Vikan - 07.09.1989, Side 10

T0M5TUMDIR
FLUG OG FLEIRIDELLUR
Spjallað við Helgu Þórarinsdóttur um flug,
vélhjólaakstur, köfun, fallhlífarstökk, jeppadellu o.fl.
Helga er að hefja fjögurra ára nám í því sem kalla má flugmálasálfræði. Hún er kennd
við bandarískan háskóla og tekur raunar fimm ár með meistaragráðu.
TEXTI: ÁGÚST BORGÞÓR SVERRISSON
LJÓSM.: GUNNLAUGUR RÖGNVALDSSON
Helga Þórarinsdóttir er 24 ára
Reykjavíkurstúlka, myndarleg og
hæglát og lætur lítið yfir sér. En
þegar grennslast er fyrir um áhugamál
hennar kemur í ljós ótrúlegur afrekalisti af
ýmsum áhættusömum og vinsælum íþrótt-
um. Helga er sannkölluð ævintýramann-
eskja og hefur fellt mýmörg karlmennsku-
vígi í tómstundum sínum. Flestir láta sér
nægja eina dellu en Helga hefúr farið „úr
einni dellunni í aðra,“ eins og hún orðaði
það sjálf í Vikuviðtali á dögunum.
„Flugdelluna fékk ég vorið eftir stú-
dentspróf þegar ég byrjaði að vinna í
flugumsjón hjá Arnarflugi. Starfið fólst í
sölu farseðla, viðtöku pantana, skipulagn-
ingu á flugferðum og fleiru. Þarna fékk ég
bakteríuna. Ég fór síðan í flugnám haustið
1986 og kláraði bóklega hlutann sem tek-
ur einn vetur. Ég á hins vegar eftir verk-
lega námið og hef því ekki full réttindi en
hef tekið u.þ.b. 10 flugtíma. Ég flýg samt
mikið sem aðstoðarflugmaður og er þá
alltaf með einhverjum sem hefúr full rétt-
indi. Ég flýg sem sagt mikið með vinum og
kunningjum úr stéttinni en aldrei ein þótt
ég sé oft undir stýri.“
— Ertu kannski úr flugfjölskyldu?
„Ekki get ég sagt það. Að vísu er bróðir
minn flugmaður en þar með er það upptal-
ið. Pabbi minn er endurskoðandi. Ég lék
mér til skiptis að dúkkum og bílum þegar
ég var lítil en þá kviknaði líka fýrsta sport-
dellan, skíðamennskan. Skíðaferðir og úti-
legur voru mikið stundaðar í minni fjöl-
skyldu en hins vegar var ég ekki mikið í
íþróttum að öðru leyti.“
— Hefurðu hugsað þér að klára verklega
hlutann í flugnáminu?
„Ég veit það ekki. Bóklegi hlutinn veitir
mér aðgang að því námi sem ég fer í núna
með haustinu. Það er Aviation Psychology
sem útleggst flugmálasálffæði eða eitthvað
í þá veru á íslensku. Þetta fag er raunar far-
ið að heilla mig meira en tilhugsunin um
að verða atvinnuflugmaður. Skólinn heitir
Florida Institute of Technology og námið
tekur 4 ár, raunar 5 ár með meistaragráðu.
Vitanlega hef ég ekki persónulega reynslu
af því ennþá en get sagt frá því í grófúm
dráttum: í heildina lýtur fagið að umhverfi
mannsins en ekki manninum sjálfúm nema
óbeint. En við hönnun umhverfisins eru
sálffæðilegir þættir lagðir til grundvallar.
Meðal námsgreina má nefna flugvalla-
hönnun, uppbyggingu mælitækja í flug-
stjórnarklefa, flugslysarannsóknir og ffam-
kvæmdastjórn almennt. Þá er rík áhersla
lögð á almenna sálarfræði í þessu námi.“
Frh. á næstu opnu.
10 VIKAN 18. TBL.1989