Vikan - 29.05.1986, Blaðsíða 14

I Hl í inir þekktu leikarar Bette Midler, Richard Dreyfuss og Nick Nolte hafa nýlokið við að leika saman í kvik-
I ■■ mynd sem ber nafnið Down and Out in Beverly Hills og er framleidd af Disney kvikmyndafyrirtækinu.
Þrenningin á það sameiginlegt að hafa verið í mikilli lægð sem kvikmyndastjörnur að undanförnu og binda
þau því miklar vonir við þessa nýju mynd. Bette og Richard leika nýrík hjón í myndinni og fær heimilislífið
á sig heldur annan blæ er þau hleypa inn til sín róna nokkrum sem Nick Nolte leikur. Down and Out in Beverly
Hills er fyrsta myndin frá Disney sem er bönnuð börnum og er ástæðan nokkrar nektarsenur. ..Fyrirtækið þurfti
hálfa öld og mig til þess arna," segir Bette Midler en upplýsir jafnframt að hvergi sjáist hún nakin því ekkert
kvikmyndafyrirtæki hafi efni á því.
Richard Dreyfuss hefur eingöngu leikið á sviði síðustu ár og þykir hafa elst töluvert, er orðinn þunnhærður
og með grásprengt skegg. Hann segir að afstaða sín gagnvart leiklistinni hafi breyst eftir að hann lenti í ákveðnu
eiturlyfjamáli. Hann segist taka starfið mun alvarlegar og vill gefa sig allan í það því leiklistin sé það lífsstarf sem
hann hafi valið sér. Hann var mjög ánægður með samstarfið við Bette en finnst hann sjaldan fá að leika á
móti góðum leikkonum. Bette Midler og Marsha Mason eru þær bestu hingað til.
Með þessari nýju mynd er Nick Nolte að vonast eftir að komast aftur í álit. Hann fékk heldur slæma dóma
eftir tvær síðustu myndir sínar svo nú lagði hann sig allan fram. ,,£g hætti að baða mig, greiða mér og bursta
tennurnar meðan á kvikmyndatöku stóð og varð eiginlega hálfsmeykur um að aðlagast sóðaskapnum. En von-
andi breytist kynþokkaímyndin, sem loðað hefur við mig, við þetta nýja útlit," segir Nick. Hann er ánægður
með myndina, segir hana mjög fyndna en um leið sé lögð áhersla á mannkærleikann og ekki veiti af.
Bette Midler hefur líklega átt erfiðast uppdráttar að undanförnu, hún sem var fyrir nokkrum árum önnum kafin
við ótal hluti fyrir utan kvikmyndaleik: hljómleikaferðir, plötuupptökur, sjónvarpsþætti, skriftir og fleira. Hún seg-
ist hafa ruglast algjörlega í ríminu eftir kvikmyndina The Rose sem hún var útnefnd til óskarsverðlauna fyrir.
Hún taldi sig ekki hafa neitt æðra takmark. En hún náði áttum og nú liggja verkefnin í hrönnum framundan og
þar að auki gifti hún sig fyrir tveimur árum. Plötuupptaka, Broadway-revía og þrjár aðrar myndir fyrir Disney-
fyrirtækið er meðal þess sem bíður Bette Midler, fyrir utan ýmsa hluti sem hana sjálfa langar til að framkvæma.
,,Ég er kona með fjölþætta hæfileika og þetta tækifæri í Down and Out in Beverly Hills opnaði fyrir mér nýtt líf.
Mig langar að leika með öllum helstu stjörnunum og helst geta afrekað að leika í áttatíu kvikmyndum um ævina
eins og þeir gerðu á gullaldarárunum í gamla daga." Bette Midler hefur sannarlega endurheimt lífsfjörið og bjart-
sýnina og nú er nýja lífið rétt að byrja.
14 VIKAN 22. TBL