Heima er bezt - 01.02.1968, Blaðsíða 7

Gullbrúðkaup Páls og Elinborgar.
á efri árum. Fluttu búferlum að Þingmúla 1891 og það-
an að Tungu í Fáskrúðsfirði 1898. Voru leiguliðar
fyrstu árin. Keyptu svo hálflenduna og síðar alla jörð-
ina. Bjuggu í Tungu til 1930 eða þriðjung aldar og
gerðu garð sinn frægan. Þegar Páll kom að Tungu hafði
verið þar þríbýli síðustu árin. Töðufengur var þá 80—90
hestburðir af allri jörðinni. En er Páll og Elínborg
brugðu búi og fengu Gunnari syni sínum jörð og bú í
hendur, var töðufall 450—500 hb., búpeningur um 300
fjár, 4—5 kýr og 6—7 hross. Mun Tunga ekki hafa bor-
ið stærra bú.
Þegar árið 1899 var Páll Þórsteinsson skipaður hrepps-
stjóri í Fáskrúðsfjarðarhreppi. Er því auðsætt, að hann
hefur verið vinsæll og notið trausts sveitunga sinna. Var
hreppstjóri 30 ár, oddviti um skeið, stofnandi búnaðar-
félags Fáskrúðsfjarðar og Búðahrepps, formaður þess
og heiðursfélagi. Enn er ótalið göfugasta ævistarf þeirra
Tungu-hjóna. Þeim varð 14 barna auðið og auðnaðist
að koma 12 þeirra til þroska, enda öll hinir nýtustu
þjóðfélagsþegnar, er hafa erft í ríkum mæli ættarfylgj-
ur góðra foreldra og langfeðra.
Páil Þórsteinsson var hávaxinn, réttvaxinn og vel lim-
aður. Léttur í hreyfingum, djarfmannlegur í fasi og
vasklegur. Jarpur á hár, augu blágrá, full af hýru og
gáskafullum glampa. Vel farinn í andliti. Fríður mað-
ur, fagureygur og svipgóður. Glæsimenni. Gerðist nokk-
uð lotinn á efri árum. Hélt reisn sinni, glaðværð og
geiglausa geði til aldurtilastundar. Var einn þeirra, sem
ekki bognar, en brotnar í bylnum stóra síðast.
Elínborg Stefánsdóttir var í meðallagi hávaxin og
grannvaxin. Létt í hreyfingum. Varð aldrei þungfær á
efri árum. Augu blágrá. Vel farin í andliti. Hárið jarpt,
mikið og fór vel. Fríð kona. Alvörugefin en kunni þó
vel að meta gamansemi og glettni bónda síns.
Halldór Jónsson prófastur á Hofi í Vopnafirði var
föðurbróðir Elínborgar. Þegar Elínborg var 8 vetra,
fór hún í fóstur til síra Halldórs. Að honum látnum,
1881, fór hún með síra Lárusi Halldórssyni, fósturbróð-
ur sínum, að Valþjófsstöðum í Fljótsdal. Þar dvaldi
Elínborg þar til hún giftist. Dvöl Elínborgar á rausn-
argarði Halldórs prófasts og alþingismanns mun hafa
verið henni góður skóli. Síra Halldór var einlægur full-
tingismaður Jóns forseta Sigurðssonar. Elínborg hefur
drukldð í sig þann sjálfstæðishug og dug og framfara-
anda, er þar ríkti. Elínborg sýndi það í sinni hörðu
lífsbaráttu að hún var framsýn um framkvæmdir og
latti eigi stórræðanna. Verður hér sagt frá einni fram-
kvæmd því til sönnunar. Páll Þórsteinsson lagði vatns-
leiðslu langan veg úr fjalli til bæjar í Tungu. Varð brátt
ljóst að leiðslan mundi kosta mikið fé. Ræddi Páll mál-
ið við Elínborgu og kvað augljóst, að þetta fyrirtæki
mundi verða þeim þungt í skauti. Kvaðst hafa sparað
Heima er bezt 43