Bjarmi - 01.06.1996, Blaðsíða 23

UM VÍÐA VERÖLD
HVAÐ ER ...
BANGLADESJ:
HHdur Sigurðardóttir
Ritskoðuð Biblía?
Yfirvöld í Malasíu í Asíu kröfðust þess fyrir
nokkru að Biblían yrði ritskoðuð. Nú hafa
ráðamenn í Bangladesj sett fram sams konar
kröfu. Biblíufélagið í landinu verður að full-
nægja tveimur skilyrðum til þess að mega prenta
Biblíur. Annars vegar má ekki nota orð sem eru
einkennandi fyrir Kóraninn, helgirit múslíma,
og hins vegar má einungis dreifa Biblíunni
meðal kristinna manna.
Svo virðist sem yfirvöld í Bangladesj ætli að
feta í fótspor Malasíumanna og banna að í
Biblíunni verði orð eins og Allah (Guð) og injil
(fagnaðarerindi). Biblíufélagið þar eystra hefur
mótmælt þessum reglum. Þær eru reyndar í
andstöðu við 41. grein stjórnarskrárinnar en í
henni er landsbúum tryggt málfrelsi og full
heimild til að boða trú sína.
Kristnir menn í Bangladesh finna fyrir mikilli
andúð meðal landa sinna. Með þessari frétt i
tímaritinu Ápne dorer birtist mynd af kirkju
sem hafði verið kveikt í. Veggir standa uppi en
þakið er brunnið.
ALBANÍA:
Tvær miljónir horfðu
á sjónvarp
Kristilegt sjónvarpsefni hefur nú í fyrsta sinn
verið sýnt í rikissjónvarpinu í Albaníu. „The
Christian Broadcasting Network" hefur látið
gera fjóra þætti sem um tvær miljónir Albana
hafa séð eða um helmingur íbúa landsins.
Athuganir sem gerðar voru eftir útsendingu
þáttanna sýna að um 1,1 miljón áhorfenda
óskaði fyrirbænar.
Albanía er fyrsta landið þar sem „The
Christian Broadcasting Network" sendir út
þessa þætti. Ætlunin er að senda þá út viðar og
er markmiðið að 500 miljónir hafi séð þá fyrir
aldamót.
Hvað er ...
Taizé?
Orðið Taizé kann að hljóma framandi í eyrum sumra og margir hafa velt
því fyrir sér hvaðan þetta orð sé komið. Taizé er lítið þorp í Frakklandi.
Fað lætur lífið yfir sér, en er núna orðið heimsþekkt fyrir lofgjörðar-
söngva þá sem kenndir eru við þorpið. Mörg þúsund manns flykkjast
þangað árlega í nokkurs konar pílagrímsferð til að upplifa helgina og
friðinn sem hvílir yfir þessu litla samfélagi og til að verða þátttakendur ( hinni
miklu lofgjörð sem færð er Guði til dýrðar. En til að fá örlitla nasasjón af Taizé-
samfélaginu verðum við að snúa okkur að upphafinu.
Segir fyrst frá manni nokkrum, sr. Roger Schutz. Hann fæddist í Sviss árið 1915.
Faðir hans var kalvinskur prestur og móðir hans var af frönsku bergi brotin. Roger
stundaði nám við Genfarháskóla, einmitt á þeim tíma sem síðari heimsstyrjöldin
var að skella á og Evrópa í mikilli upplausn. í guðfræðideildinni stofnaði Roger
bæna- og biblíuleshóp með nokkrum vinum slnum. Sóttust þeir af einlægni eftir
því að leita vilja Guðs og hvað Drottinn hefði í hyggju með þá. Árið 1940 fór Roger
yfir landamærin milli Sviss og Frakklands til þess að finna heppileg hýbýli fyrir þá
vinina, þar sem þeir gætu histj með reglulegu millibili og iðkað trú sína. Þeir vildu
geta horfið til staðar, fjarri skarkala heimsins, til bænagjörðar og lestrar Guðs orðs.
í litla þorpinu Taizé hitti Roger fyrir aldraða konu sem bað hann um að hjálpa
þorpsbúunum. Roger hugsaði sig ekki lengi um en keypti hús af henni og settist
þar einn að um tveggja ára skeið. Þar vann hann við alls kyns hjálparstarfsemi
ásamt því að eiga reglulega helgistundir, þrisvar á dag. Skal hér stiklað á stóru en
þegar heimsstyrjöldinni síðari lauk voru þeir orðnir sjö saman, vinirnir, í húsinu.
Áhersla þeirra var á bænina og að hjálpa meðbræðrum sínum. Bjuggu þeir gjarnan
hjá fátæku fólki og leituðust með lífi sínu við að benda á hann sem öllu ræður. Árið
1949 var köllun þeirra farin að skýrast og þroskast og unnu þeir heit um sameign,
ókvæni og hlýðni. Yfirmaður þeirra var sr. Roger. Brátt tók meðlimunum að fjölga
og komu þeir þó einkum frá Sviss, Frakklandi og Þýskalandi. Þeir lögðu ríka
áherslu á einingu kristinna manna burtséð frá kirkjudeildum. Árið 1953 gaf bróðir
Roger út reglu Taizé, lítið kver en mikils virði. Það fjallar um grundvallaratriði
bræðrasamfélagsins í Taizé, hugsjónir þeirra og skuldbindingar. Það er til á fjölda
tungumála. Sérhver kristinn einstaklingur ætti að geta tileinkað sér lífsviðhorf
hennar þó að kverið sé skrifað til reglubræðranna.
Þótt samfélagið sé kennt við Taizé, gætir þó áhrifa reglunnar úti um allan heim
því að þeir eru sendir reglulega til annarra landa, tveir saman eða fleiri. Taizé er
nefnilega ekki lokað klaustur heldur opið samfélag þar sem árlega koma saman
ungir sem aldnir til að uppbyggjast og fræðast um kristna trú. Eitt er ennþá ótalið
sem regtan er hvað þekktust fyrir en það eru hinir frægu lofsöngvar þeirra.
Einkenni tónlistarinnar er að einfaldur texti, gjarnan úr Davíðsálmum, er sunginn
aftur og aftur í íhugun, bæn og þakklæti til Drottins. Hendingar eins og: „Þökkum
þér, ó, Guð, Drottinn vor, því þú ert góður,“ eru sungnar aftur og aftur. Áhrif
þessarar tónlistar, sem á rætur að rekja til þessara hófsömu manna, hefur breiðst út
og er jafnvel hægt að fá hana á snældum og geisladiskum.