Menntamál - 01.10.1952, Page 10

80
MENNTAMÁL
félaga, og jafnframt að þroska persónuleika þess
og ábyrgðartilfinningu bæði gagnvart sínu eigin
þjóðfélagi og gagnvart heiminum í heild.
b. Blaðalcostur skólanna.
Eins og áður er getið, var haldin sýning á blöðum
skóla fjölmargra landa, enda var blaðakostur skólanna
einn liður í dagskrá þingsins. Ekki spunnust miklar um-
ræður um málið, en fram komu almennar raddir um að
gera meira að því að skiptast á blöðum milli landanna.
Eftirfarandi ályktun var samþykkt:
1. Blöð skólanna ættu að ætla alþjóðamálum pláss, og
ef hægt er ætti einn dálkur ávallt að vera ætlaður
þeim málum.
2. Þessi dálkur ætti að hafa að geyma tilkynningar
frá alþjóðasamtökum, þar á meðal einkum ályktanir
kennaraþinga. Mælzt er til þess, að tímaritin leitist
við að ræða umræðuefni alþjóðaþinga á tilhlýðileg-
an hátt.
3. Reynt sé, eftir því sem frekast má við koma, að
komast í samstarf við félagssamtök annara landa.
4. Beiðnir um skipti á nemendum og kennurum frá
öðrum löndum séu birtar ókeypis.
5. í bókafregnum sé getið atriða, sem kennarar er-
lendis geta haft áhuga á.
6. Koma skal á sem víðtækustum blaðaskiptum við
önnur félagasamtök.
7. Tímarit skólanna skulu leitast við að veita ábyggi-
legar upplýsingar bæði almenningi yfirleitt svo og
stjórnarvöldum, þingmönnum, skólayfirvöldum og
foreldrafélögum og jafnframt sjá um, að tilkynn-
ingar og ritstjórnargreinar birtist um skólamál í
blöðum og tímaritum landsins.
Samþykkt var ennfremur að biðja UNESCO um: