Vikan - 29.05.1986, Blaðsíða 50

K A N
D R A U M A R
LEIÐIIM AF
FJALLINU
Mig dreymdi að ég væri að ganga
yfir fjall og I upphafi draumsins
var ég stödd uppi á því. Það var
afar bratt og nánast eins og fjalls-
hryggur. Ekki man ég neitt eftir
ferðinni upp fjallið en að baki virt-
ist vera þoka og heldur kalt. Þar
sem ég var stödd var aftur á móti
sólskin og hlýtt í veðri. Meðferðis
hafði ég gólfmottu eina úr minni
eigu, nokkuð stóra og þykka en
farna að láta á sjá. Raunar er hún
hætt að gegna sínu hlutverki núna
en það er önnur saga.
Þarna uppi á fjallinu var ég að
virða fyrir mér niðurleiðina og leist
hún allt annað en árennileg, snar-
brött skriða alveg niður á jafn-
sléttu og fannst mér afar hæpið
að ég stæði alla leið en þóttist
vita að missti ég fótanna gæti ég
stórslasað mig. Ekki virtist koma
til greina að snúa við og fara sömu
leið til baka því yfir fjallið var mjög
eftirsóknarvert að komast, þar var
bæði bjart og hlýtt. Ég kom auga
á spor í skriðunni og létti við að
sjá að einhver hefði þó komist yfir.
Ég sá þar að auki fólk undir fjall-
inu. Dálítið framar á þessum hrygg
var skriðan ekki eins brött og þar
voru klettabelti sem mér sýndist
að hægt væri að stöðva sig á. Það
hvarflaði að mér að þarna kynni
að vera betra að leita niðurgöngu
og kallað var á fólkið fyrir neðan fjall-
ið til að leita álits þess. Það réð
mér frá að reyna að komast niður
þar sem klettarnir voru og taldi
það mun verri leið. í því kom upp
fjallið, sömu leið og ég hafði kom-
ið, hálfstálpaður strákur, eitthvað
skyldur mér en þó átta ég mig
ekki á því hver hann var. Hann
lagði óhræddur I skriðuna en mér
ofbauð að sjá hann hlaupa niður
beran að ofan og fannst að hann
mundi flumbra sig hroðalega ef
hann dytti. Ég var þó dauðfegin
að geta fylgst með hvernig honum
reiddi af. Hann stóð alla leið og
ég ákvað að láta vaða, henti tepp-
inu niður fyrst og svo var brattinn
mikill að ekki datt mér I hug að
það kynni að stöðvast á leiðinni.
Mér gekk svo að óskum niður og
fór að finna mér stað þarna í sól-
skininu og blíðunni. Ég varð fyrir
sárum vonbrigðum þegar ég upp-
götvaði hversu blautt var þarna,
nánast mýri sem í höfðu verið
grafnir skurðir en dugði ekki til að
þurrka hana því að þeir voru allir
bakkafullir. Ég fór þarna dálítið um
með teppisdrusluna undir hand-
leggnum en fannst alls staðar
jafnóaðgengilegt að setjast. Ekki
var ég hrædd um að detta í skurð-
ina þó að ég stykki yfir þá. Þarna
hitti ég mann sem heitir Guttormur
og ég kannast við. Ég varð heldur
fegin að hitta hann og sagði hon-
um farír mínar ekki sléttar. Hann
hughreysti mig með því að ekki
skipti máli þótt blautt væri þarna,
vatnið væri nefnilega volgt. Ég
sannreyndi að hann hafði rétt fyrir
sér og upp úr því fór ég og fann
mér þokkalega þurran stað í nám-
unda við konu sem sat þar á ámóta
teppi og ég hafði meðferðis.
Bestu þakkir fyrir ráðninguna.
H.
Það er Ijóst á þessum draumi að
þú átti i vændum tímaþil sem
verður mjög afdrifaríkt í lífi þínu.
Aðdragandinn verður sá að þú
munt finna að þú þarft að ráðast
i eitthvað sem þér er mjög á móti
skapi, til að öðlast eitthvað sem
þér finnst mikils virði. Þú verður
strax vör við ákveðna hindrun og
í rauninni heitir þú henni beinlínis
í málinu, þú ákveður eftir langa
umhugsun að glíma við þessa
hindrun og sigrast á henni en ekki
fyrr en þér er fulljóst að að engin
önnur leið er fær. Þú þarft að færa
einhverjar fórnir, veraldlegar en
ekki tilfinningalegar, annaðhvort
með fjárútlátum eða eftir einhverj-
um öðrum leiðum. Þú munt taka
ákvörðun að vandlega hugsuðu
máli og ráðfæra þig við alla þá er
málið varðar og fá velvild þeirra
og skilning á þessari mikilsverðu
ákvörðun. Það reynist þér gott
veganesti. Um er að ræða gagn-
gerar breytingar i lífi þínu, einkum
hvað veraldlega stöðu snertir, þú
tekur áhættu og það mun reynast
skynsamleg ákvörðun. Það hvarfl-
ar aldrei að þér að snúa til baka
eftir að þú ert eitt sinn búin að
gera þér grein fyrir hvert stefnir,
en hins vegar ertu lengi treg til að
viðurkenna að sú leið sem þú á
endanum ferð sé sú eina mögu-
lega. Skemmst er frá því að segja
að þetta mun reynast þér mjög
farsælt og eitt megininntak
draumsins er einmitt að þú eigir
að þrauka erfiðleikatímabilið því
uppskeran muni vera góð.
Draumanafnið er merkileg stað-
festing á að niðurstaða draumsins
sé fyrst og fremst jákvæð. Þetta
er einstakt gæfunafn i draumi.
KOSSAROG
ELDGOS
Kæri draumráðandi!
Ég er svo áhyggjufull út af
draumi sem mig dreymdi. Mér
fannst vera eins og glóandi kvika
allt í kringum mig og allt í einu
var komið eldgos en einhvern veg-
inn var eins og ég bjargaðist alltaf
undan því. Það komu gusur í átt-
ina að mér aftur og aftur. Það
skrýtna var að það var eins og
fjöllin væru lítið stærri en ég og
gusurnar voru eins og slett væri
úr fötu. Svo var ég allt í einu kom-
in í annað umhverfi (sem betur
fer) og farin að kyssa strák sem
ég er mjög hrifin af. Við skulum
kalla hann X. Ég sagði honum frá
gosinu og hann bara hló og kyssti
mig meira. Fyrir hverju er að
dreyma að maður sé að fara að
eignast barn? Vonandi getur þú
ráðið þetta fyrir mig og komist
fram úr skriftinni.
Með fyrirfram þökk.
Sörla.
Það er Ijóst á þessum draumi,
þó tvískiptur sé, að þú þarft veru-
lega að hugsa um að hafa stjórn
á skapi þinu. Það er eins og eitt-
hvað sæki að þér, sennilega fleira
en eitt, sem sækir svona voðalega
í skapið að það getur verið að þú
takir hálfgert æðiskast á þínum
nánustu og það er engum til bóta.
Því miður verð ég að hryggja þig
með þvi að seinni hluti draumsins
bendir ekki til að þú eigir eftir að
kyssa þennan draumaprins mikið
í framtiðinni, hversu mjög sem þér
list á að gera það núna. Kossarnir
og hláturinn benda þvert á móti
til að einhver óvinátta verði með
ykkur. Hver veit nema þarna sé
komin ein af orsökunum fyrir
skapofsanum sem eldgosið bendir
til. Ljósu punktarnir eru þeir að
gosin skuli vera svona lítil og hvað
varðar barneignina er það frekar
gott, sérstaklega ef maður eignast
drengi (hvernig sem sú trú er nú
komin til). Þó gæti það bent til
ósjálfstæðis. En þú skalt líta á
svona drauma sem vinsamlega
aðvörun en ekki hótun því ef þú
tekur mark á aðvöruninni og ert
reiðubúin til að stilla þig gerir
draumurinn gagn.
DRYKKJA
Kæri draumráðandi.
Mig langar að biðja þig að ráða
draum sem mig dreymdi nýlega.
Mér fannst ég búa með manni, X,
í íbúð sem ég hef ekki komið í
áður. Á efri hæðinni bjuggu hjón
sem mér fannst X þekkja. Það átti
ábyggilega að vera veisla þar því
að það var alltaf verið að bera inn
veisluföng. Mér fannst ég koma
heim daginn eftir. Þá var íbúðin
hjá okkur full af alls konar mat,
brauði og kökum. X sagði að hjón-
in uppi hefðu gefið okkur þetta
þvi gestirnir hefðu ekki borðað
nema lítið. Næst, þegar ég kom í
íbúðina, fannst mér þrír menn sitja
þar við drykkju. Þeir voru með sína
ákavítisflöskuna hver og supu af
stút. Ég var fljót að snúa við í
dyrunum því að mér leist ekkert á
þá. Einn leit á mig og viðhafði
dónalegt orðbragð. Ég tók eftir því
að þeir höfðu ekkert snert I íbúð-
inni. Ég flýtti mér upp á loft. Þá
var maðurinn, sem ég bjó með,
þar ásamt bróður mínum. X var
fljótur að koma með mér niður.
Hann talaði við mennina og þeir
fóru strax. Mér fannst X vera ein-
hvern veginn spengilegri eða
unglegri og ég tók eftir að hann
var í bleikri skyrtu. Mér fannst við
ganga út á svalir á íbúðinni og X
vildi endilega sýna mér garðinn.
Hann var ekki vel hirtur. Mér
fannst vera haust. X benti mér á
beð og sagði að við þyrftum að
setja niður haustlauka þar. Ég var
mjög hissa að sjá nokkur rauð
blóm, ekki rósir, þarna um haust.
Ég sagði það við X. Hann sagðist
hafa sett þau niður þarna. Allan
tímann, sem við stóðum þarna,
hélt X utan um mig og það var
mjög góð tilfinning eða eins konar
öryggistilfinning.
Með fyrirfram þakklæti.
Z.
Aldrei slíku vant leggjast öll
draumatákn á eitt þannig að út
kemur einföld, ákveðin lausn.
Draumurinn er fyrirboði þess að
vegur þinn muni mjög vaxa í fé-
lagslífi, þér gangi vel í samkvæm-
islifi, ef svo má að orði komast,
og þú munir eiga létt með að ná
árangri í mannlegum samskiptum
á næstunni. Einhver vegsauki
kemur þér á óvart og þú verður
ánægð með þessa þróun mála.
50 VIKAN 22 TBL