Menntamál - 01.03.1952, Blaðsíða 28
22
MENNTAMÁL
Guðmundur Þorláksson var fararstjóri, þangað til leið-
ir skildu í Höfn. Gegndi hann því hlutverki með ágætum,
og erum við honum þakklát fyrir leiðsöguna.
Skal nú drepið hér á nokkra þætti úr ferðinni.
Flestir þátttakendur komu með „Gullfossi“ til Kaup-
mannahafnar að morgni laugardagsins 14. júní s. 1. Á
hafnarbakkanum voru samankomnir kennarar þeir, sem
við bjuggum hjá í Höfn, varafræðslumálastjóri borgar-
innar, Otto V. Nielsen og Erik Andersen, fulltrúi Nor-
ræna félagsins þar. En hann bar mestan veg og vanda af
móttökum okkar í Höfn, því að Norræna félagið hafði
tekið að sér að sjá um dvölina fyrir hönd dönsku kennara-
samtakanna.
Að afliðnu hádegi bauð yfirborgarstjóri Kaupmanna-
hafnar okkur velkomin í Ráðhúsinu. Um kvöldið sátum
við veizlu kennarasamtakanna í einum af skemmtistöðum
Tivoligarðsins. Næstu 4 daga ferðuðumst við um borgina
og skoðuðum helztu skólastofnanir.
Höfn hefur sérstöðu í danska skólakerfinu. Hún hefur
sérstaka fræðslumálastjórn, sem er óháð fræðslustjórn
landsins í heild. Þeir skólar, sem við sáum, voru flestir
byggðir eftir 1930. Allt voru þetta geysistórar skólabygg-
ingar: Sönder-Jyllandskolen er mjög glæsileg ný bygging
í Fredriksberg með geysistórum leikvöllum og sundhöll í
miðri byggingunni. Úti á Amager er fögur skólabygging,
sem reist var laust fyrir stríðið og nefnist Skolen ved
Sundet. f tengslum við hann er merkileg stofnun, þar sem
er Friluftskolen, skóli fyrir heilsuveil börn. Þar dveljast
um 20—30 nemendur. Þeir njóta sérstakrar umönnunar
lækna og sérfræðinga, og er aðalbyggingin stærðar gler-
höll, þar sem börnin fá notið hvíldar og sólarbirtu eftir
þörfum. f Kirkebjergskolen, sem er af svipaðri stærð og
fyrrnefndir skólar, voru öll börnin saman komin í hátíðar-
salnum og tóku á móti okkur með íslenzka þjóðsöngnum.
Verður sú stund okkur ógleymanleg. Þeir skólar, sem hér