Menntamál - 01.02.1970, Blaðsíða 9

Nýtt
útgáfufélag
Samband íslenzkra barnakennara
Fyrir rúmum þremur árum kom það til orða
milli Andra ísakssonar sálfræðings og forráða-
manna Menntamála að efna til samvinnu milli
Skólarannsókna og kennarasamtakanna um
útgáfu tímaritsins í þeim tilgangi að efla ritið
og auka útbreiðslu þess. Haldnir voru fundir
um málið í febrúar og marz 1967 og samdar
tillögur um fyrirkomulag. Málið komst þó ekki
lengra að því sinni, en á síðast liðnu ári tók
Andri þráðinn upp að nýju og hafði forgöngu
um að koma á því samstarfi um útgáfuna, sem
orðið er að veruleika.
Hér skulu nú aðilarnir að útgáfufélaginu
kynntir með nokkrum orðum og birtur samn-
ingurinn um útgáfu ritsins.
Fóstrufélag íslands
Stéttarfélagið Fóstra var stofnað í febrúar 1950 og
gekk nokkru síðar í Alþýðusamband islands. Tilgangur
félagsins var einkum sá að annast kjarasamninga og
gæta hagsmuna félaganna. Fyrsti formaður félagsins var
Elínborg Stefánsdóttir.
Þann 4. desember 1964 gerðust starfandi fóstrur í
Reykjavík fastir borgarstarfsmenn. Gekk þá Stéttarfélag-
ið Fóstra úr A.S.Í. Á aðalfundi árið 1965 var nafni
félagsins breytt um leið og það sameinaðist Nemenda-
sambandi Fóstruskólans. Heitir það nú Fóstrufélag ís-
lands. [ lögum þess segir m.a., að tilgangur félagsins
sé að efla fóstrustéttina, glæða áhuga á öllu, er varð-
ar fóstrustarfið, efla framhaldsmenntun og gæta fjár-
hagslegra hagsmuna félaganna.
Tala félaga er nú um 80. Núverandi formaður er
Þórunn Einarsdóttir, forstöðukona, og fulltrúi félagsins
í ritnefnd Menntamála er Gyða Ragnarsdóttir.
Samband íslenzkra barnakennara var stofnað 17. júní
1921. Það er samband 10 svæðafélaga, sem ná til alls
landsins. SÍB er málsvari barnakennara út á við og fer
með umboð stéttarinnar gagnvart opinberum aðilum.
Markmið sambandsins er að vinna að alhliða íram-
förum í uppeldi barna á fslandi og gæta hagsmuna
barnakennarastéttarinnar. Félagsmenn eru u.þ.b. 850.
Formaður er Skúli Þorsteinsson, en ritnefndarmenn
Menntamála Ingi Kristinsson, Skúli Þorsteinsson og Þor-
steinn Sigurðsson.
Landssamband
framhaldsskólakennara
Landssamband framhaldsskólakennara var stofnað
17. júní 1948 að tilhlutan Félags framhaldsskólakenn-
ara í Reykjavik.
Markmið sambandsins er að efla samvinnu kennara
við framhaldsskólana, að vinna að heilbrigðri og eðli-
legri þróun í framhaldsmenntun unglinga eftir að barna-
skóla er lokið, að vinna að bættum kiörum kennara og
gæta hagsmuna þeirra og stuðla að því, að þeir eigi
sem greiðasta leið að auka menntun sína.
LSFK er skipt í deildir og miðast deildaskiptingin
og starfssvæði hverrar deildar að mestu við kjördæma-
skipan landsins. í Reykjavík teljast þó eftirtalin félög
sérstakar deildir: Félag gagnfræðaskólakennara, Kenn-
arafélagið Hússtjórn og Samband sérskólakennara í
Reykjavík. Deildirnar og kennarafélögin starfa eftir eigin
starfsreglum, sem eru í samræmi við lög LSFK. Félag-
ar í LSFK eru nú um 700.
Núverandi formaður sambandsstjórnar er Ólafur S.
Ólafsson, en ritnefndarmenn Menntamála eru Andrés
Davíðsson og Þorsteinn Eiríksson. Skrifstofa sambands-
ins er að Laufásvegi 25 og er opin þann tíma, sem
skólar starfa: á mánudögum kl. 16.00—18.00, þriðjud. kl.
10.00—12.00, fimmtud. og föstud. kl. 17.00—19.00.
MENNTAMÁL
3