Vikan - 11.07.1991, Blaðsíða 13

Björn Þór og Vaskur.
daginn. Svo var ég að taka að mér hálfs árs verk-
efni sem er að sjá um dreifingu og kynningu á
Hvíta víkingnum, nýjustu mynd Hrafns Gunn-
laugssonar. Myndin er sjö milljón dollara fram-
leiðsla sem frumsýnd verður í september. Ég
ætla mér að sjá til þess að minnst 50.000 manns
komi að sjá þessa mynd og fá þar með aftur þær
aðsóknartölur sem gerðust hér fyrir nokkrum
árum. Mig óar við því hve nýjabrumið virðist farið
af íslenskum kvikmyndum. En ég held að fólk vilji
sjá þetta mikla verk. Myndin snýst mikiu meira
um ást, fólk og mannlegt eðli en verið hefur í
myndum Hrafns, í aðalhlutverkum eru sextán og
sautján ára unglingar og í þessari mynd er heil-
mikil fegurð.
í dag er ég mjög sáttur við lífið og tilveruna og
til í að takast á við hvað sem fram undan er en
auövitað hvarflar það að manni að gott væri að
koma sér fyrir á öruggum, þægilegum stað þar
sem allt er kyrrt og slétt. En þá þyrfti að fórna
Þóra, Björn og Ivar, átta mánaða, í Utah, 1979.
heilmiklu í leiðinni. Ég held ég myndi aldrei lifa
það af að gera aðeins einn hlut frá níu til fimm."
FRAMTÍÐIN ER BROSTIN Á
„Nú er ég að koma mér uþp góðri vinnuaðstöðu
heima, með mínar tölvur og fax og þessar nú-
tímagræjur. Tæknin er orðin það mikil að nú er
hægt að vinna svona hugmyndavinnu hvar sem
er. Eins og er myndi ég helst kjósa að geta unnið
sem mest heima og nota síðan tæknina til að
koma því frá mér og þetta er ég að búa mig undir
núna - að sinna svona þremur til fjórum góðum
aðilum, með hugmyndavinnu og ráðgjöf. Svo
væri ég alveg til í að komast í samstarf við góðan
textahöfund og gott tónskáld og semja með þeim
söngleik því ég hef margar góðar hugmyndir í þá
átt.
Framtíðin er brostin á; hún er ekki lengur fram
undan. Tæknin þróast svo ört að hún fer á undan
löggjöfinni, markaðnum og manninum sjálfum.
Það þarf að tileinka sér oþinn og nýjan hugsunar-
hátt en jafnframt að halda í það sem við eigum;
okkar sérkenni og einkenni og þetta tvennt getur
einmitt farið svo Ijómandi vel saman."
ÁSKRIFARSÍMI: 81 31 22
14. TBL. 1991 VIKAN 1 3