Vikan - 18.04.1985, Qupperneq 9

Afbrigði af kóngavínvið
(Rhoicissus rhombodia)
sem kallað hefur verið
prinsessuvinviður. Þetta
er hengi- eða klifurplanta
sem þrífst vel inni í stofu
eða í glugga þar sem ekki
nýtur sólar. Hana þarf að
vökva í meðallagi á sumrin
en sjaldnar á veturna. Úðið
vikulega.
Sitt af hverju sem rétt er að hafa í huga:
★ Mun algengara er að plöntur
drepist vegna ofvökvunar en þurrks.
★ Rétt er að gefa flestum plöntun
næringu (tilbúinn áburð) frá því
snemma á vorin og fram á haust.
Margar tegundir eru á markaðnum.
Fylgið leiðbeiningum á umbúðunum
um hve oft og hve mikið á að gefa.
* Þurrt loft í stofum að vetri til er
einn helsti óvinur stofublómanna.
Verið þvi óspör á vatnsúðun.
* Ef pottamoldin hefur náð að
skrælþorna er ágætt aö dýfa pott-
inum á kaf i volgt vatn. Látið pottinn
vera i þar til loftbólur eru hættar að
stiga upp. Þannig kemst vatnið að
rótunum en rennur ekki beint I
gegnum moldina eins og oft vill
verða.
★ Ef óværa gerir vart við sig á
stofublómunum er ýmislegt til ráða.
Þvoið plöntuna upp úr hreinu vatni
eða mjög mildu grænsápuvatni.
Þvoið i það minnsta einu sinni i viku
nokkrar vikur í röð. Hafið plöntuna
undir sérlegu eftirliti og endurtakið
meðferðina ef þörf þykir. Með þessu
móti má halda óværunni i skefjum án
þess að gripa til eiturúöunar.
Annað ráð er að dýfa plöntunni
með potti og öllu saman á kaf i 40
stiga heitt vatn og láta hann vera þar í
hálftíma. Þessi meðferð drepur pödd-
urnar en skaðar ekki plöntuna.
★ Einfaldast er að fjölga plöntum
með „afleggurum". Klípið sprota
með nokkrum blöðum af plöntunni
og stingiö í vatn og bíðið þar til rætur
hafa myndast. Einnig er hægt að
stinga afleggjaranum beint í blauta
mold. Þá er ágætt að dýfa honum í
rótarhormón áður og setja plastpoka
yfir pottinn. Pokinn er látinn vera á
sinum stað i nokkrar vikur en þó fjar-
lægöur i um 15 minútur á hverjum
degi til þess að græðlingurinn fúni
ekki.
Skipting og fjölgun með hliðar-
skotum er sömuleiðis einföld en aðrar
aðferöir vart á færi nema reyndra
manna.
* Nokkrar mjög góðar bækur um
stofublómarækt eru til á islensku, til
dæmis Allt um pottaplöntur, 350
stofublóm og Stofublóm i litum.
16. tbl. Vikan 9