Vikan - 09.07.1992, Blaðsíða 31

andlitum þeirra og einnig hversu ytirveguö hún
var.“
Ég heyrði aö þú hefðir veriö í sérstökum
nærbuxum þegar Douglas bókstaflega reif
þær af þér og því sem næst nauðgaði þér í
einni senunni?
„Já, það er rétt. Þetta voru sérstakar nær-
buxur, ætlaðartil að rífa í sundur. „Komið með
nýjar! kvað oft við meðan á upptökum stóð.“
Ég las það einhvers staðar að þér hefði við
fyrstu sýn þótt heldur mikið og djarft kynlíf í
þessari mynd. Er það rétt?
„Nei, ekki of mikið."
Of mikið miðað við að þú hefur ekki mikla
reynslu í að leika slíkt.
„Já, það er rétt, en mér leið mjög vel með
því fólki sem ég var að vinna með. Allir og þar
á meðal kvikmyndagerðarmennirnir eru vanir
að taka upp kynlífsatriði þannig að mér leið
ekki eins og ég væri umkringd hópi af einhverj-
um vergjörnum körlum sem væru allir í því að
skoða líkama minn í smáatriðum. Ég vissi að
farið yrði með þessar senur af mikilli varfærni
og þær yrðu fallegar. Ég held að þetta fólk hafi
unnið sitt verk mjög fagmannlega og þetfa virki
ekki soralegt á nokkurn máta. Þetta eru æs-
andi atriði en jafnframt mjög falleg.“
Hvernig var að vinna með Sharon Stone?
„Ég vann í rauninni aldrei með henni. Við
snæddum hins vegar saman hádegisverð
nokkrum sinnum og ræddum hvernig hlutverk
okkar sköruðust í myndinni. Við reyndum að
hvetja hvor aðra en við ákváðum að hafa ekki
mikil samskipti því þannig var það í myndinni.
Eftir það hittumst við en töluðum lítið saman.
Það var samt enginn kuldi á milli okkar en við
vissum báðar hvað var að gerast í myndinni
þannig að við höguðum okkur í samræmi við
það meðan á myndatökunum stóð.“
VANDAMÁL MEÐ ALDURINN
Hvernig undirbjóstu þig fyrir hlutverkið?
„Ég fór og hitti alvöru lögreglusálfræðing og
hann sagði við mig stutt og laggott að þetta
væri Hollywood-lögreglusálfræðingur sem ég
væri að leika og ég væri í rauninni að leika sex
mismunandi hlutverk sem öll fælust í þessu
eina. Hann ráðlagði mér að ígrunda hlutverkið
vel, reyna að skilja hvað Beth væri að hugsa
og gaf mér nokkrar ráðleggingar."
Ég er mjög hissa þegar ég sé þig hér viö
hliðina á mér. Ég hélt að þú værir mun eldri.
„Já, þetta var svolítið vandamál."
Hvað ertu gömul?
„Ég er tuttugu og sjö ára,“ segir Tripplehorn
vandræðalega og hlær I sama tón.
Tuttugu og sjö ára?
Blaðamaður lítur ögn nánar á stúlkuna og
finnst hún ekki hótinu eldri en rétt rúmlega
tvítug.
„Þetta var svolítið vandamál við gerð mynd-
arinnar. Þegar þeir tóku upp prufuleik minn var
það á myndband. Guði sé lof, því myndband
gerir mann töluvert ellilegri en maður er. Ef
þeir hefðu skoðað prufuleikinn á filmu er ég
viss um að ég hefði ekki fengið hlutverkið,"
segir Tripplehorn. „Kvikmyndin er tekin með
mjög „mjúkum" linsum sem gera mann frekar
yngri en maður er. Við fyrstu tökuna á filmu
flippaði Paul Verhoeven gjörsamiega út og
sagði: „Guð minn góður. Hún lítur út fyrir aö
vera tuttugu og tveggja!"
Þess vegna var ég með tonn af farða. Þeir
settu á mig gleraugu og sérfræðingar á þessu
sviði voru fengnir til að meðhöndla mig. Þeir
gerðu allt sem þeir gátu fundið í bókum til að
gera mig fullorðinslegri þannig að við Sharon
myndum líta út fyrir að vera á svipuðum aldri.
Ég fríkaði algerlega úl eftir að við höfðum gert
fyrstu förðunar- og hárprufuna því ég var viss
um að ég myndi missa hlutverkið. Mér fannst
ég ekki líta út neitt nálægt því sem átti að gera.
En Paul var frábær. Hann hafði trú á mér og ég
verð honum ævilangt þakklát. Ég held að hann
hafi skynjað að ég hafði þá hæfileika sem til
þurftu.
Hann kom samt oft og minnti mig á að ég
þyrfti að hegða mér eins og þroskuð kona.
Stundum var ég að ærslast hér og þar á töku-
stað og segja brandara. Kom hann þá og
sagði: „Jeanne! Stilltu þig nú. Lækkaðu rödd-
ina og reyndu að vera fullorðinsleg!"
í miðjum tökum, þegar ég var til dæmis að
segja mjög yfirveguð „Hæ Nick (Douglas)!
Hvernig hefurðu það?“ og reyna að vera full-
orðinsleg og mjög meðvituð þá fékk ég hláturs-
krampa eftir að slökkt hafði verið á kvikmynda-
tökuvélinni. Ég þroskaðist samt smátt og
smátt.“
NÆSTI MAÐUR GÆTI DOTTIÐ
NIÐUR DAUÐUR
Hvað var það helsta sem þú lærðir af því að
leika í þessari mynd?
„Ó guð minn góður. Ég var fyrst eins og barn
á rassi. Eftir hvern dag horfði ég á tökurnar og
sagöi: Hvað er þetta? Alltaf er eitthvað nýtt að
gerast. Ég held að ég komist að því hvað ég
hef lært þegar ég tekst á við næsta verkefni.
Ég hef lært næstum allt í þessum bransa í
gegnum þessa mynd.
Þetta er til dæmis annar dagurinn minn með
fjölmiðlum. Við höfðum ekki mikið samband
við fjölmiðla í Bandaríkjunum, mest vegna
þeirra ritdeilna sem þar áttu sér stað. Umræð-
an hefði gjörsamlega verið drepin niður. Ég hef
kannski verið í fjórum viðtölum þar sem einn
fjölmiðlamaður talaði við mig í einu. í gær var
fjölmiðlafundur og annað eins hef ég aldrei
upplifað á ævi minni. Ég flippaði gjörsamlega
út og sannarlega var ég ekki mjög fullorðinsleg
þá! Ég hefði óskað þess að Paul skytist inn og
segði við mig einu sinn enn: „Reyndu að vera
þroskaðri!" Þá hefði ég kannski skipt yfir i Beth
og orðið þroskaðri og jafnvel hoppað yfir í frú
Flintstone og sagt hjáróma röddu „Dadada"
með bein í hárinu."
Hvers konar grínþætti varstu með í Tulsa?
„Ég var með nokkra slíka. Það var meðal
annarra „Night Shift“ sem við kölluðum „Night
Shit“ og var sýndur í staðbundinni sjónvarps-
stöð og þar lærði ég mikið. Ég var með marga
þætti hjá „Act Me-Video Company". Ég sá að
miklu leyti um þáttagerðina og handritaskrifin.
Ég held að allt þetta hafi leitt mig inn á þá braut
sem ég er á nú. Alla vega hefði það síður gerst
hefði ég ekki haft neina þekkingu á þessu
sviði.
Áður en tökur hófust á Basic Instinct var ég
í Los Angeles í rúmlega sex mánuði til að
undirbúa mig og til að vita hvernig væri að búa
þar. Mér líkaði gamla Hollywood, glamorinn og
þessi gamla fjórða áratugar stemmning sem
ég sá í rósrauðu skýi. Ég myndi samt ekki vilja
búa þar fyrir lífstíð. Ég vildi eiga þar lítið ein-
býlis- eða raðhús í spænskum stíl til að
skreppa í ef mig langaði til - sól og pálmatré,
þú veist.
Sem stendur langar mig til að búa áfram í
New York. Hlutskipti leikara sem býr í Los
Angeles er mjög líklega þannig að hann hefur
mikinn frítíma. Hann bíður og vonar að hann
fái eitthvað að gera. Maður er einangraður þar,
gengur á milli umboðsskrifstofa og athugar
hvort eitthvað sé að hafa. í New York er aftur
á móti mikið að gerast og mikil spenna. Maður
veit ekki nema næsti maður detti niður dauður
af einhverjum orsökum. Það er margt sem
heldur huganum uppteknum og maður er þvf
ekki alltaf að hugsa um að leika. Þar er í nógu
að snúast, þó ekki sé nema að hjálpa náung-
anum að komast klakklaust um götur borgar-
innar."
Hvað stendur nú fyrir dyrum hjá þér?
„Ég veit það ekki. Ég er að bíða eftir góðri
mynd til að leika í en það eru því miður ekki
mörg góð handrirí umferö núna.“
Hefurðu leikið á sviði eftir að þú útskrifaðist?
„Já, ég hef nýlokið við að leika í klassísku
leikriti á Broadway og það var mjög gaman."
Víkjum aðeins að einkalífi þínu. Ertu í föstu
sambandi?
„Já, það má segja
þaö, en það er samt
allt í endurskoðun. Nú
er það tímabil í lífi
mínu sem mér finnst
að ég ætti að vera ein.
Ég held að ég ráði
ekki við aö vera í föstu
sambandi núna. Það
hefði kannski getað
gengið ef ég hefði átt
sex til sjö ára sam-
band að baki. Ég held
að ekkert samband
þoli öll þessi ferðalög og það sem ég er að fást
við og hef verið að gera upp á síðkastið. Það
er mikið að gerast í lífi mínu þessa stundina.
Að blanda annarri manneskju inn í allt þetta
væri hreinlega ekki rétt.
Ég var reyndar í sambandi í sex ár en því
lauk áður en allt þetta kom til svo nú er tíminn
til að vera ein. Áður en ég kem mér fyrir og gifti
mig langar mig til að vera ein um tíma. Það er
samt nokkuð kaldhæðnislegt að segja ein. Hér
erum við og svo allt þetta mannhaf í kringum
mann alla daga."
Að þeim orðum sögðum kvaddi ég þessa líf-
legu stúlku og hélt út í mannhafið fyrir utan
hótelið. □
■ Mér finnst kynlíf frábært og hef ekkert á móti því. Það
þarf þó að vera í réttu samhengi. Það sem mér líkaði við
þessa mynd og fannst þegar ég las handritið var að kynlífið
væri ekki í eins neikvæðri merkingu og ég hafði gert mér í
hugarlund. Ég hugsa að það hafi ótvírætt gefið myndinni
aukna vídd.
VILL VERA EIN
14. TBL. 1992 VIKAN 31