Vikan - 09.01.1986, Side 19

Nú eru komnar tvær happatölur sem
tilheyra sömu manneskjunni, eða sama
nafninu, og verið getur að önnur þeirra
reynist mun betur en hin. Hver og einn
verður að prófa sig áfram í leit að sinni eigin
happatölu. Nú, og svo getur verið gaman að
nota þær saman sitt á hvað í ýmsum
samsetningum. Ella gæti til dæmis prófað
að kaupa sér happdrættismiða númer 72727.
Talnafræðin svara
ýmsum spurningum
Talnafræðin eru til margra hluta nytsam-
leg og þú getur með þeirra h jálp fengið svör
eða ábendingar um flest það sem þú þarft
eða vilt vita. Hvaða vinnu ættir þú að velja
þér? Hvert væri ráðlegast að fara í sumarfrí
þetta árið? Hvernig eiga hjónakornin
saman? Margt fleira getur þú athugað meö
hjálp talnafræðanna og þú notast alltaf við
töfluna hér á síðunni. í leit þinni að svörum
viö spurningum þínum er nauðsynlegt að
hafa hugfast að tölurnar eiga misvel saman.
Til dæmis eiga allar jafnar tölur vel saman
og oddatölur falla vel hver að annarri, en
oddatala og jöfn tala eiga minna sameigin-
legt. Tölur sem eru margfeldi hver af ann-
arri eiga nokkuð vel saman, til dæmis eiga 3
og 6 nokkuð vel saman þó önnur sé oddatala
en hin jöfn, því 2 x 3=6.
Dæmi:
Pétur þekkir tvær stelpur, Lóu og Maríu.
Hann getur ekki gert upp við sig með hvorri
hann á að fara á árshátíðina og leitar því á
náðir talnafræðanna.
P E T U R
7+5+2+3+9=26, þversummaner2 + ö 8
L 0 A
3+6+1 = 10, þversumman er 1 +0=1
M A R 1 A
4-t-l + 9f9 + l=24, þversuminaner 2+4=6
Pétur ályktar af þessum tölum að hann og
María myndu líklega skemmta sér betur
saman, þar sem happatölur þeirra eru í
þessu tilfelli báöar jafnar tölur, en tala Lóu
er oddatala og því mundu hún og Pétur síður
eiga velsainan.
Þú getur spurt tölurnar alls konar spurn-
inga. Til dæmis um það hvaða stað þú ættir
að velja til að heimsækja í suinarfríinu.
Dæmi:
Skúli ætlar í sólarlandaferð. Hann getur
ekki gert upp við sig hvort hann á að fara til
Rimini eða til Mallorka. Hann athugar
tölurnar.
S K U L I
1+2+3+3 f 9=18, þversummaner 1 +8=9
Fimma og
sjöa eiga vel
saman, enda
logaði glatt hér
áður fyrr á
árunum á milli
norsku skauta-
drottningarinnar
Sonju Henie og
hjartaknúsarans
frá Hollywood,
Tyrone Power.
R I M I N I
9+9+4+9+5+9=45, þversumman er
4+5=9
MALLORKA
4+1+3+3+6+9+2+1=29, þversumman er
2+9=11 og 1 + 1=2
Skúli sér af þessu að það myndi henta
honum vel að fara til Rimini þar sem nafn-
ið hans og Rimini fá út sömu töluna. Síður
myndi það gefast vel að fara til Mallorka þar
sem tölulega séð eiga Skúli og Mallorka frekar
illasaman.
Svona er endalaust hægt að leika sér með
tölurnar en munið að láta þær aldrei taka af
ykkur ráðin því vísbendingar talnafræðanna
eru fyrst og fremst til skemmtunar en koma
ekki í staðinn fyrir skynsamlegar ákvarðan-
ir. Góða skemmtun!
Vikan 2. tbl. 19