Vikan - 09.05.2000, Blaðsíða 51

magnist af umhverfinu og
sumir njóti sín best í nágrenni
við jökla og þann kraft sem í
þeim búi aðrir hafi þörf fyrir
birtu og gróður.
„Orka mín er mýkri og
hlýrri en sá kraftur sem býr í
jöklinum, hann er harðari. Ég
starfa best og er virkari þeg-
ar sumrin eru löng og mikil
gróðursæld í kringum mig.
Aðrir vilja vinna undir jökli
og með þann kraft sem þar er.
Búgarðurinn minn er á Lúne-
borgarheiðinni í Norður-
Þýskalandi en sá staður er
þekktur fyrir náttúrufegurð.
Þangað er ekki nema einnar
og hálfrar klukkustundar
akstur í suðausturátt frá al-
þj óðlega flugvellinum í Ham-
borg. Svæðið er náttúru-
verndarsvæði og þar er fjöl-
skrúðugt fuglalíf því fuglar-
nir fá að njóta sín og lifa í friði.
Ég féll fyrst fyrir húsinu,
sem var byggt árið 1824, en í
kringum það er 4000 fm rækt-
aður og fallegur garður, nán-
ast eins lystigarður þar sem
fólk getur setið undir trjánum
og hugleitt utandyra. Enginn
er bundinn við að vera inni
vegna veðurs. Fólk getur
einnig hópað sig saman og
talast við. Búgarðurinn er
hluti af lillu þorpi og í apríl
er stefnt að því að starfsemin
hefjist."
Dagmar vonast til þess að
fólk komi til hennar í frí á
hvaða tíma ársins sem er til að
endurnýja orku og líkams-
kraft og byggja sig upp til
framtíðar andlega og líkam-
lega. Hún hefur lært mikið
um vítamín og steinefni og
veitir fólki ráðleggingar um
notkun þeirra.
„Ég hef sérhæft mig í nátt-
úrulegri meðferð með
vítamínum, steinefnum og
amínósýrum til að halda
ónæmiskerfinu sterku og
byggja það upp. Ekki bara
þegar í óefni er kornið held-
ur einnig sem fyrirbyggjandi
meðferð. Stefnt verður að því
í allri meðferð á búgarðinum
að veita ráðgjöf sem fólk get-
ur tekið með sér heim og
haldið áfram sjálft þeirri
vinnu sem áður var hafin.“
Búgarðurinn sem Dagmar
hyggst nota til heilsubótar og
uppbyggingar fyrir íslendinga
og aðra Evrópubúa virðist
eins og paradís á jörðu. Ekki
er að efa að margir vilja gjarn-
an leggja þangað leið sína og
líkt og Dagmar bendir á hef-
ur hver árstíð sína töfra og
mismunandi er hvað hentar
hverjum og einum í því efni.
Víst er að hvíld við kjörað-
stæður, þar sem fólk þarf ekki
að huga að öðru en eigin líð-
an, er nokkuð sem nútíma-
fólk sækist eftir í æ ríkari
mæli.