Vikan - 26.03.1987, Blaðsíða 24

AKUREYRI
ÚTIVERA - SKEMMTANIR - HVÍLD
Hefur þig einhvern tímann langað að
skreppa í helgarferð til Akureyrar en
ekki látið verða af því? Þú ættir ekki að
bíða lengur heldur drífa þig af stað. Akureyri
hefur upp á ótrúlega margt að bjóða, hvort
sem ferðamaðurinn hyggur á lengri eða
skemmri dvöl.
Flugleiðir sjá um að ferja fólk norður í sam-
vinnu við Ferðaskrifstofu Akureyrar. Þessir
aðilar ganga einnig frá hótelpöntunum. láta
taka frá borð á matsölustöðum, Ieikhúsmiða,
bílaleigubíl, panta borð á skemmtistöðunum
eða í sem stystu máli sagt reyna þeir að upp-
fylla allar óskir gestsins og gera dvöl hans á
staðnum sem ánægjulegasta.
Rætur Akureyrar má rekja til eins af myrk-
ustu tímabilum íslandssögunnar. Staðar-
ins er ekki getið í heimildum sem
verslunarstaðar fyrr en 1602, þegar danskir
einokunarkaupmenn fá verslunarleyfi á
„Akkeroen". Á árunum 1777-78 er fyrsta
íbúðarhúsið byggt. Og á næstu árum fjölgar
ibúðarhúsunum á Akureyri þótt hægt fari og
eitt af elstu húsunum stendur raunar enn þann
dag í dag, Laxdalshús, byggt 1795. Framan
af voru íbúar Akureyrar fáir, til dæmis eru
þeir einungis tólf á eyrinni 1805 og báru allir
dönsk nöfn. 1787 var einokunarversluninni
aflétt hér á landi. Þá fékk Akureyri réttindi
sem „löggiltur verslunarstaður". Þegar Akur-
eyri fær kaupstaðarréttindi, 1862, eru íbúarnir
orðnir tvö hundruð fimmtíu og sex. Síðan
hefur mikið vatn runnið til sjávar og íbúar
Akureyrar eru í dag tæp fjórtán þúsund. Stað-
urinn hefur eflst sem helsta menntasetur
Norðurlands og nú vonast menn til að þar
rísi útibú frá Háskóla íslands. Akureyri gegn-
ir einnig forustuhlutverki norðanlands á sviði
heilbrigðismála, verslunar og iðnaðar.
Elstu kjarnar Akureyrar eru Oddeyrin og
Akureyrin (innbærinn). Á milli þessara
bæjarhluta ríkti allnokkur rígur þegar
þeir voru að byggjast. Um síðustu aldamót
var ákveðið að byggja nýjan barnaskóla á
Akureyri en menn gátu ómögulega komið sér
saman urn hvar hann ætti að rísa, þrátt fyrir
langar fundarsetur. Því var brugðið á það ráð
að byggja hann í brekkunni miðja vega milli
eyrarinnar og innbæjarins. En svo nákvæm-
lega var hann staðsettur að börnin þurftu að
ganga jafnlanga leið í skólann og voru þá
allir ánægðir.
Þessum fannst
ofsagaman að vera
komnar upp i fjall.
Næstum því á
toppnum. Útsýnið
efst ofan úr Hlíðar-
fjalli ergeipifagurt.
Og það eru engar
ýkjuraðþargeti
hverogeinnfundið
brekkur við sitt
hæfi.
Texti og myndir: Jóhanna Margrét Einarsdóttir
24 VIKAN 13. TBL