Vikan - 26.02.1987, Blaðsíða 12
Jahn Teigen
Tónlistarstjama, truður, leikari
og brjálaður maður!
Myndir:
Valdís Úskarsdóttir
Það eru ekki margir íslendingar sem kunna einhver
skil á Jahn Teigen og fæstir hafa gert sér grein fyrir
hvern mann hann hefur að geyma.
Norsk popptónlist hefur ekki átt upp á pallborðið hjá
almenningi á íslandi. Þess vegna hefur Jahn ekki hlotið
þá kynningu hér sem nægði til þess að fólk færi að veita
honum eftirtekt. En þeir fáu sem hafa veitt honum raun-
verulega athygli vita að hann er mjög svo óvenjulegur
maður.
Jahn Teigen hefur gert um það bil allt sem hægt er
að gera á sviði og meira en það, ef svo má að orði
komast. Frumleiki hans er svo mikill og hugmyndaflug-
ið svo sterkt að honum virðast engin takmörk sett.
Jahn var lengi eina poppstjarnan sem Noregur átti.
Fólkið elskaði hann. Og það elskar hann ennþá. Þótt
nú séu komnar til sögunnar nýjar stjörnur hefur vegur
Jahns Teigen ekki farið minnkandi.
Jahn hefur auk þess að starfa á sviði staðið að kvik-
myndagerð. Leikhópurinn Prima Vera, sem Jahn var
meðlimur í, gerði kvikmynd sem varð sú vinsælasta sem
þar hafði verið sýnd í mörg ár.
Fyrir skömmu var Jahn staddur hér á landi við upp-
töku á sjónvarpsþáttunum Halló Skandinavía. Þessir
þættir eru gerðir af danska, sænska og norska sjón-
varpinu og er Jahn umsjónarmaður norska hlutans.
Jahn hefur mikið komið við sögu norska sjónvarpsins
og tekið þátt í að gera ýmsa skemmtiþætti þar. Hann
er giftur norskri söngkonu og tónskáldi, Anitu Skorgan.
Þau eiga eina dóttur, Söru, sem er tveggja og hálfs árs.
Þeir eru áreiðanlega margir sem muna eftir því þegar
Jahn Teigen keppti fyrst í Eurovision söngvakeppninni.
Hann gerði gott grín að þessari keppni, bæði með fram-
komu sinni og laginu. Hann hlaut núll stig fyrir vikið.
12 VIK A N 9. TBL