Menntamál - 01.12.1960, Side 66

232
MENNTAMÁL
af flour með fæðunni á hverjum degi. Þó virðist sú að-
ferð ekki bera eins góðan árangur og penslunin.
Mjög er mikilvægt, að ávallt sé gert strax við tann-
skemmdir, svo að þær breiðist sem minnst út og nái ekki
að veikja sjálfa tönnina eða berast til annarra tanna. All-
ir ættu að hafa fyrir reglu að fara til tannlæknis til eftir-
lits á 1/2 árs fresti allt frá 2—3 ára aldri. Á þann hátt má
draga mjög úr tannskemmdum og komast hjá sársauka-
fullum aðgerðum. Sérstaklega er mikilvægt, að vel sé
fylgzt með fyrsta fullorðinsjaxlinum, ,,sex ára jaxlinum“.
Auk þrautanna, sem djúpar tannskemmdir valda og
flestir kannast við, getur margt annað hlotizt af skemmd-
um tönnum. Má þar t. d. nefna: minnkað notagildi tann-
anna til tyggingar, munnlýti, vont bragð í munni, breyt-
ingar á kjálkabeinum vegna missis tanna, svo og ýmsa
fylgikvilla út frá grefti undir tönn, t. d. liðagigt, hjarta-
sjúkdóma, meltingarsjúkdóma, augnsjúkdóma og húðsjúk-
dóma, svo að nokkuð sé nefnt.
Ýmislegt fleira mætti nefna, en þetta ætti að nægja til
að sýna fram á, hversu nauðsynlegt er fyrir hvern og einn
að hugsa sem bezt um tennurnar, og að margt er hægt að
gera til að draga úr skemmdunum.
Hirðing tanna.
Tannburstun hefur þann tilgang að fjarlægja óhrein-
indi og bakteríur af yfirborði tanna og afstýra þannig
myndun tannsteins og tannskemmda. Hreinlæti í munni
eykur vellíðan, bætir útlitið og kemur í veg fyrir sjúk-
dóma og skemmdir í tannholdi og tönnum.
Tennur skal bursta eins fljótt og unnt er að máltíð lok-
inni. Ein tegund af bakteríum í munni breytir sykri og
mjölefnum í sýru á nokkrum mínútum, en sýran leysir
upp glerunginn, sem er yzta varnarlag tannarinnar. Því
fyrr sem slíkar fæðuleifar eru hreinsaðar burt, því minni
líkur eru til, að tannskemmdir hljótist af.