Menntamál - 01.10.1952, Qupperneq 28

98
MENNTAMÁL
Freysteinn Gunnarsson sextugur.
Freysteinn Gunnarsson
skólastjóri átti sextugsaf-
mæli 28. ágúst s. 1. Þann
dag birtust margar grein-
ar um hann í blöðum, þar
sem honum voru þökkuð
störf í þágu íslenzkra
menningarmála.
Freysteinn Gunnarsson
er fæddur í Vola í Árnes-
sýslu 28. ágúst 1892. For-
eldrar hans voru Gunnar
Jónsson bóndi og kona
hans Guðrún Guðbrands-
dóttir. Freysteinn stundaði
nám í Kennaraskólanurn
og lauk þaðan prófi 1918,
las síðan til stúdentsprófs
og lauk því 1915. Að því búnu lagði hann stund á guð-
fræði og varð kandidat 1919. Framhaldsnám stundaði
hann erlendis á árunum 1920—1921. Kennari gerðist
hann við Kennaraskólann 1921 og skólastjóri 1929. Því
starfi hefur hann gegnt síðan af umhirðusemi, lipurð
og góðvild.
Fræðimennsku og ritstörf hefur Freysteinn iðkað af
mikilli elju, og hafa flest landsins börn notið góðs af.
Kennslugrein hans er íslenzk tunga, og segja mér fróðir
menn, að lærdómur hans í þeirri grein sé fágætlega
mikill, þegar þess er gætt, að hann er fenginn með ein-