mjög
skynsamlegt að reyna að ræða
ástarmál og kynlíf hreinskilnis-
lega við einhverja góða vinkonu,
það eru oft margir á sama báti og
maður sjálfur. Á þessu sviði
er draumráðandi enginn sér-
fræðingur, getur aðeins bent á
hugsanlega túlkun á draum-
unum og bent á þá skað-
lausu lausn að tala um það sem
liggur manni á hjarta. Það er vel
þekkt að órói í draumum
minnkar ef manni tekst að finna
út hvað angrar mann í vöku og
tala um það við einhvern. En
kannski er þetta bara venjulegur
tákndraumur, þú munt væntan-
lega þekkja einkenni því til
stuðnings á hvora skýringuna
sem þú veðjar.
bók í b/aöform/
fæstá næsta
b/aðsö/ustað
15 tbl. Vikan 35