Bjarmi - 01.06.1996, Blaðsíða 20

AFVETTVANGI
Krisíniboð og hjálparstarf
í kirkjunni
Um 20 fulltrúar safnaða Kjalarnessprófastsdæmis
dvöldu í Skálholti 15. og 16. maí síðastliðinn.
Samveran var hápunktur átaksverkefnis um
hjálparstarf og kristniboð í prófastsdæminu
sem staðið hefur i vetur. Markmið hennar var
að fá fólk til að taka að sér að vinna að málefni kristniboðs-
og hjálparstarfs í söfnuðum sínum þannig að þessir mála-
flokkar yrðu eðlilegir þættir í safnaðarlífi. Það er í samræmi
við samþykktir prestastefnu í fyrra, kirkjuþings
og ýmissa héraðsfunda um
að kristniboð
verði eðlilegur
hluti af safnaðar-
lífi.
Erindi voru flutt
um kristniboð og
hjálparstarf. Þátttak-
endur ályktuðu að
hvetja söfnuði Kjalar-
nessprófastsdæmis til að
efla hjálpar- og kristni-
boðsstarf í safnaðarlífi
með því að auka fræðslu
um þessi mál og mynda
samfélagshópa sem létu sig
þessi efni varða sérstaklega.
Blað brotið í
sögunni
Átaksverkefni Kjalamessprófasts-
dæmis er mjög athyglisvert þegar
það er haft í huga að kristniboð
hefur ekki verið eðlilegur hluti af
llfi safnaða íslensku þjóðkirkjunnar.
Hér er brotið blað í íslenskri kirkju-
sögu sem vonandi er upphaf þess að boð Jesú Krists um
að gera allar þjóðir að lærisveinum verði virkari veruleiki í
íslenskum söfnuðum en verið hefur.
Aðalhvatamaður að átaksverkefninu var sr. Bragi Friðriks-
son, prófastur Kjalamessprófastsdæmis. Að hans tilstuðlan
setti héraðsnefnd prófastæmisins á laggirnar nefnd með
þremur fulltrúum Kristniboðssambandsins og þremur frá
Hjálparstofnun kirkjunnar til að vinna að eflingu kristni-
boðs og hjálparstarfs í prófastsdæminu. Söfnuðir prófasts-
dæmisins ásamt héraðssjóði leggja árlega fram fé í
sameiginlegan sjóð. Þessi upphæð hefur verið rúmlega ein
milljón á síðustu árum. Peningunum, sem í hann renna
ár hvert, er skipt jafnt á milli Hjálparstofnunar og Kristni-
boðssambandsins.
Lögð hefur verið áhersla á að fræða fólk um þessi mál
svo að það skilji að forsendur þessa starfs eru fyrst og
fremst boð Jesú. Petta hefur sérstaklega verið kynnt fyrir
fermingarbörnum og þau jafnframt verið hvött til að láta
svolítið af hendi rakna með því t.d. að neita sér um sæl-
gæti í einhvern tíma og gefa andvirðið til þeirra sem
minna hafa. í ár rennur andvirðið til þess að kaupa hús-
gögn í skólastofu á Indlandi og til að kaupa hluti sem koma
sér vel fyrir ungt fólk í Súðavík og á Flateyri.
Síðastliðinn vetur hefur undirritaður starfað við þetta
átaksverkefni á vegum prófastsdæmisins með skólaheim-
sóknum, með því að sitja fundi með sóknarnefndum,
kenna fermingarbörnum, fara í barnamessur, prédika í
guðsþjónustum og hafa kristniboðskynningar á eftir.
Hvarvetna hefur þessu starfi verið vel tekið en það þarf að
verða sýnilegri hluti af starfi safnaðanna.
Nýlega gaf starfshópur Kjalarnessprófastsdæmis út fall-
egan, litprentaðan kynningarbækling um starfsemi Hjálpar-
stofnunar kirkjunnar og Sambands íslenska kristniboðs-
félaga. Nefnd á vegum Kjalarness- og Húnavatnsprófasts-
dæma, sem undirbýr hina árlegu Vordaga, leikjanámskeið
á vegum kirkjunnar, hefur einnig gefið út fallegan bækling
fyrir Vordaga þessa sumars. Aðalfræðsluefni þeirra verður
helgað kristniboði og hjálparstarfi. Ætla má að 1.000 -
1.500 börn muni fá fræðslu á þessum samverum.
Framtak Kjalarnessprófastsdæmis er til mikillar fyrir-
myndar og verður vonandi öðrum prófasdæmum til eftir-
breytni.
Kjartan Jónsson
20