Æskan - 01.12.1988, Qupperneq 57

Einu sinni voru tvö systkini sem
hétu Anna og Pétur. Þau voru alltaf
að rífast. Þau áttu heima á sveitabæ
sem heitir Hof.
Þetta gerðist í júní. Snemma
morguns voru Anna og Pétur komin
upp í hlöðu. Þau ákváðu að kasta
bolta á milli sín. En svo fóru þau að
rífast. Pétur var með boltann og
kastaði honum af öllu afli beint í
andlitið á Önnu. Hún steyptist aftur
fyrir sig niður í súrheysgryfjuna og
lenti á steyptu gólfí í botni hennar.
En það bjargaði henni að hún hélt
hægri hendi undir hnakkann.
Pétur hraðaði sér ofan í gryfjuna
til systur sinnar. Hún hafði misst
meðvitund en rankaði við sér eftir
nokkrar mínútur. Pétur hljóp á
harða spretti heim og sagði mömmu
sinni frá slysinu.
Anna var flutt á sjúkrahús. Hún
hafði brotnað um olnboga og marist
illa. Pétur grét lengi af því að hann
vissi að þetta var honum að kenna.
Hann keypti blóm og leikföng
handa henni.
Þegar Anna kom heim af sjúkra-
húsinu var hún með gifsumbúðir á
hægri handlegg. Pétur hjálpaði
henni eftir mætti.
Systkinin rifust aldrei eftir slysið
og hjálpuðust að eins og þau best
gátu.
Sigurlaug Dóra Ingimundard. 11 ára,
Geldingaholti 3, Skagafirði.
Úr vísnabók Ragnars
Kvöldstund
Nú er ég að læra heima.
Ég skrifa um heima og geima.
Úti er kalt og dimmt;
þar sýnist allt vera svo grimmt.
Ég dusta af klukkunni rykið.
Æ, hvað hún er orðin mikið.
Hér inni er mikið næði
og því er ég að yrkja kvæði.
(Vorið 1987)
Hjá ömmu
Amma mín,
blómin þín
eru fín.
Þú bakar lummur og fleira
en afi hefur aldrei lært að keyra.
En hann kann að skrifa og teikna
og lesa og reikna.
Afí er sprækur
og hefur lesið meira en þúsund bækur.
(Ágúst 1987)
í skólanum
Alla daga í skólanum ég læri.
Úr einni bók í aðra lærdóminn ég færi.
Ég þarf mikið að læra heima
og best er að vera ekkert að geyma
að skrifa og iæra líffræði,
stafsetningu og fleira. Á þessu ég græði,
því þegar ég verð eldri veit ég meira,
get fengið góða vinnu og lært að keyra.
(Október 1987)
Á afmæli Æskunnar
Æskan er 90 ára um þessar mundir.
Með henni hef ég átt góðar stundir.
í blaðinu er hægt að leysa þrautir og meira.
Þar eru viðtöl, sögur og margt fleira.
Eftir að lesa blaðið segi ég bara það
að mér fínnst Æskan mjög gott blað.
En nú er ég þetta ljóð að klára
og ég vona að Æskan verði eldri en 100 ára!
(Október 1987)
ÆSKAN
57