Æskan - 01.03.1992, Blaðsíða 55
ein með öðru hvoru þeirra, t.d. í
bíl á leið milli staða eða bara
heima. Eldri systkini geta iíka
verið hjálpleg í þessum efnum.
Ef til vill er ráðgjafi í skólanum
þínum, góður kennari, prestur
eða hjúkrunarfræðingur. Ömm-
ur og afar, frænkur og frændur
geta líka komið til greina sem
góðir viðmælendur. Þú minnist
í bréfinu þínu á mörg atriði sem
ég veit að muni koma öðrum
börnum og unglingum að gagni
þegarþau lesa það. Ég vona líka
að þú veltir fyrir þér svarinu og
skrifir aftur og segir okkur frá
hvað þú hefur prófað og hvern-
ig það hefur gengið.
ÓFULLKOMINN PILTUR
Kæra Nanna Kolbrún!
Ég er tólf ára og á í smá vand-
ræðum. Ég er ekkl neitt fríður. Ég
er frekar ófríður. Vandinn er sá að
ég er að drepast úr ást á stelpu
sem er algjörlega fullkomin. Hún
segir mjög margt við stráka og tal-
ar við stelpur eða réttara sagt tal-
ar bara við suma sæta stráka.
Ekki ráðleggja mér að gleyma.
Segðu mér heldur hvað ég á að
gera. Vinur minn hjálpar mér og
kjaftar við hana og kemst svona
að hinu og þessu.
Ég veit að þátturinn fær mörg
bréf sem eru alvarlegri en þetta -
og svo framvegis. Ég klóra þetta
og sendi þér og vona það besta.
Ástsjúki álfurinn.
Svar:
Ég dreg stórlega í efa að
þessi stelpa sé fullkomin. Það
eru fæstir sem betur fer. Þú hef-
ur hins vegar sett á hana geisla-
baug og telur hana fullkomna.
Það er eitt einkennið þegar um
skot eða hrifningu er að ræða
að koma eingöngu auga á kosti
hlutaðeigandi persónu. Þessi
stelpa er áreiðanlega mannleg
og með kosti og galla eins og
aðrir, örugg á sumum sviðum
og ef til vill óörugg á öðrum.
Þetta getur verið ágætt fyrir þig
að hafa í huga þegar þú ert að
velta fyrir þér að ná sambandi
við hana.
Hafi ég skilið þig rétt þá ertu
hræddur um að stelpan hafi ekki
áhuga á þér af því að þú sért
ekki nógu fríður. En sannleikur-
inn er sá að fríðleikinn er ekki
það sem vegur þyngst í þessum
málum. Persónutöfrar, visst
sjálfsöryggi og góð kímnigáfa
er oft þyngra á metunum.
Ég held að þú hafir margt af
þessu til brunns að bera. Það
ræð ég af teikningunni sem
fylgdi og hvernig þú leikur þér
að skriftinni sem vissulega er
ekki sérlega fögur en ber vott
um gott skopskyn. Þú átt líka
góðan vin þér við hlið og það
sýnir það að þú getur myndað
persónuleg tengsl við aðra. Allt
þetta þarftu að muna þegar þú
ert að vega og meta sjálfan þig
og þá möguleika sem þú telur
þig hafa til að ganga í augun á
stelpunni.
Reyndu að bera þig vel og
taka frumkvæði í samskiptum
við hana. Talaðu við hana með
vini þínum og ef þið eigið sömu
áhugamál þá getur verið gaman
að vinna að einhverju slíku sam-
an. Það er mjög góð leið til að
kynnast. Þannig þarf oft að
reyna á samskipti til þess að
komast að því hvernig manni lík-
ar við einhvern í raun; iika þeg-
ar geislabaugurinn hefur verið
lagður á hilluna.
VINKONAN TALAR
FYRIR MIG
Kæra Nanna Kolbrún!
Ég er hrifin af strák sem er tólf
ára (ég er ellefu). Hann er oft bú-
inn að viðurkenna að hann sé hrif-
inn af mér og býður mér oft upp á
diskótekum. En vinkona mín (ef
vinkonu skal kalla) segir alltaf nei
fyrir mig. Hún segir:
„Hún er ekki hrifin af þér.
Farðu."
Samt langar mig ofboðslega til
að dansa við hann. En ég er svo
hrædd um að missa vinkonu mína
því að þá verð ég ein því að ég er
svo rosalega feimin og engin
stelpa vill tala við mig nema hún.
Éinu sinni dansaði ég við strák-
inn (sagði sem sé já). Þá talaði
stelpan ekki við mig lengi á eftir og
fékk allar stelpurnar á móti mér.
Hún varð ekki aftur vinkona mín
fyrr en ég sagði að ég væri ekki
hrifin af honum.
Hún er svo ógeðslega frek og
leiðinleg að ég hata hana gjörsam-
lega en ég vil ekki fá alla á móti
mér.
Hvað á ég að gera?
Hvað lestu úr skriftinni?
Ein að gefast upp.
Svar:
Ég er hrædd um að þú látir
þessa stelpu kúga þig. Eins og
þú lýsir samskiptum ykkar virð-
ist þetta ekki vera góð vinátta.
Vinátta er gagnkvæm og bygg-
ir á trúnaði og virðingu. Maður
safnar ekki liði til þess að láta
vini sína hlýða sér. Ég held að
þú hafir misskilið þessa vináttu.
Þessi stelpa vill ráða yfir þér.
Það er heilbrigðara að vera
einn en láta flækja sig í þvílík
tengsl. Reyndu að herða upp
hugann og segja hug þinn hátt
og skýrt. Þannig tekur þú sjálf
ábyrgð á tilfinnlngum þín-
um og skoðunum. Það
er miklu meiri virðing bor-
in fyrir slíkum krökkum en
þeim sem alltaf þegja og
gera eins og foringinn i hópn
um. Þú segir sjálf að þessi
stelpa sé frek og leiðinleg.
Finndu þér skemmtilega vin-
konu.
Skriftin er skýr og ber vott
um ákveðni. Stafagerðin á eftir
að mótast og verða fullorðins-
legri.________________
Þökk fyrir bréfin! Ég
vona að þeir mörgu
sem ekki fá þeim
svarað hafi þó gagn
af að lesa það sem
fjallað er um hverju
sinni. Ég reyni að
gefa ráð við öllum
áhyggjuefnum - en
margt er líkt í bréf-
unum.
Munið að rita fullt
nafn og heimilis-
fang undir bréfin.
Dulnefni verða birt.
Með kæ.
Nanna Kolbrún
Pósthólf 523 121 Reykjavík
ÆSKU
Æ S K A N
S 9