Vikan - 26.02.1987, Blaðsíða 62
skólann. Þá var ég á kafi í
conceptlist (hugmyndalist). í
henni er meira lagt upp úr hug-
myndinni en efninu. Concept-
listin fellur innan ramma
nýlistarinnar.
Ég get nefnt einn mann sér-
staklega sem hefur haft áhrif á
mig en það er hann Magnús
Pálsson. Hann var kennari
minn í Myndlista- og handiða-
skólanum. Hann benti mér á
marga athyglisverða hluti og
leiðir. Hann átti auðvelt með
að miðla.
Svissneskir listamenn hafa og
haft áhrif á mig en í Sviss er
mikið að gerast í myndlistinni.
Helgi Þorgils Friðjónsson
hefur verið góður félagi minn
í gegnum tiðina. Hann hefur
ekki beint haft áhrif á það sem
ég er að gera en við höfum stutt
við bakið hvor á öðrum.“
- Ekki getur þú lifað ein-
göngu af listinni?
„Nei, það get ég ekki. Ég hef
fengist við allt mögulegt, verið
kennari, næturvörður, layout-
maður, verið í garðyrkju,
kleppsvinnu og fleira. Og nú
vinn ég sem leikmyndamálari
hjá sjónvarpinu. Ég er vanur
að þvælast i öllu mögulegu.
Það hefur haft vissa kosti en
ég er farinn að þreytast svolítið
á þessu. Þegar maður eldist vill
maður fá meiri tíma enda þá
búinn að sanka að sér reynslu.
En ég efast samt um að það sé
hollt að fara beint út úr skólan-
um og inn á eigin vinnustofu
og dýfa aldrei hendinni í kalt
vatn. Það hefði ekki hentað
mér. Hins vegar getur baslið
drepið mann og hefur raunar
gert út af við margan góðan
listamanninn."
- En hvernig líst Kristni á
listalífið hérlendis?
„Listalífið er blómlegt, hér
eru margir góðir listamenn og
margir efnilegir. En þetta er
dálítið mikið flóð og það er
misjafn sauður í mörgu fé.“
- En er boðið upp á nægjan-
lega góða aðstöðu? Eru sýning-
arsalir nógu margir?
„Það er nóg af sýningarsöl-
um og þeim ágætum, það
vantar kannski einn til tvo sýn-
ingarsali af millistærð. Að mínu
mati er heppilegra að hafa sýn-
ingarnar minni og sýna þar af
leiðandi færri verk. Það hefur
svoiítið viljað brenna við að
menn séu að sýna sömu mynd-
ina í mörgum mismunandi
útgáfum.“
- Hvaðan koma hugmynd-
irnar að þessum verkum sem
þú ert að sýna?
„Þær koma úr nánasta um-
hverfi mínu, fjölmiðlaheimin-
um og úr eigin hugarheimi,
þetta blandast svo saman.“
Kristinn fæst ekki eingöngu
við olíumálverk, hann vinnur
skúlptúra þar sem hann bland-
ar saman alls konar efnum,
náttúrulegum og gerviefnum,
hann gerir dúkskurðarmyndir
og hann teiknar heil ósköp.
Enda segir Kristinn: „Ég er sí-
fellt að prófa nýjar leiðir. List
mín nær yfir fjölbreytt svið. Ég
fæst við fleiri miðla en margir
aðrir listamenn.“
62 VIKAN 9. TBL