Æskan - 01.02.1970, Síða 7

FYRIRMYND — HVATNING
----------------■,
Lœrisveinarnir
Jóhannes hefur áreiðanlega verið hraustur og sterkur
eins og Jakob, bróðir hans. Þeir voru synir fiskimannsins
Zebedeusar, og sigldu þeir á opnum bátum á Galíleuvatni,
þar sem oft gat verið rhjög stormasamt.
En Jóhannes var ekki fyrst og fremst líkamlega hraust-
ur, heldur andlega. Og það sýndi hann oftar en einu sinni
og oftar en tvisvar.
Það var hann, sem stóð við krossinn forðum, er Jesús
var krossfestur, og huggaði Mariu, móður Jesú. Og Jesús
sagði við móður sína: „Kona, sjá þar er sonur þinn! Síðan
segir hann við lærisveininn: Sjá, þar er móðir þln. Og frá
þeirri stundu tók lærisveinninn hana heim til sín.“
Það var Jóhannes, sem fyrstur lærisveinanna þekkti
Jesúm eftir upprisuna. Þeir voru nýkomnir úr veiðiferð og
stóðu niðri i fjörunni, þegar Jesús talaði við þá.
,,Þá sagði lærisveinninn, sem Jesús elskaði: ÞaS er
Drottinn."
Margar sögur eru til um Jóhannes, sumar sannar, aðrar
helgisagnir. Einu sinni hafði hann leitt ungan mann til
trúar á Jesúm. Nokkru síðar, er hann ætlaði aftur að hitta
unga manninn, var hann horfinn úr þorpinu. Hann hafði
gengið f lið með ræningjum í fjöllunum i kring. Sagan
segir, að Jóhannes hafi þegar lagt af stað, látið ræningj-
ana handtaka sig, og þannig hitt unga vin sinn aftur. Jó-
hannes bar umhyggju fyrir honum. Hann vissi, að líf ein-
staklinganna var mikils virði. Jóhannes átti kærleika.
Jóhannes varð mjög gamall. Hann var í hárri elli sendur
í útlegð til eyjunnar Patmos, en þar ritaði hann hina stór-
brotnu og slðustu bók Biblíunnar: Opinberunarbókina.
Menn eiga sér margar og misjafnar fyrirmyndir. Ég á
mínar og þú þínar. Bræðurnir Jóhannes og Jakob voru
stundum nefndir „þrumusynirnir". Þeir hafa þvi áreiðan-
lega verið harðir I horn að taka á stundum.
Kannski er eitthvað líkt með þér og Jóhannesi. Eða ef
til vill finnurðu, að þú þarft á kærleika að halda og um-
hyggju. Við þurfum marga „Jóhannesa", sem reyna að
skilja aðra og rétta þeim hjálparhönd. í oft svo miskunnar-
lausum heimi, að okkur finnst, þurfum við meiri kær-
leika, af því að
GUÐ ER KÆRLEIKUR
JÓHANNES M
I. Jóh. 4,8.
GUÐ ER KÆRLEIKUR
Stundum hefur Jóhannes verið kallaður „postuli kær-
leikans".
Ekki er nokkur efi á því, að eitt af því, sem okkar kyn-
slóð skortir hvað mest, er kærleikur.
Jóhannes sýndi bæði í orði og í verki, að kærleikurinn
er einn mikilvægasti þátturinn i kristnu liferni.
Ákveðið er að efna til ritgerðasamkeppni um
.,einn af postulum Jesú“. Þegar þáttum þess-
uni lýkur, gefst lesendum kostur á að skrifa
ótgerð, sem nefnist Einn af postulum Jesú.
Ekki þarf ritgerðin að vera löng, efnisval og
mat sjálfstætt. Hún gæti til dæmis fjallað um
kosti og galla, þann, sem þér þykir vænst um,
Þann, sem þér þykir eftirtektarverðastur, þann,
sem þú vildir helzt líkjast eða eitthvað því um
líkt.
Aldurshámark er 15 ár.
Veitt verða 5 eftirtalin bókaverðlaun:
1. verðlaun: Drengurinn frá Galíleu, Hetjan
frá Afríku, Vinir frelsisins, Ungi hlébarðinn.
2. verðlaun: Drengurinn frá Galíleu. Flemm-
ing í menntaskóla, Þrír vinir, Kalli skipsdrengur.
3. verðlaun: Hermundur Jarlsson, Þórir Þrast-
arson, Þrír vinir.
4. verðlaun: Ungi hlébarðinn, Vinir frelsisins.
5. verðlaun: Hermundur Jarlsson.
Ritge rðakeppni
71