Bjarmi - 01.06.1996, Blaðsíða 13

Bjarmi leitaði svara hjá forsetaefnunum um
trúarlíf og trúarviðhorf þeirra. Voru þeim öllum
sendar sömu spurningar sem þau svöruðu
skriflega. Fyrsta spurningin var um hvaða
trúfélagi þau tilheyrðu og var svar þeirra allra að
þau tilheyrðu Þjóðkirkjunni. Aðrar spurningar
voru öllu persónulegri og verður frambjóð-
endum þvi gefið orðið.
Spurningarnar voru þessar:
1. Sækir þú guðsþj ónustur reglulega?
2. Lestu reglulega í Biblíunni?
3. Biður þú til Guðs? (Ef svo er, þá
hvenær?)
4. Forseti íslands er æðsti maður Þjóð-
kirkjunnar. Finnst þér ástæða til að auka
veg kristinnar trúar og siðferðisgilda
meðal þjóðarinnar?
5. Munt þú, ef þú nærð kjöri, koma krist-
inni trú og siðferðisgildum á framfæri
við þjóðina?
Ástþór Magnússon
1. Þegarégfinn
þörf til.
2. Eg hef Biblíuna
við hendina og
lít i hana af og
til.
3. Mjög reglulega,
helst á kvöldin
og svo á öðrum timum þegar ég finn þðrf
til.
4. Ég mun leitast við, hvort sem ég næ kjöri
eða ekki, að landsmenn sameinist i
kærleika Krists til friðar og velsældar og
verði á þann hátl fordæmi öðrum þjóðum.
5. Ég vil koma á fundi trúarleiðtoga á
Þingvöllum árið 2000 þar sem kristnitakan
verði innsigluð með alþjóðlegum sáttmála
er leiði til friðar í heiminum.
Þráttfyrir ítarleg viM
fjölmiManna við alla
frambjókndur hefur
ekkífarið mikiðfyrir
umrœðum um trúmál.
Guðrún Agnarsdóttir
1. Égsækiguðs-
þjónustur helst
um hátíðir.
2. Ég lit oft í Biblí-
una og sæki
þangað styrk og
vísdóm.
3. Já.
4. Þjóðfélag okkar er byggt á siðferðisgildum
kristinnar trúar og þau ber að efla. Sjálf
sótti ég sunnudagaskóla reglulega hjá
KFUM þar til ég var 12 ára gömul og lífs-
gildi mín eru mótuð af siðferðisboðskap
kristinnar trúar.
5. Ég mun standa vörð um og styrkja gildi
mannúðar og þeirra siðferðisgilda sem
kristin trú grundvallast á. Ég tel einnig
mikilvægt að bera virðingu fyrir trúar-
brögðum annarra og sýna þeim
umburðarlyndi. Sjálf hef ég tekið þátt í
ekumenisku sjálfboðastarfi við kirkjubygg-
ingu í Grundarfirði 1961 sem var
lærdómsrík lífsreynsla.
I
Guðrún Pétursdóttir
1. Já, ég geri það.
2. Já, Biblían er
ein þeirra bóka
sem er innan
seilingar á nátt-
borðinu. Ég lít
á Biblíuna sem
homstein menn-
ingar okkar og siðgæðis og les hana mér til
fróðleiks og andlegrar næringar.
3. Samband mitt við Guð er svo persónulegt
að mér finnst erfitt að tala um það opin-
berlega.
4. Siðmenning okkar er byggð á kristilegum
gildum og eðlilegt að forseti efli þann
grunn og rækti eftir föngum. Hins vegar
verðum við að hafa í huga að forseti íslands
er forseti allra íslendinga, sama hvaða trú
þeir aðhyllast. Ég tel það rétt hvers
einstaklings að ástunda sína trú og vil hafa
þar að leiðarljósi eitt hið mikilvægasta af
kristilegum trúargildum, umburðarlyndið.
5. Ég er alin upp við almenn kristileg gildi
svo sem heiðarleika, náungakærleik,
umburð^rlyndi, von og trú. Ég kenni
börnum mínum að virða þau sömu gildi,
í BRENNIDEPLI
bið með þeim og kenni þeim bænir. Ég
vona að mér auðnist að koma þeim gildum
á framfæri við þjóðina verði ég kjörin til
embættis forseta íslands.
Ólafur Ragnar Grímsson
1. Áhátíðumog
við sérstök
tækifæri.
2. Ekki reglulega,
en á ýmsum
tímum.
3. Ég gerði það á
yngri árum.
4. Kristin trú er meðal helstu hornsteina
íslenskrar menningar og siðferðisgilda
hennar, ríkur þáttur í okkar þjóðfélagi.
Hvort tveggja ber að styrkja og efla.
5. Já.
Pétur Kr. Hafstein
1. Égsækiguðs-
þjónustur oft
en ekki á reglu-
bundinn hátt.
2. Ég leita iðulega
uppörvunar og
styrks í Biblí-
unni.
3. Ég bið kvöldbænir með sonum mínum og
leita tíðum til Guðs endranær bæði í með-
byr og mótlæti, gleði og sorg.
4. Já mér finnst ærin ástæða til þess. Það er
svo margt sem glepur sýn í nútíma þjóð-
félagi og ekkert er betur til þess fallið að
styrkja hvern mann en siðferðisboðskapur
kristinnar trúar.
5. Ég mun í orðum og gjörðum leitast við að
treysta mannrækt og siðgæðisvitund þjóðar-
innar og skírskota til þeirra hugmynda sem
kristin trú og lífsskoðun kristninnar grund-
vallast á.
G.K.B.