Menntamál - 01.12.1960, Page 33

MENNTAMAL
199
b) Felld verði niður sú regla, að barnakennarar við 9 mán. skóla
kenni 2 st. meira á viku en þeim ber 8 mán. ársins, vegna þess að
skólarnir liafa ekki næga kennslu fyrir þá í september.
c) Yfirvinna fastra kennara (stundakennsla umfram kennsluskyldu)
verði greidd eftir sömu reglum og yfirvinna annarra starfsmanna
ríkisins.
Væntum við þess, að hið háa ráðuneyti vilji beita sér fyrir ráð-
stöfunum, sem miði að því að tryggja, að kennslustörf geti orðið líf-
vænleg og eftirsóknarverð vinna, svo að til þeirra fáist nægir starfs-
kraftar og hæfileikamenn sækist eftir þeirn.
Virðingarfyllst,
Stjórn Sambands islenzkra barnakennara.
Greinargerð með tillögum S. I. Ji. um launabœtur til handa
kennurum við barnaskóla.
Til skýringar og áréttingar tillögum sínum vill stjórn Sambands
íslenzkra barnakennara vekja athygli á nokkrum atriðum, er þær
varða.
I. Á síðari árum hafa kennarastöður við barnaskólana í sívaxandi
mæli verið skipaðar fólki, sem ekki hefur kennaramenntun, svo að
á þessu skólaári (1959— 19ö0) gegna 118 réttindalausir menn kenn-
arastöðum við barnaskóla landsins eða um 15% (fsk. 1 og 2).
Kennarastarfið, sem krefst mikillar sérhæfni og sérmenntunar, er
ekki nógu eftirsóknarvert til þess að nægilega margir kjósi að leggja
út á þá námsbraut, sem starfið krefst. Önnur störf bjóða tryggari
íramtíð.
Vandinn er síðan af hálfu ríkisvaldsins leystur með því að ráða
til kennslustarfa, eftir því sem þörf krefur liverju sinni og í sífellt
vaxandi mæli, menn, sem engar sérstakar menntunarkröfur eru
gerðar til, og láta þá taka að sér störf, sem lögum samkvæmt er til
ætla/.t, að aðeins sérmenntaðir kennarar gegni.
Ekki er þörf að ræða hér, hver hætta skólamálum landsins i lieild
stafar af þessu, enda hefur S. í. B. oft á það bent.
Hins vegar er ástæða til að vekja athygli á, að engin stétt sér-
menntaðra manna — önnur en kennarastéttin — á við það að búa,
að laun hennar og kjör séu þannig raunverulega boðin niður með
því að ráða til starfa fólk, sem ekki hefur varið tíma og fé til að afla
sér sérmenntunar.
Stjórn S. I. B. þykir hér uggvænlega horfa og hlýtur bæði af þjóð-
félagslegum og stéttarlegum ástæðum að krefjast jtess, að liér verði
spyrnt við fótum og þessi öfugþróun stöðvuð.