Vorið - 01.03.1963, Blaðsíða 14

Einar ekur á fullri ferð i rafmagnsbil no. 13.
náði Sveinn í leigubíl og var ekið áleiðis
til Dýragarðsins. Sólin hafði náð að
brjótast í gegnum skýjaþykknið og var
á góðri leið með að ryðja því burtu. Er
til dýragarðsins var komið stigum við út
og keyptum miða við innganginn. Það
fyrsta sem blasti við er við komum inn
var stærðar turn er byggður var úr bjálk-
um. Við ákváðum að fara upp í hann
seinna og gengum áfram inn í garðinn.
Slegizt hafði í hóp með okkur ung,
íslenzk stúlka og fylgdist hún með okkur
þennan dag. Fyrstu dýrin sem við sáum
voru fuglar. Strútar, hegrar, pelikanar,
páfuglar og aðrir stórir fuglar. Sveinn
ætlaði að ná mynd af einum pelikanan-
um með útbreitt stél, en fuglinn lagði
alltaf saman stélið er hann var tilbúinn
að smella af. Eftir mikið hopp og hí
tókst loks að ná mynd af honum með
útbreitt stél. Við skoðuðum fleiri fugla.
Á einum staðnum var stærðar búr, sem
fullt var af allavega litum páfuglum, við
hliðina á því voru önnur búr með lit-
fögrum hitabeltisfuglum, sem görguðu
og örguðu af öllum mætti, en fæstum
þeirra kunnum við nöfn á. Þarna voru
alls konar hérar og kanínur, og fullt af
smá dýrum, sem við kunnum heldur
ekki skil á.
Við gengum næst inn í stórt, aflangt
hús. Á móti okkur lagði sterkan og vond-
an þef. Þarna inni voru stærri dýrin.
Gorilluapar og simpansar róluðu sér í
búrum sínum en innar öskruðu ljónin
hátt og gengu eirðarlaus hring eftir
hring í litlum búrum. Einnig voru þarna
hlébarðar, gaupur og fleiri rándýr. Ég
gekk upp stuttan stiga, þar var annar
salur, óþefurinn var þar svo megn að
ég dvaldist þar aðeins stutta stund. Þar
voru mauraætur, broddgeltir og mold-
10 VORIÐ