Æskan - 01.01.1986, Blaðsíða 19

Verölaunasamkeppni Æskunnar og Rásar 2
Dómnefndin að störfum. Frá vinstri: Eðvarð Ingólfsson Æskunni, Sæmundur Guðvinsson
Flugleiðum og Þorgeir Astvaldsson Rás 2.
VERÐLAUNAHAFARNIR FRÁ AKRANESI OG GRENIVÍK
Það var spenna í loftinu í húsakynnum
Rásar 2 þegar dómnefndin í pistlasam-
keppni Æskunnar og Rásar 2 kom saman
hl fundar að morgni Þorláksmessudags sl.
Þá hafði hver nefndarmaður lesið alla pistl-
ana og tilgangur fundarins var að komast
aö sameiginlegri niðurstöðu um það hverj-
lr hlytu vinningana. Þeir voru ekki af lak-
ara taginu: Flugferð fyrir tvo með Flug-
leiðum til Lúxemborgar.
Þessi síðasti fundur dómnefndar stóð í
réma klukkustund. Menn skeggræddu
fram og aftur um ágæti ritgerðanna og það
var auðheyrilegt að úr vöndu var að ráða.
Mjög margir frambærilegir pistlar höfðu
borist og dómnefndin var ekki öfundsverð
af því að þurfa að gera upp á milli þeirra.
Tvær stelpur duttu í lukkupottinn þegar
upp var staðið. Þær heita Sigurbjörg Þrast-
ardóttir, Esjubraut 5, Akranesi, og Guð-
rún Rósa Þórsteinsdóttir, Bárðartjörn.
Grenivík. Sú fyrrnefnda er 12 ára en hin 15
ára.
Strax og dómnefndin hafði kveðið upp
úrskurð sinn hringdi Þorgeir Ástvaldson,
forstöðumaður Rásar 2, í sigurvegarana og
færði þeim gleðifréttirnar. Eins og við var
að búast var þeim tekið með mikilli gleði.
Já, það hefði verið gaman að sjá svipbrigð-
in á stelpunum — undrunina yfir óvæntum
en ánægjulegum tíðindum. Síðan voru
nöfn þeirra tilkynnt í beinni útsendingu í
Morgunþættinum klukkustund seinna.
Ferðin til Lúxemborgar verður farin í
vor og mun Æskan fylgjast vel með ferða-
löngunum og miðla fréttum af ævintýrum
þeirra. Til hamingju, stelpur!
Æskan og Rás 2 þakka höfundum allra
pistlanna fyrir þátttökuna - og hver veit
nema þið hin dettið í lukkupottinn næst!
HLIÓMTÆKJASAMSTÆÐAN FÓR TIL VESTMANNAEYJA
A Þorláksmessumorgun fengu fleiri
óvæntar og gleðilegar fréttir en þær Sigur-
björg og Guðrún Rósa — sigurvegararnir í
Pistlasamkeppninni. Það var nefnilega
hregið í Tónlistargetrauninni. Hinn heppni
heitir Gunnar Þór Guðjónsson, Illugagötu
■^5, Vestmannaeyjum. Hann er aðeins átta
ura. Verðlaunin voru glæsileg Fisher-
hljómtækjasamstæða af tegundinni MC
^-5 ~ frá Sjónvarpsbúðinni.
Rétt svör í tónlistargetrauninni eru
þessi:
A Michael Jackson er Vottur Jehóva.
2. Skírnarnafn Tinu Turner er Annie
Mae.
3. Hljómsveitin Grafík kennir sig við ísa-
fjörð.
4. Simon Le Bon gekk í Duran Duran
árið 1980.
5. Rokkhljómsveitin U2 er írsk.
6. Madonna fœddist árið 1960.
7. Wake me up before you go go hefur
verið lengst þeirra þriggja laga, sem
nefnd voru, á vinsœldalista Rásar 2.
8. Fyrsta lagið, sem Frankie Goes To
Hollywood sendifrá sér, er Relax.
9. Björgvin Halldórssson var eitt sinn í
liljómsveitinni Ævintýri.
10. Valgeir Guðjónsson er félagsfrœðing-
ur að mennt.
Einnig var dregið um aukaverðlaun í
Tónlistargetrauninni. Þessi nöfn komu
upp: Magnús Magnússon, Asparlundi 6,
Garðabæ, og Elsa Þórey Eysteinsdóttir,
Lágabergi 9, Reykjavík. Þau fá að vera
plötusnúðar á Rás 2 í 20 mínútur áður en
langt unt líður.
Rúmlega 2000 lausnir bárust í Tónlist-
argetrauninni.
19