Vikan - 17.07.1986, Blaðsíða 5

Lancia Delta
bílnum. Mælaborðið er vel mælum búið og
greinilegt með stýrið í efstu stöðu, annars
skyggir það bölvanlega á hraðamæli og snún-
ingshraðamæli. Stjórntæki öll liggja vel við,
þar með talin gírskiptingin sem er ágætlega
nákvæm, en stokkurinn niður úr mælaborðinu
kreppir nokkuð að bensínfætinum. í dýrari
gerðirnar má fá rafdrifnar framhurðarúður og
miðlæsingu á allar hurðir og svo sóllúgu á topp-
inn.
Sammerkt eiga allir bílarnir í því að liggja
vel, svara vel öllum stjórntækjum og að brems-
urnar samsvara i öllum tilvikum ökuhæfni
bílsins. Það er ekki lítið atriði og menn mættu
gjarnan gefa þvi talsverðan gaum þegar þeir
velja sér nýjan bíl.
Gerðirnar þrjár
GT i.e. er þgð sem kalla mætti venjulegan
heimilisbíl. Hann er með 108 ha vél með raf-
eindainnspýtingu, samtengda kveikjunni. Það
er ekki svo lítil orka þegar tillit er tekið til
þess að eigin þyngd bílsins er ekki nema 995
kg. Bíllinn liggur prýðilega og er í alla staði
þægilegur í akstri. Þetta er bíll sem dugar vel
öllu venjulegu fólki.
HF túrbó er miklu meiri „akstursbíll” sem
þýðir að hann skírskotar meira til þeirra sem
virkilega hafa gaman af að aka bíl. Hann er
með 140 ha vél með sams konar innspýtingu
og GT-inn. Hann var með verulega skemmtileg-
um stólum fram í, nokkuð hörðum sportstólum
sem styðja vel við og þreyta mann lítið. Kraft-
ur er hér yfirdrifið nógur og bíllinn í hvívetna
mjög skemmtilegur. Sennilega er þetta sá bíll
sem líklegastur er til að verða vinsæll hér.
Og víkur nú sögunni lítillega að HF 4WD,
villidýri með 2000 cc vél (hinar tvær eru 1600
cc) með túrbó og „óverbúst” sem samtals gefa
165 hestöfl! Að vísu er sá bíll orðinn 1190 kg
að eigin þyngd, en sá þyngdarmunur liggur
einkum í sídrifinu. Það er hugvitsamlega út-
færður aflflutningur út í hjólin öll fjögur og á
milli þeirra, þannig að sífellt er mest átak á
því hjólinu sem besta og öruggasta hefur spyrn-
una. Það gerir það að verkum að bíllinn er
nánast eins og límdur við veginn, liggur eins
og skata, eins og sagt er á götumálinu.
Allir orkuðu þessir bílar vel á mig, hver með
sínu móti, þótt útlit þeirra allra sé svipað. Eg
gæti vel sætt mig við GT i.e. útgáfuna og látið
mér hana vel h'ka, en gaman þætti mér að eiga
HF túrbó með öllum búnaði. Hann sameinar
prýðilega heimilisbilinn og sportbílinn. 4WD
er ofan þeirrar seilingar sem ég hugsa mér fyr-
ir sjálfan mig, en ég er heldur ekki í vafa um
að þar er á ferðinni kjörgripur sem fullnægir
bíladelluþörfum flestra sem unna orku og af-
bragðs ökuhæfni.
- Um kvöldið sitja alvöruþrungnir ökuþórar
gneypir og geyma hver sína visku en blaðafull-
trúi Lancia (sem raunar hefur farið á skelli-
nöðru um Island og gist í draugahúsum uppi
undir jökulrótum) gengur á milli og reynir að
porra menn upp til að vera skemmtilegir. Best
tekst honum upp með austurrískan ágætismann
kominn undir sjötugt, glettinn karl sem við
aðra prófun annarrar verksmiðju í vetur villt-
ist af prófunarleiðinni en leigði sér þá bara
taxa til að keyra á undan sér í áfangastað. Og
smám saman léttist brúnin á ábúðarmiklum
ökuþórum - enda hvernig ætti annað að vera
hægt í grillveislu niðri á Miðjarðarhafsströnd
yfir rjúkandi súpu með kröbbum, skeljum og
hvers konar tilberum af hafsbotni?
Nokkrar upptalningar:
Lancia Delta
Umboð á íslandi: Bílaborg
Fæst í sex útgáfum: LX (1300 cc 78 ha), 15, au-
tomatic (1500 cc 80 ha), GT i.e. (1600 cc 108
ha), HF turbo (1600 cc turbo 140 ha), HF 4WD
(2000 cc turbo, intercooler, overboost, 165 ha),
turbo ds (2000 cc dísilvél með beinni innspýt-
ingu, turbo og intercooler).
Allar vélarnar fjögurra strokka, þverliggjandi.
Framhjóladrifáöllumbílunum + sídrifá4WD.
Tannstangarstýri (með hjálparátaki á dýrari
gerðunum).
Lengd: 3895 mm
Breidd: 1620 mm
Hæð: 1380 mm
Hámarkshraði:
GT i.e. 185 km/klst
HF turbo 203 km/klst
HF 4WD 208 km/klst
Bensíneyðsla:
GT i.e. 6,2 á 90 km hraða, 8,0 á 120 km, 9,8 í
blönduðum akstri.
HF turbo 6,5 á 90 km hraða, 8,4 á 120 km, 10
í blönduðum akstri.
HF 4WD 7,8 á 90 km hraða, 10,2 á 120 km, 10,8
í blönduðum akstri.
29. TBL VI KAN 5