Æskan - 01.01.1991, Blaðsíða 18
nema sandur..."
Rsetf vid Halldór 1 2 ára
og Þorbjörgu 1 5 ára
- en þau dvöldust í Kúvæt í fimm ár
Texti: Kari Heigason • Myndir: Heimir Óskarsson
Það getur verið erfitt að
bíða. Bið milli vonar og
ótta um afdrif fólks geng-
ur nærri öllum.
Gísli Sigurðsson læknir
var meðal þeirra sem
störfuðu í Kúvæt og fengu
ekki fararleyfi þaðan fyrr
en seint og um síðir. Ef-
laust hafa margir ykkar,
lesenda Æskunnar, fylgst
með tilraunum til þess að
fá heimild til heimferðar
fyrir Gísla. í fjölmiðlum
var því nákvæmlega lýst.
Ef til vill of nákvæmlega
því að það fékk á fjöl-
skyldu hans. En samhug-
ur fólks styrkti hana,
fólks sem vonaði að allt
færi farsællega að lokum
og gerði það að bænarefni
sínu.
„Ég vildi sem minnst hugsa um
þetta en bað þess heitt að pabbi
kæmist heim sem fyrst. Ég reyndi
að forðast að hlusta á sjónvarp og
útvarp. Mér leið illa þegar fólk
spurði um hann," sagði Þorbjörg,
15 ára dóttir Gísla og Birnu G.
Hjaltadóttur, þegar ég spurði hana
hvernig henni hefði liðið meðan
hún beið heimkomu föður síns.
*
A jeppa frá
Kúvæt til Svíþjóðar
Þorbjörg er fædd hér á landi en
fluttist tveggja ára til Svíþjóðar
með foreldrum sínum - og tíu ára
til Kúvæts. í vetur stundar hún nám
á Akranesi og heldur til hjá ömmu
sinni. í sumar flyst fjölskyldan til
Sviss!
- Hvernig lýst þér á að flytjast enn
milli landa?
„Bara vel. Ég er orðin vön þessu.
Mér þykir afar gaman að ferðast.
Við höfum komið hingað til íslands
á hverju sumri og meðan við áttum
heima í Kúvæt fórum við einnig til
Svíþjóðar til að hitta vini fjölskyld-
unnar. í sumar ókum við á jeppa
frá Kúvæt og norður til Svíþjóðar!
Við fórum um Tyrkland, Búlgaríu,
Júgóslavíu, Ítalíu, Sviss, Þýskaland
og Danmörku. Ferðin tók þrjár vik-
ur. Við dvöldumst í Sviss í nokkra
daga. Þar er afskaplega fallegt,
einkum í Ölpunum.
Já, við höfum farið víðar, til
dæmis til Kýpur, Egyptalands,
Jórdaníu - og Ameríku. Markverð-
ast? Líklega að skoða píramídana í
Egyptalandi."
- Hvað kom þér mest á óvart þegar
þú komst til Kúvæts?
„Hitinn - og að mér fannst ekki
vera þar neitt nema sandur! Þar er
afar heitt og þurrviðrasamt og víða
gróðursnautt. Hitinn getur farið í
55 stig á Selsíus á sumrin. En við
höfum ekki verið þar á þeim tíma.
1 8 Æskan