Bjarmi - 01.02.1997, Blaðsíða 21

ÞÝSKALAND
SUÐUR-AMERÍKA
Atvinnulífið
styrkir kirkju-
starf
Styrkir fyrirtækja verða æ algengari i
mótmælendakirkjum í Þýskalandi.
Ástæðan er vaxandi peningaskortur
vegna þess hve margir Þjóðveijar segja
sig úr kirkjunni eða um 350 þúsund á
ári. Margir gera það til að losna við að
greiða kirkjugjöldin. Eftir sameiningu
Austur- og Vestur-Þýskalands voru lögð
á aukagjöld til að mæta kosnaði vegna
sameiningarinnar og sleppur fólk við að
greiða þau með því að segja sig úr kirkj-
unni.
EÞÍÓPÍA
Tvær milljónir í
Mekane Yesus
kirkjunni
Fjöldi þeirra sem tilheyra Mekane Yesus
kirkjunni í Eþíópíu er nú kominn yfir
tvær milljónir. Þeim fjölgaði úr 1.847.116
í 2.091.851 á árinu 1996. Megersa Guta,
aðalframkvæmdastjóri kirkjunnar, lofar
íýrst og fremst Guð fyrir að þetta er orðið
að veruleika og þakkar jafnframt öllum
sem hafa tekið þátt í því með kirkjunni
að vinna að verki Drottins meðal Eþíópíu-
manna.
MAROKKÓ
Fagnaðar-
erindið í
sjónvarpi
Fréttir frá Marokkó herma að mikill
áhugi sé í landinu á fagnaðarerindinu
um Jesú Krist. Ástæðan er meðal ann-
ars sjónvarpssendingar um gervihnött
en þær ná tvisvar í viku til margra millj-
óna manna í Norður-Afríku. Aðstand-
endur sjónvarpssendinganna hafa fengið
mörg bréf frá þakklátum áhorfendum
og lýsa því sem er að gerast sem vakn-
ingu.
Moon
hyggurá
herferð
Sértrúarflokkur Kóreumannsins Moon, sem þekktur er m.a.
fýrir mikil auðæfi og íjöldabrúðkaup, býr sig undir að hefja
melri háttar átak í Suður-Ameríku, segir í norska blaðinu
Dagen. Nokkru fyrir s.l. áramót var búist við 4200 trúboðum til
Montevídeó í Úrúgvæ en þar áttu þeir að sækja námskeið og
dreifa sér síðan um bæi og sveitir álfunnar og hefjast handa í
þágu safnaðarins. Trúflokkurinn tók íþróttaleikvang á leigu þar
sem trúboðarnir áttu að gista meðan námskeiðið stóð yfir, en
þeim sem komust ekki fyrir þar var búinn staður á lúxushóteli
sem flokkurinn á í borginni. Þátttakendur námskeiðsins voru
flestir frá Japan.
San Myung Moon, leiðtogi samtakanna, hafði dvalist um
nokkurra mánaða skeið ásamt konu sinni í borginni og vann að
þvi að festa fé einingarkirkjunnar, eins og þeir kalla sig, í enn
fleiri fyrirtækjum en þeir áttu þar fyrir. Þeir hafa einkum áhuga
á að verða hluthafar í fyrirtækjum á sviði ferðamála og í
fjölmiðlum. Á þessu ári ætla þeir að endumýja Hótel Victoria
Plaza. í þvi em 550 herbergi og verður það fyrsta flmm stjörnu
hótelið í Montevideó.
Forystumenn kaþólsku kirkjunnar líta „innrás“ Moons og
liðsveita hans alvarlegum augum og ákváðu biskupar hennar
að taka saman höndum til að spoma við starfi þeirra.'
Leiðtogi einingarkirkjunnar í Japan segir að kirkjan stefni að
því að ná eins góðri fótfestu í Suður-Ameríku og í Banda-
ríkjunum. Þvi marki ætli hún að ná með hjálp tækni og með þvi
að eíla menntun og styrkja fjölskyldulíf. í nóvember kom út
fyrsta eintak vikuritsins Tiempos del Mundo. Það á að verða
dagblað og koma út í 16 löndum þar sem spænska er töluð. Til
stóð að George Bush yrði viðstaddur þegar fyrsta eintakið yrði
kynnt.
Með útgáfu blaðsins er m.a. reynt að vinna fylgi i Argentínu.
Moon tilkynnti forseta landsins fyrir skömmu að trúflokkurinn
hyggðist fjárfesta fyrir 30-40 milljarða króna í landinu á næstu
ámm. Jarðir hafa þegar verið keyptar og ráðgert er að leggja fé í
verksmiðjur, hótel, ferðamannastofnanir og sjónvarpsrásir. Starf-
semi trúflokksins nær allt frá þvi að framleiða hunang til bíla-
smíði. Þess er að geta að samkvæmt argentínskum lögum mega
samtök, sem kalla sig kirkju, einungis stunda trúarlegt starf.
í Brasilíu áformar einingarkirkjan að byggja heilt þorp og auk
þess háskóla. Tímaritið Atencion í Sao Paulo telur að Moon og
fýlgjendur hans hafi fest fé í 180 löndum fýrir upphæð sem
samsvarar a.m.k. 500 milljörðum islenskra króna.
Moon heldur þvi fram að hann sé Messías enda hafl Jesú frá
Nasaret mistekist í þvi hlutverki. Nánar má lesa um þennan
trúarleiðtoga og kenningar hans í 4. tölublaði Bjarma á sl. ári.