Heima er bezt - 01.11.1995, Blaðsíða 9

Eftir að hann hafði verið rúm tvö ár í sjóhernum í lok
seinni heimsstyrjaldarinnar, gat hann ekki hugsað sér að
setjast aftur á skólabekk.
„Ég vildi verða maður,“ segir hann og ber létt á brjóst-
ið, og kímnin glampar í augum hans.
Hann fór út á vinnumarkaðinn og hóf störf hjá útgáfu-
fyrirtæki. Honum líkaði ekki starfið og reyndi fyrir sér
Við áritun bókar sinnar EINKALIF
PLANTNA.
hjá BBC-sjónvarpinu. I því starfi gat hann einmitt látið
draum sinn, að ferðast um heiminn, verða að veruleika.
Hann hóf gerð dýralífsmynda og hrinti þannig í fram-
kvæmd hugmynd sinni um, hvernig kanna ætti heim dýra
og plantna. Með þáttum sínum og bókum hefur hann
aukið skilning manna á lífheiminum í kringum okkur
með því að færa inn í stofu til fólks frumskóga Afríku og
undirdjúp sjávar.
„Ég er ekki að reyna að predika. Ég er ekki einu sinni
að reyna að segja fólki að gera neitt. Ég fæ mikla ánægju
af því að sjá þessa hluti og komast að því, hvernig þeir
gerast, og það er það, sem ég vil sýna fólki,“ sagði Atten-
borough.
Maður, sem starfar jafn mikið úti í náttúrunni og hefur
séð ólík vandamál víðsvegar á heiminn, kemst varla hjá
því að mynda sér skoðun um náttúruvernd. En hann legg-
ur ríka áherslu á að skilja þann áhuga frá starfi sínu sem
þáttagerðarmaður fyrir sjónvarp.
„í sjónvarpi nýtur maður mikilla forréttinda og þarf að
gæta þess að misnota ekki aðstöðu sína þar,“ sagði hann.
„En mér finnst líka að fólk þurfi að passa upp á umhverfi
sitt og skilja hve dýrmætt það er,“ sagði hann.
í frítíma sínum sinnir hann friðunarmálum sem er eitt
af áhugamálum hans og reynir að hafa áhrif á náttúru-
vernd í Englandi og víðar um heiminn, en hann er enginn
öfgamaður í þeim efnum.
„Ég ber mikla virðingu fyrir líf-
inu, en það þýðir samt ekki að ég
borði aldrei kjöt eða geri flugu
mein. Ég er að tala um þetta flókna og margslungna jafn-
vægi í lífríkinu. Það gefur mér mikla lífsfyllingu að fylgj-
ast með því,“ sagði Attenborough.
Margir furðuðu sig á því, þegar hann hafnaði boði um
æðstu stjórnunarstöðu hjá báðum stöðvum BBC-sjón-
varpstöðvarinnar í Englandi. Honum fannst ákvörðun sín
ekki erfið.
„Ég fór að starfa fyrir BBC, af því að mér fannst gam-
an að þáttagerð. Síðar varð ég dagskrárstjóri. Um leið
hætti ég að gera þætti og allt snerist um fjármál, pólitík
og tölvur. Ég var búinn að borga húsið mitt og mennta
börnin mín og hugsaði með mér, hvers vegna ég væri að
gera það, sem ég hefði enga ánægju af? Af hverju starf-
aði ég ekki að því, sem ég hefði gaman af, þ.e. að gera
sjónvarpsþætti," sagði hann.
Þess vegna tók Attenborough þá ákvörðun að hafna
boðum um frekari stjórnunarstöður og sneri sér alfarið að
þáttagerð.
Fram undan hjá honum er ferð til Nýju-Gíneu, sem er
stór eyja norður af Ástralíu. Þar hyggst hann skoða para-
dísarfugla, en þeir eru orðlagðir fyrir mikið fjaðraskrúð.
Það er hins vegar mjög erfitt að ná mynd af þeim, þar
sem þeir láta fara lítið fyrir sér á daginn en koma í ljós,
þegar kvölda tekur. Þetta er verkefni, sem Attenborough
er búinn að vera að reyna að fást við í fjörtíu ár.
„Fuglarnir eru varla stærri en spörfuglar, og það eru til
Heima er bezt 365