Vikan - 26.10.1999, Blaðsíða 54

GSM-grfn
I
Kæri póstur,
Ég er 38 ára kona, einstæð
og á tvö börn á skólaaldri.
Ég vinn frá 9-5 alla virka
daga og tek stundum að mér
helgarvinnu eitt eða tvö
kvöld. Ég hef ekki verið í
föstu sambandi við karl-
mann síðan ég skildi fyrir
nokkuð mörgum árum en
átt í tveim stuttum sam-
böndum. Hvorugur þeirra
manna var kynntur fyrir
krökkunum mínum því ég
vildi ekki taka áhættuna,
þau hafa liðið nóg vegna
karlamála minna.
En nú er ég orðin ástfang-
in af manni sem er nokkuð
eldri en ég og við erum búin
að vera saman í meira en ár.
Hann er líka fráskilinn og
býr einn, en á líka tvö börn
sem nú eru orðin sjálfstæð.
Þessi maður er í alla staði
mikill heiðursmaður, það
veit ég af öllu því sem ég hef
heyrt um hann og séð til
hans. Hann hefur komið
afar vel fram við mig og ég
er búin að kynna hann fyrir
krökkunum, sem líkar vel
við hann. En nú er ég í
vanda. Hann vill nefnilega
að við giftum okkur og för-
um að búa saman. Ég veit
ekki af hverju það er, en ég
er ekki tilbúin til þess og ég
sagði honum það og hann
tók því mjög illa. Honum
finnst samband okkar laust í
reipunum, hann vill að við
bindumst hvort öðru, gerum
þetta opinbert. Ég get ekki
hugsað mér að vera án hans
í lífinu, það veit guð, en ég
er hrædd. Af hverju? Hvað
á ég að gera?
Kærastan
Kæra kærasta,
Þetta var erfið
spurning. Kannski veistu
sjálf af hverju þú ert hrædd.
Hver voru þessi erfiðu
karlamál þín sem
þú minnist á? Get-
ur verið að gamall draugur
sé að hræða þig? Getur ver-
ið að þú þorir ekki að njóta
lífsins með manni sem þú
elskar af því að fyrri reynsla
þín af karlmönnum og sam-
búð er svo slæm?
Það er sorglegt að lifa öllu
lífinu í skugga óttans og að
þora ekki að treysta nein-
um. Það er alveg þess virði
að taka áhættuna til þess að
geta orðið hamingjusamur.
Kannski er vinur þinn tilbú-
inn að reyna sambúðina til
reynslu án giftingar, og því
skyldir þú ekki slá til fyrst
bæði þú og börnin þín eruð
hrifin af manninum?
Það getur enginn
nema þú tekið
ákvörðun í þessu
máli. Það er vit-
urlegt að vera var-
kár í stórum
ákvarðanatök-
um en skoðaðu líka hjarta
þitt. Sennilega ættirðu að
leyfa því að ráða að þessu
sinni.
Spurningar má
senda til „Kæri
Póstur" Vikan,
Seljavegi 2, 101
Reykjavík. Farið er
með öll bréf sem
trúnaðarmál og
þau birt undir
dulnefni.
etfang: vikan@frodi.is