Almanak Ólafs S. Thorgeirssonar - 01.01.1946, Qupperneq 53

ALMANAK
53
fólki við söng og ræðuhöld. Pétur var þá oftast ræðu-
maðurinn.
Eftir fjögur ár á Tabor College lauk hann Bachelor
of Science prófi við þann skóla. Vann síðan fyrir sér eitt
ár við kennimannsstarf, en fékk svo styrk einhvem hjá
Congregationalistum til guðfræðináms við Yale Divinity
School í Connecticut. Þar tók hann fullnaðarpróf—Bach-
elor of Divinity—vorið 1897. Pétur stóð sig prýðis-vel í
námi þar eins og annarsstaðar. Var hann svo vígður hjá
Congregationalistum og þjónaði söfnuðum fyrst í Monte-
video í Minnesota og þar næst í Ottumwa suður í Iowa
Varð hann skjótt í miklu áliti hjá kirkjubræðrum sínum;
þeir kusu hann til yfir manns yfir Congregational kirkj-
unni suður þar—State Superintendent—árið 1907; og
þeirri stöðu hélt hann í 31 ár, þangað til hann lét af em-
bætti sumarið 1938. Hann bjó öll sín embættisár í bæn-
um Grinnell í Iowa og býr þar enn. — Tabor College
sæmdi hann doktors nafnbót árið 1907; og Grinnell Col-
lege veitti honum sama heiður árið 1938. Dr. Johnson
var vel metinn kirkjuleiðtogi og vinsæll með afbrygðum;
hafði þó embættisferil nokkuð örðugan, ferðalög mikil
og allskonar ómök og ábyggjur fyrir söfnuðinn og prest-
inn. Hann hefir jafnan verið ötull starfsmaður; þótti og
ráðhollur og nærgætinn undirmönnum sínum.
Þegar dr. Johnson lét af embætti var honum og frú
hans haldið heiðurssamsæti mikið í Sioux City. Fyrir því
stóðu embættismenn og erindsrekar á þingi Congrega-
tionalista þar í ríkinu. Veizlan fór fram á miðvikudegi
4 maí 1938; sátu þar að borðum 250 manns. Þeim hjónum
voru gefnir 11 hundnið dalir í peningum; beðin að verja
því fé til ferðalaga; og þessari höfðinglegu gjöf fylgdi
bæklingur með 200 kveðjum og heillaóskum frá kennilýð
og leiðandi leikmönnum Congregationalista og mörgum
fleiri merkismönnum víðsvegar að. Ræðumenn fluttu þar
hugheilt lof um manninn og starf hans allt.